起31-01 的中一成長營幫手。
今年中一好多都唔認識...
我果組全都係1A班的~
男仔有個叫 熊仔 好得意~
女仔有個叫 霜霜 仲得意，細細粒好多嘢講 ^^
今次camp最搞笑係被人影咗張相.....
我好似俾miss 餅鬧咁！
我個樣仲好慘咁！！！哈哈~

明輝仲整咗設計對白！

今日有點黑仔....
平常去沖涼...但開極都冇熱水出~
唉....試咗幾次都冇....熱水爐壞咗..........
沖凍水涼....梗唔會啦！
唯有去煲熱水.........好耐好耐都咪試過~
差啲唔夠水沖 ><
仲諗住全家人都要煲水沖啦...
點知.....再開熱水爐試試時....又有熱水喎~
可惜...我已沖了...唉....
好彩今日唔係好凍...咁我真係死俾你睇 -.-

旅行返嚟都見唔到大家.....
團契要休息兩個星期 >< (中一成長營、家長日)
好掛住你哋呀！
啲手信都送唔出.....
點送俾你哋好呀？
不過啲手信唔知你哋鍾唔鍾意....
好一對對襪~
我覺得好得意 ^^

我返嚟啦！
去咗五日韓國...好好玩 ^^
最好玩係有一日可以去滑雪，
好難滑 >< 成日跌....
但好好玩...
仲坐吊車上山滑落嚟...超正 Yeah~~~
帶埋滑鏡超型~
我有買手信俾大家...
見到面先俾啦！
見唔到就無喇......哈哈~

各位我聽日去旅行呀！！！
同一大班朋友去韓國玩~
去5日4夜....
仲可以去滑雪...正
未玩過 xd 好期待.......
不過會好凍好凍 ><
希望唔會凍死咗 @@

所以星期六我返唔到團契...要乖啲呀！
唔好掛住我喎 XD
但我會好掛住您哋 ^^
我會影多啲相俾大家睇....

仲有...今次考得唔好不要灰心呀！