Dearest,
點解你要咁對我呢?!
我自問對你唔算差丫...
點解你可以一句話冇感覺就分手呢?!
分左手都一個星期喇...
雖然我而家仲o係你度住...
但係...你個人o係度個心唔o係度...
咁又有咩用呢?!
我知道而家我仲住o係你屋企...
你會唔知點面對我...
但係你都避左我一個星期啦...
我地仲訓緊同一張床...
點解可以咁陌生呢?!
如果你係對我1 d意思都冇既...
點解你呢一個星期又唔趕我走呢...
我相信你唔會係d咁絕既人...
但係點解連一個機會都唔比我?!
口口聲聲話冇鍾意第二個...
但係點解你對住我可以無動於衷?!
難道我做咁多野1d都感動唔到你?!
我真係好想可以好似以前咁...
每晚都攬住你訓...
一齊放假去食飯...
一齊放狗...一齊玩...一齊訓...
我真係好愛你呀!
我知道...而家都改變唔到d咩架喇...
雖然好多人都話我好蠢...
話你根本唔值得我咁對你...
但係我好希望...
終有一日...我既付出可以令你感動...
我唔想咁快就玩完呀!
初初一齊既時候...
雖然好多人都唔係咁睇好我地...
亦都有好多人講過...
以我既條件...唔需要搵你呢類型既男人...
但係...同你一齊...
起碼我知道咩叫幸福...
最初果陣...
我以為自己係最幸福既人...
我從來冇嫌棄過你身型...
冇嫌棄你大我咁多年...
因為我知道...你真係鍾意我...
只要你鍾意我,錫我...
我咩都唔介意...
但係...而家咩都冇用喇...
因為你個心已經唔o係我度喇...
我尋晚問你...
你係咪對我1d感覺都冇...
你好快咁答左我係...
你知唔知果刻我真係好想喊出黎?!
呢一個星期...
我每日都掩飾自己既唔開心...
每日強顏歡笑去番工...
唔食野去折磨自己令自己好過d...
呢一切一切...
都係因為你既離開...
最令我難堪既係...
我番工放工都面對住你對我既冷淡...
我真係好心痛...
我每日都o係度諗...
你究竟會唔會有一日頂唔順而叫我搬走...
因為我知道...
如果我一搬...
所有野都番唔到轉頭...
我從此會失去你...
我唔想咁...
我唔想搬...
唔想冇左你...

我好記得...你生日果日...
我搭正12點...o係你身邊...
靜靜雞sd左個sms比你同你講生日快樂...
但係...你1d反應都冇...
我仲好記得個sms...
"To My Dearest,Happy Birthday!"
雖然好簡單一句說話...
但係...足以認定你o係我心目中既位置...
"我的最愛"

同你一齊開心既日子雖然唔多...
不過...我好滿足...
因為...你曾經真心愛過我...