因為琴日瞓覺龍而無返團契，

都唔知係我自己無心返六團定係咩，ＨＡＨＡ！

之後今日為免唔知醒，所以決定將個窗簾拉一半，

再攪埋個鬧鐘十點鐘，結果以為自己瞓過龍，

天咁鬼光，即刻轉身睇下幾點，九點５９分＝．＝！

估唔到我ＧＥ時間觀念咁好，等一分鐘禁息鬧鐘＝．＝！

不過琴晚太累無沖涼攪到今朝忙忙地咁，

返到去岩岩好十一點崇拜開始，一分鐘都無多，ＨＡＨＡ！

大藍牧師講道，望去後面都發覺幾多人瞓覺＝．＝！

見到成年幾無見過ＧＥ小敏，個幾鐘ＧＥ崇拜，

我發覺我都合下合下合左幾次＝．＝！唔好意思．．．．

完左見到ＢＯＢＯ姐，順便講聲生日快樂＾＾！！！

之後同Ｍａｒｉｏ，志豪，ｒｅｘ同阿榮去食野，

＆　ｔｈａｎ再返去小組，分享左大家對基督徒各方面ｇｅ壓迫條件，

都估唔到可以分享成個幾鐘，ｈａｈａ！大家都突然變得好健談＾＾！！！

完左小組之後發覺小杜都返左黎，幾驚喜，

之後仲見到東偉，又兩個台灣ｇｅ返左黎，

之後再沖去飲咖啡＝．＝！久違ｇｅ聚會，

又分享大家係台灣ｇｅ生活點點點咁，ｈａ！！

估唔到主日唔係用黎休息，係用黎同人聚久，

仲有一個月哩＾＾！！！希望大家都有一個開心的賽假回憶啦＾＾！！！

琴晚我仲諗緊反唔反六團好，

諗諗下今日瞓到兩點先醒＝．＝！

又要洗頭又要食飯，

結果攪掂哂都已經接近三點．．．

六點幾返到去發覺佩芝翠媚個ｄ都無返＝．＝！

嗯嗯，我諗大家都已經返大專團啦，

應該係咁，應該係咁，

今日大專團係去探訪，

而且仲要獨居婆婆！

第一次坐阿舟車，ｈａｈａ！

有幾過引架喎，之後去到婆婆度，

婆婆好開心呀，好多人黎探佢，

可能平時都無咩人黎探佢啦，

聽婆婆分享，就知婆婆諗野好悲觀，

成日話自己耳聾，眼又睇唔到，

淨係識食識瞓，一ｄ用都無！！！

因為婆婆係朝早去三角花園度同其它婆婆傾計，

下午就多數都係係屋企度，

咁多時間剩，唔諗埋一二面都難啦，

希望婆婆遲ｄ願意反教會ｄ聚會啦，

咁就大把活動比婆婆，咁樣婆婆就唔會覺得自己無用ｌｕ＾＾！！！

完左之後我地返總堂度分享，之後兩組人員加埋１５個去左鴻運來食野，

嘩！好耐未試過咁多人坐埋一齊食飯ｌｕ，

而且仲要個個都係大專生咁濟＾＾！仲有一堆都未返黎添，

叫左十四個餸咁多，食到個個都飽哂＾＾！

下下星期就係大專飯局啦！！唔知會有幾多大專生坐哂係度哩＾＾！！！

∼∼∼∼∼∼∼∼星期四∼∼∼∼∼∼∼∼∼

第一次去ｍａｒｉｏ屋企，

哈！佢間房都唔係太整齊哩，

比我宿社好少少咁啦，

之後佢比左以前ｄ相部比我睇，

佢爸爸同佢真係完全同一個餅印咁，超似，

之後傾呀傾呀，咁就傾左半個鐘左右ｌｕ，

小組ｇｅ時間真係快，都唔查經ｇｅ小組，

哈！攪笑！！！

之後因為翠華導師ｇｅ電單車唔記得入咪錶錢，

就急急腳咁走左，第一次見到電單車入咪錶錢個ｄ，

不過如果澳門全部都咁整，基本上係一定唔夠位拍車，

因為就算唔洗錢個ｄ都唔夠位拍，要錢個ｄ個位仲要大小小咁＝．＝！

而且電單車就係用黎方便人的，一上車一落車跟住就可以直接返屋企返工咁，

無端端又要人加多步喎，咁如果ｄ拍車位ｄ人咁岩一次過拍ｇｅ話，

ｄ人咪要排隊等入咪錶錢＝．＝！！！如果遇到個唔識入ｇｅ話＝．＝．．．．

之後陪ｍａｒｉｏ去睇腳傷，希望佢快ｄ好返啦＾＾！！！

＆ｔｈａｎ繼續去自修室幫手，第二日，

ｄ細路好似已經同我好熟咁＝．＝！

第一日個個都識扮怕醜仔怕醜妹，

第二日原形畢露．．．真係快到無人有，

原本睇小一至小四，好彩翠珊突然返返黎，

ｙｏ！唔洗睇小一至小三，

小四個ｄ乖好多，唔係因為我，

我只係講句”邊個唔乖我就話比綺珊姐姐知”

咁就識得安安靜靜咁坐係度做功課！！！

對小一至小三講”邊個唔乖我就話比翠珊姐姐知”

哩句係完全無用的，分別真係＝．＝！

之後去左林矛打波，ｙｏ，熱血回歸第一擊，

人數都唔少，自己人，打得夠開心，

爽，真的好爽，可以好放，可以玩得好自在，

大家都樂在其中，大家都唔會太計較，

開心，打波好耐都未試過咁開心，

可能係好耐未同大家咁樣聚埋一齊，

總有哩個時候是最舒服的，什麼煩野都能從腦海裡消失！

－－－－－－－－－－－－－－－－－－－－－－－－－－－－－－－－－－－－－－－－

今天被強ｍｓｎ醒左，想去你家睇，

不過阿爸係度，而且自己都有ｄ眼瞓都唔多想行，

就係屋企睇算了，大戰，不過無太激ｇｅ畫面，

等待，等全明星同你一齊睇，

三點鐘去左同翠娃娃導師加ｍａｒｉｏ同傻腎加阿舟食下午茶！

不過都好似好少咁樣同ｄ弟兄姐妹出黎飲下野咁，

ｈａｈａ！有小小唔適應，不過好開心，

見到傻腎見到阿舟，應該天日又可以見多次，ｈａｈａ！

最尾走個陣要我做結束祈禱＝．＝！唉．．．

做咩要叫我喎．．．無計無計，逼於無奈咁就．．．．

之後又返去自修室度幫手，

∼∼∼∼第三日∼∼∼∼

覺得班細佬淨係識得叫我做”都哥哥”！

但係就當我講ｇｅ野都真係．．．

絕對係一個失敗ｇｅ導師＝．＝！

小一至小三個ｄ，我唔知有邊個會聽我講野，

只要ｅｅ唔係度，個個都鬼咁精神，

玩個樣玩哩樣咁．．．

ｅｅ一返黎，個個就粒聲唔出返返埋個位坐，

望到真係好鬼得意！！！

我都唔明，當我坐係個位度，

個個都鐘東張西望，係都唔做功課，

當翠珊坐係個位度，個個都係度做緊功課＝．＝！

個個細路都淨係識得比面比翠珊綺珊同ｅｅ！！！

到底班細路幾時先識得比面我哩個”哥哥”哩？？？