唔想返學啦我!

返親都好似為左奮進咁

上堂一般...小息無聊...放學奮進... >.<

冇嫁啦我，咁就一世啦

miss鐘話我要奮到19號喎，咁姐唔駛玩啦

夠勁就奮到下星期5攪亂個party佢 -.-

新年假...頭三日又難過唷...慘慘慘!!!

好衰呀....奮進果陣俾miss wong叫我剪頭髮...

留左咁耐又要人剪....搞錯 >︵<

好多野擔心呀近排...

耶穌都救我唔到啦

聽日再講丫

尋日掛住出去玩

夜晚去左呀麻度喎

今日打開書包...哈哈

min gud för oh varför inte rättvist döda mig?! (瑞典語 Oh my god why not just kill me?!)

math pastpaper...mathB...mathA...中作...Bio Ex....Geog MC 要做

好野...做唔晒又制霸~!

好啦我要加油了~~

8點幾philip打黎喎

"喂，今朝番去綵排唷"

"下...?!唔係fa"

"係呀 9-11 全級"

"檸樂…我要去睇急症唷"

結果都係冇番到…死啦…我未見過份稿嫁，drama點算呢

嘩勁呀我，4個醫生睇我一個，榮幸!

好彩冇絕症~

囉藥呀...我成1742號籌 >.< 果陣輪到14XX....成300人先到我...囉命唷

聽日就番學了...我D功課呢...嘻嘻...聽日死梗啦今次...嗚嗚

好啦祝我好運啦~

老早起身...浸左係缸熱水浸左粒幾鐘唔願起身...煲粥先

唔知跌左個電話落浴缸會點呢 XDDD

好唔願意離開缸水，出左去

旺角落左車，行左去油麻地，之後亂行

竟然到左新蒲岡，一條街竟然見到3間7仔兩間OK...睇黎開便利店真係好好搵 @@

沿路行落去...見到荷里活廣場喎，唸住對面馬路好近，原來係5條高速公路加半個山 -.-

算，我投降~

行左陣上車走人，咁又一日...人生苦短...『人生得意須盡歡，莫使金樽空對月！』

夜晚冇野做...msn搵人玩 ~ 旋轉泡泡球好玩呀

仲未開始做功課添...算啦，聽日既事聽日煩啦~

早抖~~

今朝要geog test 5課呀....二百頁咁滯...好彩要洗傷口~~唔駛制霸 XD

下午四圍hea...hea到六點返左去

都係啦~ icq msn聽歌打機

咁就兩點...訓覺~

老早起身，又洗傷口...去到o晒咀，條龍長過輪平安米

十點9先返到study group...十一點半放左，醒神

lunch見到一台人，冇野o既...人姐~ 掂行掂過啦~

下午Geog補課...遲左一粒鐘返...好悶過左兩粒鐘，好野放學

同人返左小學喎我...好野，大部份miss都講得出我全名，睇我幾出名丫~嘻嘻

我好唔鐘意係屋企...講個電話都好煩

好啦，就咁多啦~

老早起身，洗傷口...一個人去

之後返去補課....補課.....之後都係補課

好，放左啦...返屋企悶左幾個鐘

聽日又係補課

咩世界呀呢個

唔打住啦...咩mood都冇晒

今日老早要去洗傷口~嗚嗚~不過有人好乖陪我去~好野 ^^ 又發晒痰呀...好痛...好痕!!

之後呢...又唔知去邊好啦...証明香港真係好細，遲D要去離島先掂 *.*

決定左啦! 去左大埔，原來果度冇野行架...搵到頭暈終於有野食啦...食咖哩雞亦飯，不過食完牙喇有豬扒...怪事要記低~!

之後我地向大埔投降，擺駕全灣!

好慘呀!!又夠鐘返屋企喇

哈哈，有人唔記得囉返個銀包 XDDDD

好野!! 8點都有得出黎，好開心(我好黑心呀 XD)

聽日又補課 >.< 唔制

唔打啦，睇戲~

尋日4點幾先訓得著

支力死!

反正冇訂去...休息一天啦

玩msn玩左一日，旋轉泡泡球好好玩嫁，信我丫

夜晚有頒獎睇呀!!JUNO有獎囉呀好野 ^^

三點lu...我終於肯訓

早抖~

今日天氣好好

今日好好玩呀，老早去左行街街，之後呢去左去韋哥道BBQ...鋤D...有好多人呀...Juno..carbon dioxide...楊XX...曾太啦...瘦仔啦....黃X新啦仲有幾個唔識~~嗯嗯...之後佢地打牌喎，下!!十點嫁拿？！我都係光榮徹退啦~~之後去左TST倒數喎，好不容易行近左海旁啦...不過差佬哥哥話多人得滯唔俾入海旁呀...慘慘，11點55分，D人唔行坐晒係度喎，我地都唔執輸企高D等睇野，唔知係咪有煙花睇呢~~之後靜左一陣，eeeee原來果邊倒完數啦...睇錯佢地，原來D人唔行坐晒係度真係坐黎托 >.< 嘩好多人開始走呀...我地要行快D啦唔係塞都塞死! 點知行到車站，得3個人上車! 玩死...韋哥又話食糖水...點知話叫我買野飲上去....好，我捨命陪獃子。坐左陣…我發覺好悶 :X 走人，行左陣，送人去火車站，之後慢慢行返返屋企，開心到訓唔著...企係窗口望下人，吹下風，沖涼，出返黎4點半，訓覺

如果時間永遠停止係今日就好啦