革命開始, 而家開始..我在暗~

 我恨不得把手機扔掉!
我討厭這種感覺!我討厭自己有感情, 為何不容我冷冷的?
我待人熱情,人卻當我透明
我只希望一句, 一句也可。 我不相信你看不見, 只是你視而不見
曾經想過手機會出現奇蹟, 卻是不見。
不如關掉? 但我會因此缺乏安全感。
我假設有人會找我,whatsapp也好，來電也好。不料，這數天收到的miss call是: "唔好聽"—  一個我討厭的電話號碼
而我, 最怕看到是來自朋友的miss call/ 我還沒回覆的wtsapp...因為我知道我已經錯失一個關心朋友的機會!
我不會把:沒有空作為我的解釋理由.....唯有解釋就是: timing不對!
我會內疚， 因為我不能第一時間應機
我會撥回給她/ 回覆wtsapp, 但我會發覺timing 過了就是過了, 對方已經不需要我了。

至於自己, 我會找朋友聊天。
時機對，暢所欲言，無所不談；
時機不對，我已忘了我在幹什麼。

其實時機很重要! 錯過了，或許將來會重臨一個機會，或許不再。
時機不等於機會。
機會任何人都有， 但卻不是任何人都能把握時機。

總結，我最需要你時，你不在。我不會怪妳， 只能怪時間匆匆。
----------------------------------------------------------------------------
今天就是考試的日子, 我的支持在哪?
神啊,你給我力量吧!

end

 blog應該係得閒先打...但我就變咗日日打~xD"

R.I.P. Sita...真係好可惜! 我每日都會聽一次蜚蜚...就算今朝訓醒都會哼唱呢首歌..
之後開facebook就見到消息話佢已經離開了~我其實到而家都未話好相信~

只能夠keep住提醒自己要珍惜眼前人...要善用我的時間...萬一touch wood 講句,有咩不測,我都唔會遺憾~!!

------------------------------------------------------------------
做咗大專生都已經8個月了...我叫做習慣咗呢d咁ge生活~
"呢d咁ge生活"? 係! 我唔多中意~ 點解~
因為:  

咩都真係自己負責...學校唔會支援...個學生辦事處又係廢ge 好記得以前中學校務處...入面的職員又nice又幫到我地~
至於什麼祕書處,更係缷膊!話咩唔關我地事..去第2道(某室) D人真係為打份工!
仲好記得先前學生資肋的事..我搞到好煩..又唔識...最終我搵個主任..因為咁..唔通學生發展處的職員仲唔拿拿聲我搞點咩~哇,人啊呀!

上堂...好靜...可能因為全班女仔...課程..好chur...2年5個sem~ 我覺得自己選擇ive真係蠢咗~不過\\\算~反正2014年我都有新打算
同學, 我都唔係講壞話ge..係感受姐...好似個個都咩都唔理..有同學(通常都係我) 有疑問..wtsapp/ facebook問幾句..真係可以冇人回應?
又或者某d 野..可以冇人幫手...我知道唔可以下下靠人地..自己都有責任! 但我唔明點解幫下人都咁困難?

有人話, 中學之後係咁ga la...我一定問..點解一定係咁? 係人地有問題,定還是我份人有問題?
我知道人有時係要替自己著想..但我唔認同自私!

算啦算啦, 我都幾灰心啦...
-----------------------------------------------------
順帶一提...學生資助又要提交申請lu....又一大堆文件要填,要印,要記錄
又要煩過...好彩我有爸爸幫手!!
-----------------------------------------------------------end-------------------------
 

 徘徊在似苦又甜之間。

呢幾日我真係感受到壓力,因為有test,考試放埋同一星期!!
呢2日..完咗2個test..聽日後日又partical test~ 星期5就考試!! 未溫曬..我當做未溫過吧!

我有少少"火文" 過去的星期日我都因為種種所以唔去練話劇。

琴晚,..諗住有少少時間relax 下...搵人傾下計啦..電話又shot ...想點呀/.\
打下fb近況"伸" 下啦..不過, 講得arm..我諗住真係好影響我的生活..不過一句唔mind~好!我都唔洗咁介懷..摺埋唔該=.=點解我咁蠢?比人影響自己...foolish!
本來好好地的一日咁又無咗啦~

而家用少少時間..食住飯打blog..淨間再拼過!

 好啦,新開始!
我記得好多年前開始打xanga,yahoo blog 更有一個超超超私人的qooza...不過可惜,唯一記錄最最最最最最真感情的qooza blog..我已經唔記得我個帳戶同埋pw啦..

唔緊要啦,而家開過另一個...更可以唔洗理留言~
雖然我有寫開日記,但講到底都想分享下自己d野~~fb的空間唔夠比我發揮xdd

咁點解我又會打番網上日誌呢? 事緣前幾日有位朋友同我提番...d人都已經停曬打xanga,blog啦...心血來潮之下,今晚開始打番啦~

但自問而家真係會好直接..用曬口語咁寫..唔理文法...最緊要express myself~

-------------------------------------------------------
今日天氣好好!!!!令到我心情都好好!!!又係聽住歌....好輕鬆咁番學啦!!!!;))

今日番11:30,上nutirtion....tutorial....1hr的課堂完lu~~
body 堂...test...算係咁啦...唔係多咗好多時間溫....合格就算~ 
講時講,我今個sem..真係超hea..! 

晚上...晚餐食自己..-,-  之後就去工聯會上歌唱班...今日終於學唱天梯,其實唱歌真係有好大學問...我真係會努力學習...
其他野我都冇咁努力向上..反而唱歌就會...我諗係因為某d人唱歌真係好勁...我唔想輸蝕咁啦~
哈,其實我都幾佩服自己,因為1,2年內...自問唱歌方面都有幾大進步...起碼唔再咁難聽啦=.=

上完堂就打比fd 傾下電話...真係把鬼火...點解我部電話會神咗>< 越傾,對方把聲越細聲...仲斷斷續續...最後..仲衰到..冇電熜曬機~!
我真係覺得好對對唔住..因為..好冇交帶咁cut 咗線~
但我番到屋企真係有打番比佢ga...可惜對方唔得閒接電話,可能訓咗覺啦...不過都唔奇丫..人地今日都好累ga la (我諗)
我真係打1次算lu...我成日都覺得如果自己打n次比對方,我會覺得自己好煩, 可能人地唔係咁諗啦~~

今日係咁多先啦..都成1點..我都未沖涼洗頭吹頭...點訓覺...好彩聽日唔洗番早..番13:30!!!
呢1,2星期真係好正..唔洗番早..更唔洗番8半!
但係..黎緊星期5 就考試啦..drug...我真係好冇信心..!! 應該話..今次考4科都冇信心...=^=

大家一齊努力啦!!!!

咁夜啦~~我好中意訓覺..因為成日發夢都好開心..見到好多希望發生ge野~
但係我又越大越唔中意早訓..因為..得夜晚先咁寧靜比我做自己野...雖然早上都係..但又因為夜訓..早唔到起身~
成日都有人叫我要早訓..提醒我..夜訓對身體唔好..會令到面黃~
我淨係keep到前排...呢排又重蹈覆轍。/.\
就黎考試..要更早訓!!!唯有..快手快腳..搞點好曬d野...

其實我每日都好似好忙咁..但自己都唔知忙乜..總是覺得好多野做咁~~

--------------------end--------