感覺上，
好像放假不久就已經年初一了。
由於久積的疲累還未消除，
我年初一外出的意欲是零，
在家歎茶吃朱古力，另一方面繼續工作也不錯(因為學校停電完了，eclass和aerodrive已重新再開動了)，
其實不知道是我做得慢，還是我在做得太多，
總是覺得自己一年365天也在工作。
那麼明天就是兔年的第一個工作天。

今天到了迪士尼遊玩，
印象中我已到過disneyland不少於三次了，
不過和我兩個侄女一起去卻是第一次。

和4歲侄女坐在同一卡車內玩巴斯光年太空任務，
話說卡車有個手桿，可以控制卡車的方向，
每當我看到有"Z" 或索克天王出來可以射時，
侄女總是準確無誤地拉手桿，向反方向轉，
令我和索克天王剛好背對著，
要不然，
就是令卡車360度自轉，
令這個太空任務異常暈眩和艱辛。
幸好有時"太空巡邏員的任務會被延遲"，
意即有卡車故障數秒，
數秒內卡車會停頓，可是槍還可繼續射，
這樣我的分數還好一點。

最想提及的，
還是冒險世界中那架船，
上面有個導遊邊作旁述，邊駕駛小船。
經過5年的運作，
今天這part 已改走搞gag路線，
對上那次，
那個旁述指著旁邊的鱷魚說︰「你睇下，d 鱷魚幾恐怖！佢地d 喉嚨係封實晒，食唔到野架！」
之後又指著大象和其他動物，說︰「你望清楚佢地，望住佢地隻眼！佢地一年365日都唔眨眼架！」
這次，
旁述指著蜘蛛說︰「你地知唔知呢隻蜘蛛叫咩名呢？唔知？等我話你知啦，佢就係"東方之珠"喇！」
她還要補上一句︰「呢個名我諗左好耐架喇，係咪好爛呢？哈哈！」
之後她又著我們看旁邊，有幾個人爬在樹上，最底下有隻犀牛，不停地用尖角向上刺，最底的那個人就不停地避開尖角，
她說︰「你地係咪覺得佢地既表情真係非常迫真地慌張，七情流露呢？梗係啦，因為佢地晌棵樹上面俾犀牛"吉"左5年喇，都未走到，梗係慌張啦！」
到了某處會噴火的區域，後面噴火中，
她說︰「你地知唔知呢D 係咩火呢？就係"弊傢伙"喇！」
最後，臨上岸時，
她補上一句︰「你地坐完一次，係咪覺得好好玩呢？」(人們︰係)
她續︰「我今日坐第29次喇，你地坐完1次都覺得好玩，可想而知，我坐29次係幾咁好玩呢！」
哈哈。
也許這就是香港的文化，
香港的小朋友已非以前的單純，
如果單靠那些假動物和水花效果，
相信這個單位一定撐不久，
反為我卻喜歡這個爛GAG版，很愉快，哈哈！