2005 年 7 月 13 日 星期三  |
| 同家姐去旺角~ |
分類: 未分類 |
今日同家姐去左北角的商務睇下有無佢想要果本暑假作業,
點知去到無,
跟住去旺角,順便睇衫~^^
去到搵左好耐都搵唔到,
一出旺角就有人問我地係咪買書,
我咪話唔係,
跟住佢又問我派左書單未,
覺得佢好煩,咪勁認真話未,
(完全無望過佢一眼,
佢係咩樣都唔知)
點知我家姐係隔離係咁笑,
鬼唔知講大話咩,
佢破壞左我的大事,
不過我後來諗諗下又係咁係度笑,
我都想像到自己個樣係點~^^
係女人街行左好耐,終於搵到商務~多謝天父!!^^
之後繼續行,7點幾先返到屋企.....
|
| 2005 年 7 月 12 日 星期二 |
| 2005 年 7 月 11 日 星期一 |
| 家長日~* |
分類: 未分類 |
今日9:15見家長,
我地岩岩好9:15到,
不過都要等,
今次我以為全級百幾,
點知80名以內,
有d驚訝,miss伍都睇得出~
之後同阿媽去完筲箕灣先返屋企,
我以為家姐下午要返學,
搞到我無得行街~\./o
今次成績好彩全部合格,
如果唔係成績差到我自己都接受唔到... |
| 2005 年 7 月 10 日 星期日 |
| 同阿娟出去~ |
分類: 未分類 |
今日原本唔諗住出,
but阿娟打俾我問我出唔出,
係屋企無聊得濟就出左去嚕!
同阿娟去完圖書館唔知去邊好,
就又係柴灣行,
行到無聊又去柴灣公園坐,
坐左好耐,傾左計好耐... |
| 2005 年 7 月 9 日 星期六 |
| 去北角睇佈道會 |
分類: 未分類 |
琴晚同阿妹傾左差唔多一個鐘電話，
哈哈∼今日又多一個人陪我．
之前林伯話今日有佈道會，
咁就搵左ａｌｉａｉｎ，ｂｅｃｋｙ ａｎｄ阿妹去睇，
好彩有人陪我者，唔使好似上年咁得我一個無聊到死，
又唔知同邊個講野好．．．
今日趕住出去，好似唔記得梳頭，＞＿＜”
我同ｂｅｃｋｙ約左係柴灣等，今次終於都唔係我最遲∼＾＾
ａｎｄ ｔｈｅｎ去北角同阿妹，ａｌｉａｎ．．．集合，
我同ｂｅｃｋｙ搵左好耐都搵唔到出口，
係下面行左１０分鐘到先搵到出口，
跟住ａｌｉａｎ黎左，
就去ｍｃ當當等阿妹食野，
去到仲見到丁丁同佢班ｆｄ慶祝生日，
佢切左幾件蛋糕俾我地，
２：１５先上去睇佈道會，
坐的位對正後台∼
坐左一陣就凍到我抽筋，
咁岩我著左件背心，短褲，凍到痴線∼
做完劇有一個男一個女分享，
個男的哭左，男仔係人面前哭係一件好難的事，
我諗佢果件事對佢真係好大影響，而且佢都好後悔．．．
之後諗住走，俾人拉住左講野，
叫我同阿妹俾個電話佢，俾左，嘩∼後悔到嘔呀！
之後就去左ｔｏｉｌｅｔ，行下玩下就走嚕，
行左一陣街就各自返歸。
不過今日都幾開心，
好彩ａｌｉａｎ，ｂｅｃｋｙ ａｎｄ阿妹都幾開心，
如果唔係，我就．．． |
| 2005 年 7 月 8 日 星期五 |
| 中5中7畢業典禮~ |
分類: 未分類 |
|
今日超級黑仔，
原本我要１：００返到學校幫ｍｉｓｓ曾手準備食物，
我諗住就黎遲到就踏ｗａｎ仔，
點知踏到去西灣河太安樓果度架車爆軚，
我點都早過晒架車上面９０％的人上車，
點知最後上車的人係我同另一個同校人，
我地第３架車先上囉！
果個同校男生有同司機講前面架車爆軚，
ｂｕｔ我無講，佢又無問我，咁咪算，況且講左就唔係我性格。
返到學校１：２５，做到３：２５就去左２０１Ａ，準備拍野，
今次我係做ａｓｓｉｓ（助理），ｕｎｄｅｒ於肥ｂｅ，
ｂｕｔ高級過其他人，哈哈哈哈．．．
未開始我已經跑左兩次，一次拎場”項”俾佢，
第二次拎對講機俾佢，但唔知點解唔覺得累∼＾＾”
跟住仲未試咪，肥ｂｅ見我咁得閒又叫我去試咪，
果時已經好多學生坐晒係度，我又無得拒絕，
唉．．．圍有無奈地走上台同ｍｉｓｓ梁講．．．試咪，
俾咁多人望住晒，完全唔敢望落台下面，好瘀∼
拍野果時無聊到爆炸，完全無野做，
除左肥ｂｅ叫我睇住嘉嘉，可以同佢傾計，其餘時間都係．發．．．夢，
放學果時想搵ａｌｉａｎ等埋我放學，
點知佢地走晒，我無拎到我個袋，
開開下會，無端端中央咪叫我去校務處，
嘩∼！又一次好瘀呀！好彩果時走得７７８８，瘀死＝＞＿＜＝
今日7點幾先返到屋企。 |
| 2005 年 7 月 7 日 星期四 |
| 睇中國女排 |
分類: 未分類 |
今日返左屋企換衫再返學校,
好彩返到學校先落大雨,
跟住就踏車,去到,返黎都係同a wing and鄧文文一齊,
a wing俾人追~hahaha...... |
| 2005 年 7 月 6 日 星期三 |
| 訓唔著~>.< |
分類: 未分類 |
好慘呀!!
開左電腦連續做左6篇"一日一英語",
跟住就玩電腦,同人傾計~
傾到11點就熄電腦,
11:10上床訓教,
2:30都未訓著,好辛苦,
訓得果4個鐘,
係咁諗野但又唔知自己諗咩,
救命,聽日一定好辛苦...>.< |
| 2005 年 7 月 5 日 星期二 |
| 唉... |
分類: 未分類 |
係果日同你傾計時,
我有好多幻想,
成日都自己係度想像,
當然我知道呢d全部都只係幻想.
但兩日後,從你對我的態度,我知道我唔應該再咁幼稚,
係度發一d無可能的夢.
我同你傾計,
突然變到好冷淡,
唔想係同一件事講咁耐,因為我驚你會覺得唔耐煩,
同埋......
我想係你對我絕情前,先對你絕情,
咁樣我會無咁hurt,
琴晚訓教我又諗住發下夢,
但我唔想諗,如果我一諗我就會覺得有希望,
so...唔諗唔諗唔諗...... |
| 2005 年 7 月 4 日 星期一 |
| 書中句子2 |
分類: 未分類 |
1．我沒有刻意地等他，只是一直找不到適合的新男友而已。
也許由於我有家人，有要好的朋友，縱使生活中沒有了他，
我還有寄託。我只會偶然想起他，每次想起他的時候，
我心中都會燃起一點點希望，這份希望卻很快冷卻．．．
只是這樣，不斷循環。
２．我不要求天長地久，也不相信有天長地久，
只相信凡事有始有終，總比無疾而終更好。
３．這一刻我忽然很想抱住一個人，任何一個和暖的身軀也好，
任何一個有血有肉的三十七度身體也好．．．
４．我能夠想像電腦屏幕上的一行字是多麼的刺眼，
多麼的刺心。
５．別人以為我的傷口開始瘉合，
其實傷口的鮮血都流乾了，榨也榨不出來。
６．喜歡他的人都知道，
無論他待你如何的體貼關心，
他亦不會愛上我。
７．並不是每一樣你想得到的東西都一定要屬於你，
即使你如何喜歡，很多時都要望而卻步，
否則一過火就什麼都沒有了。 |
| 2005 年 7 月 3 日 星期日 |
| 飲茶~* |
分類: 未分類 |
今朝約左d親戚飲茶,
唉......
其實我一d都唔想去,
但又被逼要去,
唔去又俾人有排"哦"... |
| 2005 年 7 月 2 日 星期六 |
| 搖控船!~ |
分類: 未分類 |
今日又同becky去圖書館,
借完書又無無聊聊去行街街,
行得無聊又去左柴灣公園,
去到我地坐係度睇人玩搖控船,
雖然自己無得玩,
但都睇得好開心,
果度有勁多細路,
有個細路女玩玩下波,跌左落水,
用左好多時間將波拾起,
後來又俾個男仔整跌左,好搞笑,
之後見到個細路扒係度玩水,
俾佢阿媽知道左,係咁用個水樽打佢隻手,
好可愛呀佢~^^ |
| 2005 年 7 月 1 日 星期五 |
| 7 1大遊行 |
分類: 未分類 |
我仲記得前兩年的7月1日就係我的小學畢業禮,
想當日雖然有點兒無聊,
但都總算係自己一世人一次的小學畢業禮...
果日仲要係香港人非常難得ge咁齊心,
n年一次的咁多人大遊行,
50萬話多唔多,話少唔少,咁多人遊行都無受傷,
的確好難得,雖則我無去,
但果日都總算係我非常難忘的畢業禮。
想起.....依家都有點兒心酸!!~ |
| 2005 年 6 月 30 日 星期四 |
| 書中句子 |
分類: 未分類 |
１．說到底，我和他都渴望一份被愛的感覺，
自私點說，我們都是為了得到愛而愛人。
２．昨天，我默默地坐在電話旁，半步也不敢離開。
電話卻一直沒有再響。
３．等待一個人會使人發覺自己愈來愈微不足道。
４．男孩子都喜歡說一些侮辱人的話來顯示自己的男子氣慨嗎？
５．這是他第一次在我面前如此無助地哭，
我頓感到手足無措。
６．我想轉身逃離現場，可是眼睛卻如釘在他們身上一樣，
無法抽離。 |
« | 37 | 38 | 39 | 40 | 41 | 42 | 43 | 44 | 45 | 46 | ... | 50 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
