Dearest,

今次我真的開始死心了...
不論你而家溝到佢未...
我相信...只有我走...
你先會開心...

雖然有千萬個唔捨得...
但係..我記得你尋晚o係tower講過...
你從來都唔會為感情事煩惱...
因為你話你拎得起...放得低...
當時我個心真係好傷...
到之後...你對佢既行為...
我覺得好討厭...
雖然我唔知你地尋晚有冇發生過d咩事...
但係..我知道...
我係時候要走了...
如果你認為咁樣係幸福既...
我祝福你...
但係...如果我真係搬走左...
你將會係我最後一段回憶...

終於見識到邊個係丫雪...
諗起...真係覺得好笑...

Dearest,

今日...我真係好想同你講句對唔住...
唔係因為我做錯野...
而家我知我唔應該咁樣話你...
雖然我知你唔會睇到我呢個日記...
但係我想o係度同你講聲"對唔住"...

自從我拎左兩袋衫番屋企之後...
我覺得...我真係係時候放棄你了...
因為...我知咩都冇機會再番轉頭...
當然...我唔知你點諗...
有一個你唔愛既人o係你身邊...
每日你都會對住佢...
會唔會變成一個阻礙?!
今日同James講講下...
無意中得知...
原來你同左James講左我地既關係...
我真係覺得好突然...
你同我講過...
你唔想比人知...
但係偏偏你又成日同人講...
不過算啦...
一切都已經過去喇...
都冇機會番轉頭...
我唔會恨你...
因為...畢竟我覺得我地都有過開心既日子...
雖然時間真係好短...
起碼開心過...我就足夠了...
Terry同我講...要揀一個人...
第一樣要睇既係果個人既人格...其次係睇佢既能力...先至再睇佢既外表...
我覺得好o岩...
當初同你一齊...我真係咁諗...
唔理你既外表係點...
我都一樣咁愛你...
呢句說話...
我從來都冇同任何人講過...
唯獨你...
第一次...亦係最後一次...
我唔介意你有冇錢...
我只希望你會比到我幸福...
但係好可惜...
呢個幸福真係好短暫...
我都諗唔到我地咁快就散...
雖然我知大家都有好多問題存在...
但係我好想同你講...
我曾經正視過...
亦都好想去補救...
不過可惜到最後...
你連一個機會都唔比我...

唔知你而家係咪攬住丫雪o係度溫馨緊呢?!
anyway...
雖然我唔想放棄...
但係到最後...
都冇得我去選擇不放棄...

不過我真係好想同你講...
我依然都係咁愛你...
我唔敢包保我係最愛你果個...
不過我會係o係你需要我既時候第一時間企出黎幫你果個...
無論任何事...包括死...
我都願意...

祝你幸福

By
愛你的Bi
5/1/08 04:10

Dearest,

尋日我玩到咁夜...
雖然你冇問過我去邊...
不過我今朝見你尋晚兩點幾既時候打過比我...
唔知你搵我咩事呢?

我地分開左差唔多一個月喇...
呢一個月...
你知唔知我係幾咁難過呀?
你對我既冷淡...
令我覺得...你係咪已經出面有左第二個呢?!
我記得你講過...
如果真係唔方便既..你會出聲...
究竟我而家o係你呢度...
係因為隻狗還是係一個普通既工人呢?!

你同我講過...
今個月你要交california費用...
所以今個月你冇錢...
聽你咁講...
唔知點解...
我今個月變得好慳...
就算想買d咩都唔敢亂買住...
因為我怕你真係會冇錢...
雖然你講過你既事唔關我事...
但係...睇見你冇錢...
我唔捨得唔幫你...
可能我真係好傻...
但係..我真係唔知點解...
果日同歐陽佢地食飯...
聽見你話你溝到女...
我個心真係好痛...
仲有d想即刻搬走...
唔再理你既一切...
果晚...你番到屋企果時...
你接左個電話...
令我更加覺得你已經有第二個...
平時你唔會咁樣聽電話的...
果晚...我真係決心去執野...
o係房喊左好耐...
一路執一路喊...
我真係諗住聽日就執晒d野走...
但係我最後都冇咁做到...
只係拎左一半既衫番屋企...
你記唔記得我問過你幾個問題?!
其實我心裡面一早已經有左答案...
不過我真係好希望有奇蹟出現...

尋日我聽人講你溝緊發記個丫雪...
我個心好似比針拮咁...
真係好痛...好痛...

尋晚飲到好醉...今朝你叫我理下個仔既時候...
其實我真係好唔想起身...因為我個頭好痛...
不過我唔想睇見你發脾氣...
所以最後都起左身...

想追我既人唔多...只係得三幾個...
但係...我個心根本再容納唔到任何人...
佢地好多都對我好好...有d甚至乎唔需要我捱窮...
唔似你咁對我...
但係...我始終都o係度等陣個奇蹟...
我會一直等...
直至你令我心傷...
我先會考慮同第二個一齊...

呢個係我對你既承諾

By
KuBi

Dearest,

雖然我地兩個既關係仲未改善...
但係今日我真係好開心...
因為當我番到屋企既時候...
你居然冇出到街...
仲開心既係...
你媽咪番黎...仲叫埋我地去食飯...
我同你落去先...
雖然你對我既態度都仲係好冷淡...
但係當我地番屋企既時候...
我突然之間唔舒服...
你見我很得咁慢...
你都有擰番轉頭望我...
我真係覺得好開心架...
起碼你唔係真係唔理我/__\

收到份更表...
真係呆左...
估唔到...
唉...

Dearest,

唔覺唔覺...都已經第18日了...
唔知幾時...我地既關係先會有所改變呢?!

今日...我終於鼓起勇氣...寫左封信比你...
當我差唔多寫到尾既時候...
你番左黎...
果刻我個心即刻跳左出黎...
本來諗住o係你未番黎之前...
寫完封信擺o係檯面...
之後入房訓教...
等你番黎既時候睇...
但係點知我都未寫完你就番左黎...
仲問我做咩仲未訓添...
你呢句說話可能係出自好奇...
不過o係我眼中...
我會覺得係關心...
雖然知道唔係...但係人總會識得安慰自己的=_="...
o係你去wc果陣...
我已經寫好左封信...
不過...諗黎諗去都唔知應該點樣交比你好...
所以都係決定順其自然吧...
其實你番到黎果刻...
我都知你已經醉醉地架喇...
所以我都不便打擾你...
當你去完wc既時候...
你寧願訓o係sofa都唔入房訓...
其實係因為你唔想同我訓定係你諗住我會比番個位你睇龍珠呢?!
番到黎果陣...你話我睇晒你d龍珠...
我話唔得既咩...
其實我唔係有心頂撞你...
只不過...我衝口而出...sorry丫...
見你o係sofa訓著左...我都唔敢叫你起身入房了...
唔想好似上次咁...叫你入房訓...你寧願訓廳都唔入房...
呢排天氣開始凍番...所以我見你訓著左...
特登入房拎張被比你...唔想你凍親..順便同你關埋個窗...
因為屋企真係好凍...
唔知係咪因為冇左你既溫暖...
我覺得...呢個聖誕...係我覺得最凍既一日...
見你訓著左...我先敢打xanga同qooza...
因為我怕你會睇到呢段野...又同我鬧交...
我知你唔鍾意我同人講我同你既野...
我只好將我既感受...
寫o係呢個冇人知既日記裡面...

By
Kubi