今日好開心...勁多人同我講生日快樂...
多謝你地...
排名不分先後...
Ray,蛇仔哥,xenia,小豪,豆豆,
修仔,敏敏,wilson,雨哥,wendy,
康仔,manda,珊珊,民,勇,
canson,小聰,小忍

今日放工將會同另一個壽星公--呀啟,
仲有一大班同事去13樓德興打邊爐...
暫定有我,呀啟,nelson,nelson條女,
billy,freddy,james,canson
夜晚落barone...
暫定都係有我,呀啟,nelson,nelson條女,
Ray,suki,isy,細傑,kenneth,呀明,
wilson,xenia,wendy

希望今個生日會係開開心心咁過啦~"~...
雖然都未知有冇生日蛋糕食...
不過希望有啦=]

勁耐冇寫日記...呢排冇咩特別野發生...
係前日..即係10月29日...
因為頂唔順所以去左睇急症...
但係得出黎既結果係...
醫生話我冇野喎...
佢話冇野咪冇野囉...
到時真係有野果時我先慢慢追究...
尋日o係屋企過左好無聊既一日...
今日好早就起左身...
特登去寫呢個我好耐都冇寫過既qooza同xanga...
見到小豪online...
本來諗住下星期五陪佢過生日...
同佢傾下佢果日去邊...
點知都係要我發脾氣...
哼...
等我仲特登話定果日可能唔番屋企添...
算...而家慳番...

呢幾日都冇咩野發生...
早兩日因為頭痛...
所以好早訓...

真的很心痛...
好多野煩...
曾經認為我會公私分明...
但係...
確實地...
真係影響左我...
而家我已經夠多野煩...
好多野都唔敢同佢講...
我以為我自己可以應付到...
但係好可惜...
我開始覺得好辛苦...
我好想去逃避...
好想邊度都唔番...
好想一個人靜下...
尋晚成晚都o係度諗我究竟應唔應該分手...
但係...
我真係好心軟...
好想比機會佢...
希望佢會對我好d...
不過...
我知道佢唔會...
甚至...
佢會唔會珍惜我...
會唔會緊張我...
又或是佢仲鍾唔鍾意我...
我都已經完全唔清楚...
有d野...我知道我應該同佢講...
但係...
果晚我問完佢果個問題之後...
我就知道...
我唔應該同佢講...
就算講左...
我都覺得佢只會叫講一句唔要就算...
所以...
講左=冇講...

屋企果度...
又係我呢個極度麻煩既姑姐...
唉...
都已經逃避到要搬走架啦...
仲搞咁多野做咩姐...
十七號出糧...十九號同我講冇錢囉...
大佬...我開金鋪咩?!
出糧果d都一早洗q晒啦...
自己番工都成問題丫...
點比你丫...
成日問我幾時出糧...叫我比錢...
丫大佬...
唔係擺果小小野o係你度就要比幾千蚊你牙?!
比幾千蚊去租你果幾個櫃桶?!
唔撚係牙?!
雖然話就話一齊住左幾年...
我開頭果幾年係冇比錢你姐...
但係我老豆同丫麻都有比架喎...
次撚次都係咁...
一講到錢就失感情...
又唔諗下我成日幫你湊仔湊女...
唔通我又要問你拎番錢喇啵?!
一知道我轉左工就話要加...
加加加...加你條命咩...
唔o係你度住仲要比幾千蚊你...
on9的說=_=...


我呢排心情都好差...
感情問題...
屋企問題...
金錢問題...
樣樣野都好似沖住我而來咁...
兩日喇...
我已經兩日冇食野...
冇人會關心我...
冇人會知...
我亦都唔想比人知...

唉...
心情好撚差!!!!!!!!!
好煩呀!!!!!!!!!!!!!!

10月23日...我在IBMS的日子...第二十三天...
尋晚...收工等埋茵茵...同茵茵o係黃大仙37M個小巴站傾到九點...
傾左好多野...
令我對呢段情開始有左唔同既睇法...

曾經...想過分開...
然而一而再地心軟下來...
很想回到最初甜蜜的日子...
『我覺得你真係好鍾意佢...
    我覺得你真係好傻...        』
茵茵呢兩句...
令我開始覺得...
我地係咪應該溝通多D?!

付出幾多...唔代表可以收番幾多...
我曾經覺得自己好似好偉大咁...
但係...究竟我係唔甘心...
定係...我真係咁鍾意佢?!
其實...我為你做咁多野...
你究竟知唔知?!
你越對我冷淡...我越覺得你忽略我...
再係咁落去...
我相信總有一日...
我地會分開...