呢幾日同媽咪吵左起黎,

琴日佢唔知點解一返黎,見到我開左部電腦就話我成個暑假都係度玩,咩都冇做過,

跟住就拉到去琴個邊,話我又唔去上堂,係屋企又唔練,

佢一直係度講,我唔開心,出左去............................

我諗番佢講既野..

係,冇錯,我7月個陣幾乎每一日都係起身-->打機-->練琴-->打機-->訓教.........

但係8月開始我已經唔係啦....雖然我係開左部電腦係度,但我唔係玩緊呀,

佢一味只係識返工返工,開鋪開鋪,

返黎見我開緊電腦就話我又冇做過野,

佢又知...

我一日出左去唔練琴,佢又話我冇做野,

喂....我出去唔係玩呀,唔練一日駛唔駛死呀.....

我呢個暑假有一個禮拜冇去到學琴炸,佢就話我成日唔去上堂.....

呀媽,我有去呀,同埋我有練架,我真係進步左架....

我諗番起梁姑娘(訓練中心個社工)講既說話,

佢好多時接到d家長投訴,話佢地d仔女唔讀書,成績唔好,又成日打機,

梁姑娘問d家長:咁佢地打機叻唔叻,

d家長話:又唔係好叻喎.........

乜而家潮流興爸爸媽媽踏自己d仔女架咩...

定係有絕症就鼓勵,冇病冇痛就踏???.....

我明白佢地係為我地好,

但係可唔可以俾多d支持,俾多d關懷,

而唔係罵,唔係踏,唔係一出聲就話:又係度玩............

如果唔可以,咁我寧願有病有痛,只少唔係一出聲就罵...

希望媽咪唔好睇我個qz啦.........