最近我的體重以5日輕一磅的率來變化，(教學時間︰即是(1/5)/2.2 = 0.09kg/day (cor. to 2 d.p.) 的rate 來減少)
可以說是不太快，
然而3月到現在都兩個月了，
我的體重回落至我中學生時代的水平了…
雖然我不太喜歡自己肥，
然而這樣無止境地輕下去也不是辦法…
加上咳了兩個月，
只有越來越嚴重，
在學校每上一課其實也很辛苦，
特別是某些日子要由班主任課開始直踩到放學後再和學生溫習，
學生辛苦，我也辛苦，到6時許基本上是講不出聲的地步。
這樣下去我應該會命危，
所以早前問了朋友推介了一個附近的中醫，
一向懶得求醫的我週末早上不想工作，所以去看一下。
看完了，我的評語有兩個字︰「好串」。
第一次見面，他就說︰「睇你應該好少睇中醫，做咩無啦啦咁想睇中醫呀！」
之後我說我咳，他就說︰「講真，你呢個年紀，冇咩人會好似你咁咳法架喎！」(係，我都知我咁後生就又虛又寒，話說我之前果個病人又係好似我咁，我偷聽到個醫師話︰「你60歲人遇著呢D 天氣係咁架喇…」哈哈！)
然後他說︰「做多D 運動啦，睇你個樣，對上果次做運動應該係仲係讀緊書既時候喇。」(好串，不過中point... )
他又說︰「睇你個樣都似冇戒口架啦！」我說︰「食少左架喇。」
他說︰「要絕D 先得架嘛！所有咩凍飲全部都唔洗諗，全部生果都唔食得。」我說︰「下？生果煲湯都唔得呀？」
他說︰「煲得，你可以煲架，不過唔飲得ja ma！」
最後我無言了。
好啦，我決定戒口三天，
遠離可樂及水果，
同學看到我偷偷到小食部買鮮綠茶飲的話，請阻止我。
最慘是要飲中藥，
更慘的是，今晚先飲第一劑藥，還未飲，我已經把附送的山楂餅吃掉了…
|
