2005 年 8 月 9 日  星期二

今朝9點起身....then就去原德睇牙醫..今次又淨係洗牙咋..哈..我都好似5年唔洗補牙lu...

之後就同阿媽去左東港城shopping...阿媽買左都幾多文買俾我呀..又買左2條電話繩tim..

跟住就去吉之島買野..到左11點幾就番屋企lu..返到去睇十萬噸情緣...

跟住就頂唔順lu...訓著左..訓到3點半就同阿爸阿媽去左大家樂食野..

then就返學拎書...成家一齊去拎書..我覺得好樣衰囉=.="

跟住返到去..Jacky係度串喎..話暑假就黎完啦喎..仲.......(講緊我同佢ge高度)

得啦..我知佢高..都唔洗串呀..唉..

then見到啤同阿女..咁就一齊同佢地傾偈..係度玩..

daddy買左頭文字D俾啤囉...唉..我無=.="

跟住就等肥狗拎碟黎..阿媽就走先....到左5點幾就走lu....

跟住就返屋企...睇左陣我地隻碟..係電視睇到一半唔郁喎..

為有係電腦睇啦...哈..都幾好笑呀...

之後7點9到食飯...東張西望終於播小方啦...勁靚仔囉..

then就打日記..睇電視...

聽日出去做功課..哈..

2005 年 8 月 7 日  星期日

今日2點幾去左新都等睇小方....我都企到好前呀....

到左3點到就開始啦...佢一出黎個個係咁嗌...證明佢多fans啦...哈..

then佢唱左2首歌...佢唱live都幾掂喎我覺得...

小方真係勁勁勁靚仔囉..我影左幾幅相咋..雖然影到好細..but都好滿足lu...

我覺得佢真人靚仔過影相囉..哈..真係越黎越愛佢啦...

我有d想入佢fans club囉..不過都係想姐...

唔知今晚會唔會發夢見到佢呢?呵呵...

then出左黃大仙到等阿爸..點知佢叫左個工人& 2個小朋友黎接我=.="

跟住琪琪同Gabill(應該咁串掛)話去公園玩..d人罷住個千秋囉..有少少似我地囉我覺得...哈..

玩左陣就上契女麻女麻到啦..上到去同Gabill玩車& d無聊遊戲...

又同琪琪玩下咁...到左7點幾就食飯...

食完我地就落街買野..因為阿爸打緊麻雀..

到左10點幾到就走啦...then買生菜魚肉食...

之後打日記...沖涼..

今晚如無意外會3點訓..因為要聽新香蕉...哈...

愛死小方呀

2005 年 8 月 6 日  星期六

今日12點3到起身..then就一路睇怪獸公司..一路食蛋糕..真好味..

睇完就玩左陣電腦...同左啤chat icq...

之後同啤傾左陣電話就收線lu...

跟住我發現我原來有侏羅紀公園喎..咁就有得做英文啦..

到左7點到...阿爸買完野俾我食..then佢就出左街啦...阿媽今晚又唔返...

可憐的我...不過我覺得幾好..哈..

then食完就睇殘酷一叮...又玩電腦...

仲同個日記更新tim..不過都係咁樣衰=.="

之後睇奇幻潮..再搞下d野..

我諗今晚2點到就訓lu...

期待聽日去新都睇小方呀..嘩卡卡