今日放假等如冇放，六點鐘就要開始聽道，聽到九點半
今日好在有老死基David同我一齊聽，咁都好D，聽日仲要聽足全日，加油呀，雖然辛苦D，但係最緊要學到嘢
今日提醒左一樣好重要嘅嘢，係修道人嘅必要切實實行的，就是盡人道，達天道，先好做好五倫和睦，五倫是君臣、父子、夫婦、兄弟仲有就係朋友，看似簡單，試問天下間還有幾人可以知道裏面嘅相處之道而又盡善盡美呢，君臣間，專五美，屏四惡，父慈子孝，夫婦間相敬如賓，兄友弟恭，朋友間見賢思齊，互勉互勵試問又有幾多人可以好像我輩般向此方向進發呢？所以為何我如此相信，大家應該也看出一點端倪吧
今日我聽到一個很好的例子想同大家分享一下，二十年前有一個好好的太太，佢喺佛堂有聚會嘅日子幫佛堂同寅準備飯菜，小朋友在家沒人照顧，自不然跟隨母親到佛堂，功課做完又沒電視看，相信很多小朋友也試過將舊報紙集合起來變成足球，就踢起上來了，一腳便踢到佛燈那裡，剛好前輩回來了，相信大家一定以為佢地死硬啦，點知前輩不但止冇鬧，而且仲讚左一句good kick!，繼續玩啦，咁相信大家都估到佢地當然唔會繼續玩啦，仲同前輩講，以後都唔敢喇，今時今日佢地都成為左一個不錯的學道人
呢件事睇嚟好似好普通，但係裡面包含嘅道理就大喇，唔單只係講，處事手法同埋不動怒嘅好處，最重要係心嘅轉化，在佛位面前莊嚴嘅聖地，有人搗亂，本應大發雷霆，加以告誡，但係這位前面人不但沒有，反而反其道而行，不單不會使孩子繼續犯錯，更加俾佢地一個自省自悟嘅機會，唔係他人令佢地乖，而係憑良心去做每一件事，而且仲要係想清想楚個隻
所以說明白一點，就係人家怎樣對你，你也可以用和顏悅色去待人，只係睇你個心識唔識去轉化，將壞事化美事，將事情看得通透，就好像剛剛的例子，小孩子當然愛玩，你叫他不要，反而他偏要。但是你想教好他呢？就是讓他們自知，自覺，在適合的場地做適合的事，這樣就算人家怎樣對你，你也可把心轉化跟人和諧，這樣做任何亦必會事半功倍
看不明最後一段可看這裡
萬事無盡處，適可而止，可以留得一線生機，終其身，用之不窮
|
