5年後  您應該畢左業啦  可能返緊第一份工 亦可能已經轉過工  您會發現以前唔肯SEND份PROJECT比您參考嘅同學  都唔夠係而家公司經常以為自己係大呀哥嘅嗰位同事咁討厭  您以前係相信命運在我手  而家嘅諗法係現實有啲野係真係唔到您唔接受  日日起身返工嗰下都好想射波 甚至有諗過辭職  不過為左嗰幾千蚊  您好努力咁爬起身返工  返到公司 望一望錶  您會覺得好冇MOOD  因為仲有9個鐘您先有得收工  呢個時候 您會又再次好掛住幾年前上課嘅日子啦  5年後  您會日日都好想念以前嘅校園時光同埋啲同學  時不時係FACEBOOK睇返啲舊相  總會搵到1，2張您好鐘意嘅大合照  跟住會再POST多次係FACEBOOK  同學們見到會紛紛係張相到留言  每一句都係話好掛住大家  傾下傾下 就會話不如約下食飯  好快時間地點都定埋  不過過多幾日再睇下啲留言  會去食飯嘅 原來得返您同另1位同學仔  您會發覺 RE-U好多時都係得個講字嘅  跟住過多一年半載  成件事又會重演多一次  5年後  同朋友們嘅飯局開始難約啦  可能各有各嘅生活  工作時間 地方都唔同  好難就到時間  就到嘅都會因為種種原因放飛機  就算當初幾FRD都好  點樣日日都一大班食飯都好  去到最尾  會出現嘅都係嗰幾個  您會發覺  原來您以前覺得得幾個人食飯會冇咁有趣  今日您會覺得幾個朋友食飯其實剛剛好  陣容非常完美 大家都好好傾  話題通常都係首先會呻下自己返工有幾慘  同事有幾PK  講下講下就講返以前返學啲趣事  一齊做PROJECT嗰時挨左幾多晚通頂  OCAMP嗰時有幾辛苦  邊個同邊個又日日都唔返學  自己又走左幾多堂  每一次都拎返同一件事嚟講不過每一次都笑得好好大聲  大家都知道之後嚟緊10年20年食飯都會繼續講呢個TOPIC  不過好肯定嘅係 每一次都會笑得一樣咁大聲  5年後  身邊可能有朋友準備結婚／結左婚  有啲可能連仔都生埋  望住佢地係FACEBOOK啲好開心嘅相  就會諗幾時先到自己結婚  好想快啲搵到個女朋友陪下自己  返工返到辛苦嘅時候有個人可以擁抱下錫下  不過一諗到自己一個月搵得嗰幾千蚊  就會同自己講 算啦冇謂出去累

跟住就會打消搵女朋友呢個念頭  同時會開始後悔讀書嗰時點解唔拍多啲拖  好似已經冇咩光陰剩咁

已經5年啦  您識嘅人越嚟越多 不過朋友越嚟越少  同以前嘅同學／莊員／上莊／下莊／組爸／組媽／組仔／組女開始越黎越生疏  其實您好唔想咁生疏 好想返去以前仲係好熟嗰時  不過您係知道冇可能會好似以前咁FRD  您開始會感受到人生好多嘅無奈  無奈嘅係您知道好多野係有一日會失去  您好唔想不過又唔識點去阻止佢發生  您可以做嘅 就靜係可以得閒個時諗下以前嘅野  就係咁諗下諗下 諗下諗下  您可能會夜晚8點幾係冇哂人嘅OFFICE對住部電腦一路OT一路聽住啲好青春熱血嘅歌流下幾滴自從OCAMP後都冇流過眼淚  係嗰時您會發覺  做學生哥 一定係成世人最快樂時光  已經5年啦  您會不停向自己嘅師弟師妹講要好好享受就嚟完嘅學生生涯  因為大個之後  您會發覺對好多野嘅熱情都冷卻了  好似而家嘅您咁  會同人講自己老啦  其實您好清楚呢個係一個藉口  事實係  而家嘅生活已經再冇任何野可以激活返您嘅熱血嘅態度了  5年後  您會開始發覺  原來您已經真係唔係一個學生哥啦.