愚人節？突然間記得，

４／２∼５／１１兩日三餐，

我？？？做到？？？

呀！！！點解當時咁衝動報名呀！！！

後悔.....莫及....

唯有平時一餐ｇｅ食量變得兩餐ｇｅ食量咁頂落去，

我要堅持！！！

話說琴日係春假ｇｅ第一日，

想去打打波，平時熱鬧ｇｅ宿舍，

突然間都變得人煙稀少！！！

望見球場無空場，當時我著住瞓覺套３加對拖鞋＝。＝！

一副岩岩瞓醒無耐ｇｅ精神樣，

結果我退縮左。。。返返宿舍。。。

唉。。。我自己都覺得著得太求其。。。

夜晚話十點去篤波，結果個低ｂ堅，

唔話佢低ｂ都唔得，攪到大家等到十一點幾。。。

返黎第一次去篤波炸，不過都好，

起碼可以去玩下，

三個鐘篤完第二張枱ｄ人走話比埋我地玩，

ｈａｈａ，篤左總共五個鐘︿︿！！

爽爆，爆爽！！！

有免費ｇｅ茶葉蛋食，有人幫手買野飲，

一切盡在不言中，

只有低消費的能力，卻有高消費的滿足！！

十一點幾去篤波，篤左五個鐘，

即係話，我地篤到五點鐘！！！

其實都幾難頂，不過好難得可以放假，

又廢事用咁多錢去遠ｇｅ地方，

唯有求其搵ｄ野玩滿足一下自己的慾望︿︿

今晚繼續同堅同朱三個再去戰多一場，

今晚要食咩哩？？？諗下先︿︿！！！

無聊睇Ｄ咁ＧＥ野，睇到我都拍哂手掌，

只係最終黃浩都係輸左，唉。。。

馬龍個Ｄ又係橫板，

Ｄ直板顧得一邊顧唔到第二邊，

好鬼死唔著數！

如果初中個陣我見到二樓Ｄ乒乓波枱，

我諗我對乒乓波ＧＥ熱誠比籃球實大好多，

點解初中唔比我見到Ｄ乒乓波枱，

或許我對乒乓波的熱誠原本就比籃球大吧，

到現在還這麼喜歡它！

今日終於都到放假前ＧＥ一日，

興奮過頭，唔想返學＝。＝！

唉。。。都唔知做咩，總係哩堂一Ｄ心機都無，

到底係真係聽唔到，定係覺得佢會放人哩＝。＝！

結果下午就去左打波，

唔知係一星期先打過一次定係咩，

Ｄ體格完全輸鬼哂，唔係跟唔到，

唔係唔知佢向個邊，而係點都會比人撞開，

唔知係同兩個唔識打ＧＥ，定係個兩條友勁，

好多時羅波都淨係識鏟入去，點解唔試下好似佢兩個咁係出面射，

不過個兩條友都太準啦掛＝。＝！

同佢地一隊，咁耐輸得一場，

真係好想，身邊ｇｅ朋友打波勁過我或者同我差唔多，

唔洗成日打波都淨係係場度亂黎，

亂打，配合個ｄ無樣識，

好多都淨係識得盲鐘鐘咁沖入去，

或許係我不懂同大家配合，ｈａｈａ！

或許係我太過自我表現，ｈａｈａ！

或許係我本身太多問題，ｈａｈａ！！！

或許我開始習慣自己一人去球場！！！

琴日見到自己度果個1.5升寶礦力水得ge樽，

突然就上網搵下一日要飲幾多水，

搵到一日要２５００∼３０００公升ｇｅ水，

望住個樽，一日要飲兩樽，

好變態，好恐佈，

當時只係決定一日至少要飲一支，

加上平時拎返學飲ｇｅ，

去食飯飲ｇｅ，

我諗都接近２５００哩個最低標準，

不過試驗過先發覺，

要我一日飲哂支咁ｇｅ１。５升ｇｅ水，

係要不停咁去廁所＝。＝，比我平時去多成倍咁濟......

我要堅持，我要身體健康，

今日又上實驗，唔知係咪因為一個星期兩實驗，

同高中超耐先一次實驗，完全沒有期待感可然，

次次實驗都係睇返上一次人地個ｄ數據，

再大約求其咁做返就算，唉。。。

明明以前對待實驗都唔會咁樣。。。。