凌晨兩點四十分...個天好似同我既心情一樣...
流左好多好多既眼淚...
我唔明白點解就黎兩年既感情會變得咁兒嬉...
究竟係我既問題定係咩問題?!
我們終於分手了...
我已經再冇可能接受到你一次又一次既欺騙...
由其係而家...懷孕5個多月既我...
點解你可能毫無保留咁同我個好朋友講"如果唔係搞咁大單野...我一早就飛左佢"
"叫左佢唔好生架啦...係都要生...我都唔想21歲做老豆"
呢兩句說話..如果係o係我有左3個月之前而講既...
我可以毫不保留咁唔要個bb...
點解你可以一次又一次咁呃我?!
當丫哥sd果段訊息比你果時...
你明明唔係咁講...你明明好支持我生個bb出黎...
點解呢個時候你先講埋d咁既野?!
我真係好心痛...
點解你為左去玩...你竟然可以講d咁既大話呃晒所有人包括你父母同我?!
點解你仲好意思問我拎錢?!
點解你應承我戒毒又做唔到?!
我同你丫媽講你既事係想你好...
點解你反而要話我唔比私人空間你?!
點解咁多點解?
點解我會忍受左咁耐而今次忍唔住??
點解....

呢個已經唔再係日記...因為我真係冇乜心機去日日寫日記...
最近好似發生好多事...但係我通通都唔想記起...
好多人同我講過有左bb之後會諗好多野...
我以前唔覺...但係越黎越覺喇...
好多好多唔開心既事圍繞o係我身上...
令我發覺...而家o係我身邊既呢個男人究竟仲比唔比到幸福我...
人越大...諗將來既野就越黎越多...
但係到左呢一刻...點解作為老公既你唔明白我想點?
點解你咁自私??唔鍾意份工就作個咁既大話黎呃人?
話比人炒其實係自己唔做...
寧願搵份小3千蚊既工...
究竟你有冇諗過我地兩母女???
呢5個月...我嘗試過忍受...
我希望你會識諗...但係原來係我錯...
係我太高估自己能夠改變你...
我越黎越唔想同你講野...
你做既每一件事都令我覺得好討厭...
但係咁唔代表我唔鍾意你...
只係我覺得可能分開過先會懂得珍惜...
我曾經諗過究竟我同b女冇左你會唔會好難捱...
其實我都好自私...我想比個好d既生活比個女...
我唔想佢未出世就要捱窮...
我唔明白點解呢一刻你都冇為過個女既生活打算?
呢段日子...我成日都好想你可以o係我身邊...
但係因為要做野...所以冇辦法...
你估我唔想出去玩咩?我都好想搵方法去輕鬆下...
但係我冇辦法...
大住個肚可以去得邊?
呢幾個月雖然你唔係成日都去玩...
但係你有冇諗過每次當你自己走去開心去玩既時候...
o係屋企on99既我會o係度做緊d咩???
我唔開心係因為你成日都想撇低我出去玩...
我唔開心你冇諗我感受...
點解你唔可以好似丫爸丫媽咁...
就算出去都係兩個人一齊去relax???
難道你想去玩我唔想?難道我想on99自己一個o係屋企咩???
或者你真係仲咁細路仔唔識諗...
但係我覺得你唔長大...你係比唔到幸福我...
只會令我更想離開你...

今日11點3比老公嘈醒叫我起身去威爾斯搞續期d野...
結果打機打到12點半先出門口...
搭73A...超"浪"...坐上層第一行(因為太耐冇坐過上層=])...
坐左差唔多一粒鐘先去到...
去到威爾斯問詢問處點樣搵Dr. Wong...
點知佢比個電話我打去搵佢...
打去果度又話搵唔到叫我去專科門診搵...
走到上到又話唔可以見醫生叫我去搵醫務社工...
去到醫務社工果度又未放完lunch...
等左十五分鐘...點知個社工又叫我去醫療紀錄處交低封信比果度d人...
去到交低晒d野都成兩點幾...搞到我陀陀擰...
最後都係要等五個星期先續到...
早講啦~晒時間...
問番劉姑娘話可能要等到續到期先有錢...
咁就死得啦~等五個星期即係要等到下個月尾...
咁下個月我食乜呀=.=
b女又咁大食...食小d都唔得=.=
好彩後來我打比杜生...杜生話幫我搞住個健全先...
如果唔係我真係食得屎=.=
搞掂晒d野打比麻麻...點知佢同爺爺o係新城市行街...
於是我搭89x去火車站搵佢地...
去到食左個KFC下午茶..
爺爺條皮帶要換去左FX Creation買過條...
2百幾蚊條皮帶講足幾個鐘話靚=.=冇佢符...
之後行一田...買左兩對波鞋...
一對比自己...一對比老公...
老公對鞋真係好似龍船...哈哈!!!
之後就搭火車番屋企...o係火車站撞到以前o係泮涌住第五行既羅生...
爺爺同佢由未上車傾到番大埔...
番到麻麻屋企食完飯飯之後就行番大埔墟...
老公千叮萬囑叫我去投注站買六合彩...
結果都係食白果...
睇番上期張電腦飛...
早知跟番上期買咪中囉=.=
唔係我真係唔係我=.=
打住咁多先...好累=.=
 

今日丫麻生日~生日快樂~

尋日同老公去左照bb結構~
唔覺唔覺~丫b都成20週喇~
希望佢一切健健康康啦~
約左早上十點十五分~
十一點先開始照~
問左姑娘係bb性別~
姑娘話係女仔~
老公開心到不得了~
一走就係咁打比人話佢生左個女~
笑到我~
我都未生=.=何來生左個女呀=.=
照到係個女就開心到咁...
生完點搞呀~

今日老公終於都開工喇...
休息左成個星期~
今朝佢當然唔想起身番工啦~
不過為左我同b女~
無論佢幾辛苦都照樣番工搵錢~
老公你真係抵錫-3-

呢排實在好食好住又好訓....

b女:
為左你~媽咪一定要訓好d食好d~等你吸收多d架!!!加油!!!

今日十二點幾比丫麻嘈醒~去左大日子飲茶~
臨出門口之前依然都係嘔左一次~
原來大日子d野都幾貴下~
叫左個鳳爪排骨飯~叉燒包~山竹牛肉同干蒸牛肉~
4樣野加埋茶錢居然要成八十幾蚊~
貴到死~
之後就同丫麻去左交租~
點知地產鋪冇人~
我地就去左行富善街~
行行下見到以前冠年華個廚房佬~
佢問丫麻問我做左媽咪未~
我丫麻話~梗係未啦~婚都未結~
咁又係既~
之後番轉頭交租~交完租之後去左公園坐左陣~
之後join埋蓮姨婆同何文耀個老婆去左睇鞋櫃~
之後去左大埔中心~
丫麻去左金滿堂用兩隻舊戒指換左兩隻金戒指~
一隻送比何文耀老婆賀佢結婚~
另一隻就買黎唔知做乜~
不過都係補左幾百蚊姐~
丫麻仲話平~
梗係啦~而家d金價鬼死咁貴~
蓮姨婆問丫麻賣晒d金未~
丫麻都話未~
之後蓮姨婆就話丫麻咁多孫~留番比d孫~
丫麻就話~留番比佢地~我個心肝(即係我=.=)都未嫁~都唔知幾時先擺酒~
以上說話簡直有單打成份囉=.=
我睬佢都有味~又叫人試戒指又唔係比我戴~
仲要話如果唔係果時我唔係跌左條金鍊~
而家賣番出去都成幾千蚊~
(車~我鬼知會跌左既咩-,-)
去行完街之後~都成四點九~之後就同丫麻番廣福~
因為行得太耐~實在太累~
行到腰骨痛~
丫麻又o係度話~"而家都已經咁辛苦~我睇你個肚大左點算"
唉~又單單打打~
番到廣福訓到食飯~食完飯拿拿臨走廢事有野聽~
之後番去大埔墟搵丫敏拎條頸繩~同佢傾左一陣~
叫佢聽日陪我去照超聲波~
之後又走去ok度買左廿蚊野~都唔知點解係都要買廿蚊=.=又係乜都抽唔到
都混吉既~
跟住就番左屋企上網~
呢一日我就係咁樣過喇~