忽然醒起自己有Qooza，
縱然而家都冇咩人用，
但係見到自己以前打果d 野好似幾好睇，所以忍唔住晌度打返篇。

以前我係會排隊問人拎利是果個，
而家係被人問拎利是果個，
我都算係有今日喇。

這個農曆新年嘛...
第一次派利是，(學生的話，我會派利是...封的)
不用十分鐘，
銀行兌換的銀紙全部都消失晒，
雖然以前我曾發表過，
去人地婚宴俾人情800蚊，要「收廿年利是先回本」既言論，
而家只係覺得呢D 人情債都令人頗心痛的。
不過，有利是派是幸福的。

其實18歲收利是就話je，
人到38歲仲係單身收利是的話，
我寧願做派利是果個喇。

其實婚後生活都不怎麼樣，
你問到的話，我都好樂意同你分享的。
只係我覺得我既廚藝有點進步，
至少冇腸胃炎，
而且我食到個人energy intake > energy output，
結婚時收到份禮物係脂肪磅，
佢成日話俾我知我有weight gain 咯！