戒煙第4日....
唉...點解好地地又搞成咁呢?!
如果你係當我係你女朋友既...點解你可以一個電話都唔打比我...
sms都唔多個?!
我地一齊左兩個星期喇...你知唔知呢兩個星期我真係好難過丫?!
好似玩地下情咁...偷偷摸摸兩個星期...
呢兩個星期裡面...除左第一日之外...
我地根本就冇出過街...
自從你玩失蹤之後...
我地都已經好小傾電話咯...
sms多數你都唔覆...
真係唔知你想散還是怎樣...
喊又喊過...講又講過...
究竟你想點?!不如直接同我講好嗎?!

今日係我戒煙既第二日...
同平時冇咩分別...
只係食少左煙咁解姐...
賢仔隻腳整親..今朝打比佢...
佢睇緊醫生...本來尋日問佢今日洗唔洗番工...
佢話未知...今日問佢...佢話番7點...
咁我就留o係屋企冇落德馨苑啦...
點知5點幾...姑姐打黎...
叫我落去湊嘉敏...=_="...
咁我就落去啦...
時間好快就到左7點...
因為姑姐佢地o係大廳間左間房打麻雀...咁我就坐o係大廳...
睇住佢番黎打卡...佢剪左頭髮...
成個人sharp左好多...
9點半...我地o係德韾苑食飯...
11點幾...差唔多12點...佢同班同事去食宵夜...
佢走果時...我打比佢..問佢可唔可以傾一陣...
佢好明顯有d燥...
同佢傾左幾分鐘...我終於哭了...
喊左一陣..又同佢玩sms..問佢番左屋企未...
順便同佢傾番佢失蹤左兩日既事...
同埋同佢講我有喊過...佢問我做咩喊...
我同佢講番係關於佢...佢竟然講左一句...
又關我事...你個八婆...唉...
睇黎佢都係習慣左叫我八婆了/_\...
不過..都唔緊要...因為終於都解決左個問題...
雖然佢唔係有心失蹤...
不過我都講..就算佢要玩失蹤...
起碼都同我講聲...因為...始終...~"~...
大約3點半...我同姑姐番屋企...就咁就1day...

今朝早11點幾...賢仔send左個sms比我...
話比我知佢唔舒服冇番工...同埋...佢同我講...
話唔鍾意女仔食煙...
於是...我應承左佢...我話我會戒煙....
今日..就成為左我戒煙既第一day...
咁大個女...除左以前既一件事之外...
都未曾為其他人戒煙...何況係自己條仔?!
我記得我曾經講過...同我一齊既男仔...
叫我做咩都得...就淨係唔可以叫我戒煙...
估唔到今時今日...我既態度竟然因為一個咁既男仔而改變...
唉...真該煨...

今日拎番個電話喇~"~...真開心...
不過今日既運就真係唔係咁好...
釣紅點..2毫子點都可以輸40蚊...忽傾腰...
玩到兩點幾...之後番左屋企先...
因為已經急不及待整番部電話~"~...
今日然仔冇番工喎...
姑姐問我知唔知...
我鬼知咩=.=我都搵唔到佢...
咁大個仔玩失蹤...仲失左蹤兩日...
打極佢電話都唔通...
唉....
今日超低能...叉雞飯望住我...我一反常態...
用番佢平時望我果種方式去望佢...
真係勁搞笑...你望我?!我望你一眼向上望扮晒野...
哈哈...

唉...我又兩日冇打日記喇=_="....
放左兩日假...唔知做過d乜=_="...
今日仲衰...成日o係屋企...
執屋執左幾粒鐘...忽傾腰...
攰到仆街...
尋晚同姑姐姑丈嘈...
不過後來都冇事...
今日阿麻借左二千蚊比我交電話費...
終於都開番個電話=_="...
感謝神...呵呵...