今朝7點幾起身沖涼~搞掂好晒就出門口...去薛禮賢屋企幫手拎野飲,,,係途中見到吳戌良...叫佢幫手拎---太好人了...一句都無講就幫我拎番班房....番到班房放低晒d野,,,出門口食包包...食完係度等上車,,,係班度玩啤牌....跟住係出面睇樓下d人上車....等左好耐終於上得車囉....上車同左詩坐...傾下計~好快就到左無聊既涌貝/背....到左之後本來想係個湖果邊燒野食...點知兩個賤人p.e阿sir同miss話唔比過果邊,,,跟住就係小學生果邊搵爐....搵好之後起爐~由於d炭好濕...所以搞左勁耐~搞到江偉龍過黎幫手搞.....後尾走左我自己一個人搞.....都搞左一陣先得,,,燒得囉...燒左好多野食~有雞翼-魚旦-腸仔-芝士腸等等既野食.....燒緊果陣好多蜜蜂~搞到d女仔係咁尖叫,,,跟住我就出手整開d蜜蜂~唔係既話都好麻煩....不過郊外d地方一定有好多昆蟲架啦....燒到咁上下,,,見到春芝~叫我行過去...過到去問佢咩事~竟然話同我影相...最唔鍾意影相~諗住走點知捉住我...唉~被迫影左張.......今日陳美玲走埋黎食野~無所謂...但個余sir就好鬼鍾意擺架子...懶巴閉咁樣,,,問佢食唔食又唔彩人...唔問佢食唔食既話肯定又比佢話...真係黑人憎....後尾英英黎到~原來英英揀飲擇食...好多野都唔食~最後食左條腸仔~總算比面,,,,涌貝/背個地方實左太細啦...行1個字都唔洗就行晒....後尾同羲羲&黑仔玩埋d無聊野...玩完同黑仔4圍逛...無咩地方行就番去了...好笑既野黎啦,,,我地今日差唔多全班都著晒班t(黑色)...跟住b班d人係度串話我地係黑社會...捉左幾個黎打...再跟住c班d人又嘈~又互相撞黎撞去,,,不過都係玩下.....到走果陣...過左對面馬路排隊,,,黑仔叫我去影相~但我話唔鍾意影相,,,,後尾影班相先去影....上到車之後同吳嘉敏坐...訓左一陣,,,聽到佢同港,啟果d係度嘈.....跟住起左身....無幾耐阿薛同吳嘉敏調位...阿薛問我點解唔講野既...我話無野想講所以就無講.....番到學校就散囉...拎左吳嘉敏個排球當籃球打...勁多人搶~~~打到咁上下去晒和興打....打到差唔多6點就番黎屋企沖涼....上到msn,阿may比佢個日記我...睇完要留言咁wo.....無問題啦,,,,,,今晚又同威仔,田雞,港,許啟,肥仔果d人玩aoc囉....