學生們考試期間，
時間鬆動了少許，
每天彌留在工作與不想工作之間，
偶然走去看回自己中學時代的網上日記，
發現原來自己當時寫的日記也挺好看，哈哈！
以前寫了許多，看了很久，卻不想停。
看了自己想當年的日記，
就開始更明白現在學生是怎樣想的。(縱然時代有點不同 )
最近考試季節，
我節錄了一些當時的日記，
看看你有沒有同感，haha!
唔知各位將要面臨公開考試既同學有冇以下既癥狀呢？
1. 一係就唔食野，一有零食or野飲就不停咁食同飲，最重要既係一d感覺都冇；
2. 成日無端端發”牛逗”唔知做乜，每次可長達幾分鐘，但係自己覺得只係過左幾秒；
3. 朝早想起身諗起要溫書時，就好自然咁攤返落床繼續訓；
4. 永遠都係比自己個plan溫得慢左兩三日；
5. 溫溫下不自覺咁不停重覆將睇緊果句野讀出聲好多次，但係其實唔係背緊果句野；
6. 有時會不自覺咁自己同自己講野、傻笑、甚至打自己；
7. 總係覺得今日既狀態唔適宜溫書；
8. 心情大起大跌，有時少少野都可以笑足成日，有時就少少野就發脾四；
9. 望倒一大疊notes同書就會不禁嘆息；
10. 發夢夢見溫過既野…
我決定搬走個電腦mon令自己唔開機，
不過去到夜晚咪又係插返—"
溫書效率真係好慢，
明明係坐晌度係咁望住本書，
但係入腦同吸收既速度so slow，
不過通常都會越飛越快，
但係溫既深入程度都會越黎越淺，
溫得最耐最深入既往往都係頭果幾課—"
lunch回來就考english section C (language)，
一個字，難！
一開始就做個MC cloze呀，
第一條就見倒…嘩！4個答案都係唔知乜黎，
於是就揀左最樣衰果個做答案，
之後果d都係咁--"
proof reading又難到嘔，
反為最淺既竟然係matching..........
同學都話份卷好難，
但係佢話佢反為做得好快，
我話，梗係快啦，
如果MC 4個之中有1個識既都有得諗丫，
d MC 4個答案都係未見過既vocab黎，
諗都唔洗諗就揀ans架喇嘛…
今日考physics既MC勁難，
我冇一條識做--"
唔明點解有唔少人同我講話MC淨係有部份難，
我覺得完全係好難喎…(雖則都有人同我一樣完全唔識做)
我睇倒第1條已經唔識做，
之後計d數唔係計唔倒就係計完冇果個答案，
所以做左幾條之後一見倒要計數既我都懶得計…填晒做C…
其實我成份mc卷有大半都係揀左C架~hahaaaaa
之後MC就狂出我冇溫果d topic，我又撞晒C~
總之乜都係C啦~(呢句講真，真係冇一條識做)
(註︰結果那次我physics MC 真係有好多條C，
我45條MC有17條對了，
坐在旁邊的同學說︰我自己做都係o岩左16條，你晌度亂撞晒C，竟然可以O岩17條，我做得咁辛苦究竟係為左d咩… )
今日考chemistry 俾我既感覺係”好後悔冇溫到書”，
睇個勢d題目其實唔難，
只係望住個題目有種好熟悉既感覺，
但係又諗極都諗唔返應該點答—“
派卷時實俾老師串，
因為我無聊時畫左個大公仔下面寫住”hello!How are you?”晌本essay答題簿後面—“
哈哈！
回看總是有點懷緬的感覺，
不過雖然我總是掛在嘴邊說科目很難，
其實只是那時面臨考試壓力的發洩，
當時我是好學生來的，拿過獎學金啊！
|
