今日班上發生左件大事，就係竟然有女仔寫左封情信俾呀水哥，仲大膽到沖入男廁貼左喺塊鏡度，署名心急人，一個字『勁』。
水哥表現非常不知所唶，好攪笑，仲有就係，最終內容係『你食左飯未』，睇嚟個女仔都好細心。
班上不停有好多唔同嘅猜測，眾說紛紜，非常攪笑。
好多人提意呀水哥回信，答返佢食左飯，同埋問返佢食左飯未，超無聊。
C小姐仲自告奮勇話幫水哥貼返係女厠，然之後佢仲懶幽默咁同我講話要貼高D，睇下個女仔攞唔攞到云云，我反應快得滯即時寸佢，『乜你夠高貼高D咩』跟住我即時俾人鬧，喂！我唔想串人o家，你俾咁大個位我入，唔串你仲點叫爛王呀
講返D嚴肅嘢
仲有我想俾所有人知道，好多野我係唔想知o家，就如同我唔想你地知一樣，有時候，無知是福，唔好成日覺得人地瞞住你，其實好多野講左都對件事冇幫助，你知道左仲加重左你煩惱，咁試問你仲想唔想知丫?
，就係竟然有女仔寫左封情信俾呀水哥，仲大膽到沖入男廁貼左喺塊鏡度，署名心急人，一個字『勁』。
