昨晚同春芝8點幾傾到成11點幾
傾左唔少野~今朝約左一齊買三
文治食

今日8點正就出門口囉~途中見到青蛙一齊行...去到樂怡~見唔到春芝就買住先...買完出到門口就見到佢囉,,,原來佢陪小明買野...跟住就一齊番學...早會係度傾計...但好悶同企到好累....上到去第1-2堂中文...講左陣書就做作文~做到打鍾---已經完成一頁多小小...小息食包包,,,阿薛遲到同埋無買到三文治,,餓到佢死~笑死,想用錢買春芝個包...但無賣比佢!!!.....食完之後陪阿薛落樓下買水飲....數學堂了~去左羲羲個位度做t&t旅遊功課...同埋問蕉茵點做...做左成兩堂~好彩做得晒...小息同羊羊上6樓問人借英文書...落番黎都打鍾囉...上英文堂~好悶好悶好悶悶悶托住隻手訓著左...訓左成堂= =後尾討論先醒番,,,好好笑...後尾要每一組搵個人讀1分鍾,,,跟住猜包剪鎚我出包~1個羸晒3個...後尾青蛙輸左發牌4扔野...到佢講果陣同羊羊幫下佢...講同個影子玩捉依欣~笑鬼死...打鍾lunch囉.....今日fish生日...佢話去金星飲茶~無所謂...去到見到佢媽媽同肥媽...兩個人都好好笑...但坐得好迫~迫到我坐埋吳嘉敏張椅,,,可想而知有幾迫~介紹左我地比佢兩位大人識之後...就係度講笑~話羲羲咁似d中三既細路仔搞到羲羲成個lunch都無講野~而兩位大人講埋d好好笑既野....太搞野啦佢地~食到40幾分到就走啦...未走之前見到好多阿sir&miss走,,,仲見到吳sir~同佢say88....番到學校上t&t~係度發呆......跟住放學前1-2分鍾比人叫去留堂~同羊羊一齊留...留到4點就上番班房放書...留堂果陣時做晒中文作文....係學校門口番屋企途中見到田雞,吳嘉敏,青蛙......田雞叫我打波~跟住無換衫就係和興打........打到6點幾番屋企...沖涼~沖完阿may同我傾左一陣計...原來今日放學羲羲唔開心走左= =但我唔知咩事...希望大家無事啦~又係關於班t果件事.........唉~收左線之後同威仔,許啟,田雞,偉哥,kakin,肥裕玩aoc......玩到飯都無食~玩完之後先食飯...食完飯就問威仔英文d生字點串...因為留左張默書紙係學校.....好彩佢講晒比我知,,,係msn度又見到d唔想見既野....又係吵架果d野=-=太煩啦依家.....大把野要溫.....講住咁多先吧!!!!!!!!!!!!