一早俾個親戚嘈醒左，打嚟屋企搵我呀媽！我呀媽幾時咁懶嫁，成十一點都仲係屋企？唔該醒少少打舖頭或者佢手提啦，『原始人』

發完個火先發現自己好似喉嚨好痛，大鑊，應該作感冒

今日表弟生日約左大浪灣BBQ，一點落到筲箕灣搵佢，佢差唔多買完嘢，跟住佢特登返西灣河買丸，真有情趣。咿而，咁做乜約我筲箕灣等呀？頂！我住西灣河嫁

仲有就係麗麗原來仲大鑊過我，佢唔識飲就唔好學人飲咁多啦，佢平日出去玩嘅次數仲多過我，想點呀，嘔到五顏六色，攪左我表弟一晚！阿彌陀佛！去到大浪灣就『死』左係到，見到都想笑

唉！我都唔明我表弟諗乜嫁，專攪埋D唔知乜，首先噚日好曬，係下水嘅好時機，我細佬話凍，唔落水叫我唔好帶嘢，點知曬到七彩，我表弟原來有帶嘢，我地好自然就去買條褲諗住一齊啦，跟住佢話滑浪想租塊板，我細佬話唔好喇，咁晏，玩唔得幾耐，咁之後就返左去食嘢，又唔落水，咁好自然跟住佢啦，點知去到走嗰刻，連浪邊都掂唔到囉，想點呀！！第二就係約大浪灣麻煩下次約早D啦，明知冇燈仲約兩點，入到去三點，三個鐘頭就天黑，咁點夠時間呀，不過點都好啦齊體上都唔算差嘅，大浪灣咁多鬼妹，哈哈！！