今日同媽媽去飲茶.之後買電視

正.等左耐啦.買左一部32寸

但係要星期二先送到過黎==

跟住同森.鴨.銘.小峰去報補習.

又比銘笑死==個姐姐問佢報咩

佢話:[報x同x]跟住個姐姐話:[多謝晒

一共8xx]銘就話:[我冇帶錢]我地幾個比佢

笑死.冇錢黎報名?

跟住去圖書館.j仔同聰話要係自修做功課.

我都想去睇下書.就一齊去.唉.又比膠銘玩死.

佢借一本書.唔係書架既.要問職員拎先有既.

佢真係.借天書咩.因為冇位既關係.就去m記做

去緊果陣.銘話要買褲.佢話:[我差一條西褲.就

有成套西裝啦.]==咁細個就要着西裝?

到左m記.鴨同j.聰開始做功課.我都睇左陣書.

冇個呀婆坐左係銘對面.佢咬住水果==(學野啦.

食水果踩m記場)我地都冇乜理會佢.過左陣唔見左佢

佢留低左個香筒.入面有幾支香係到.我地係以為佢留低左

冇幾耐佢返黎.原來佢去左厠所.返左黎同銘講左.一堆話.

銘就一邊點頭一邊睇書==個呀波既一堆廢話中.個重點係

唔可以帶d香入厠所==佢走果陣.同我地講.學業進步.我就回一句

[睇下e個(鴨)係到抄功課]個呀婆就話:[叻仔黎嫁].聰就話:

[抄功課仲唔叻仔?]坐多陣就走人.佢地話去食飯.我唔去.

聽到銘打電話比佢呀媽話唔返黎食飯.好奇一問.唉又比佢

膠死.佢話:[屋企d食好難食!]咁就一日啦!