「小姐，我比個五毫妳，妳可唔可以比紙幣我？
我唔想袋咁多散紙....」


男人從來都唔鐘意放散紙係銀包。
無他既，好多男人都唔鐘意。
因為男人好少會帶手袋；既然冇手袋，好難要佢袋住一個散紙包。
零零星星咁將D散紙放係褲袋，結果通常只有一個：褲穿窿。
(當然，我唔介意您地比晒您地既散紙我，接濟下我呢個窮人)
所以，男人通常係找錢既時候，會留意下自己有冇散紙，砌夠一張紙幣去接收。

男人有事業心，外形討好，自然多異性接近；尤其處於現在男多女少既社會。
投懷送抱既女人多不勝數。
但男人從來都冇去選擇其中之一。
好多佢身邊既女性會對佢抱有懷疑：

懷疑一：唔通佢基既？
懷疑二：佢梗係一個好長情既男仔，仲未放棄舊愛。
懷疑三：佢有好多女朋友，係我面前唔認喳嘛。

但最多人懷疑佢既係：佢咁好，當然睇唔上普通既女仔。


事實上，呢班女仔唔知道既係，男人一直以黎擁有過既女朋友，由外到內都好好；事業上佢曾經處於一般人一生都未必上到既一個高峰；又曾經歷過極盡既低落､經歷過 出賣､經歷過生離死別､經歷過悲歡離合。

好不容易走到人生既呢一步，佢想要既野其實好簡單。
佢想要既只係一個普通女仔，拍一兩年拖，結婚生仔便可；個女仔靚故然係好，但最緊要係心地善良，會互相迎合，簡單。
最靚既，身材最好既，一切對佢黎講己經冇任何意義。

佢唔想要既係會為從前愛既疤痕而唔敢付出既女人；亦唔想要一D唔識得去欣賞佢才 華既女人；當然，未成熟既女人個一種自我同驕傲，更加令佢不敢聞教。


可能，某天男人遇上一個佢認為會係好的女人，一個付合 <易經> 坤卦中：順和從的 女人。
女人可能唔明點解男人會揀佢做女朋友 / 情人，只覺得係自己既幸運；但只係女人 睇唔到自己既好。
又或許開口問男人點解會選擇佢，男人只會微笑答：「我揀的自有我主意。」
因為男人知道點講都好，呢個女人唔會明佢一生既心路歷程令佢今天成熟長大。

成熟的男人最美，我認同。


「小姐，我比愛妳，妳可唔可以比完整既愛我呀？
我唔想袋咁多散修修既愛。」
如果有日有位男仕咁同妳講，妳要知，佢唔係想同妳一齊，佢只係想同妳一世。

有時，係我角度，無論時代點變都好，我地都唔應該係個額頭上面寫住「拒收一､兩毫」而忽略一D真係只想袋紙幣既人....如果個個人真係值得的話。