好耐都未試過要俾自己咁唔得閒,未試過返工返到要搵o野做。

平時會好努力咁一早返工做晒全部o野等食飯,食食下飯個電話就會識響,
跟住全日既生活就係等個電話響...
今日開始,個電話唔會再識響,就算響都係一o的唔想聽晚鈴聲....
習慣原來就係習慣...想變都變唔到
之前晚晚放工就返屋企訓覺,十一點準時起身聽電話....而家?日日放工對住o的酒...
今朝起身照鏡對住自己個樣好似見鬼咁,有人幫我計過訓覺時間....
而個星期訓o左加埋竟然冇40個鐘....人乾.....

仲記得當初一句....我今晚就要你醉....一句我唔會再信你地o的男人....一個你對我係唔係認真
只可以講一句此情不再.......想同做真係兩件事....
講過唔等於承諾......而o的o野都係一個人教我既......而家先識...

回想以前,我自己都係一個咁既人,今日怪就怪自己啦......
不怨天只怪自己太執著......
就算想改都太遲lu....
好多o野隻手真係捉唔住.......

以前既景象...唔知仲會唔會有機會發生......
小巴...巴士....地鐵......
一醉解千愁.....今晚又醉過!!!

------------------------------------------------------------------------------------------------------------------------------
估唔到今日仲有人著過我,尋晚俾人摑完一巴.......對住佢...嬲唔落...
見到佢係度喊,我又可以點做....
可能我同佢就係咁,就算嘈成點,第二朝起身都會冇事

每次同佢嘈完,死狗出去接佢收工都係無事,
不過已經冇可能......
唔知佢玩得開唔開心呢?
希望佢食完o野先啦......唔知夠唔夠訓呢?
一陣又話胃痛......
希望仲有人拎埋藥俾佢食啦!

我仍然最愛 innocence

身邊有個位置永遠係你既....
(無論你喜歡誰,請你記住留下身邊這個位置)...哈哈...多謝你送俾我而句歌詞.....

仲有一個鐘.....又係時候等收工~~~
不過....成疊單未掂過.......

今日見住啊嵐返工,攪到自己又覺得老o左好多咁....
好多o野唔知係唔係自己冇去發現過,身邊好多人都好似變o左好多咁

朋友們個個都開始大啦,
啊嵐都算係叫做我由細睇到佢地大
識佢o個時岩岩過16歲,同佢一齊乜都玩,以前由一個乜都唔識既女仔
到而家學埋電腦,自己照顧到自己,由一個野蠻既千金小姐,到而家會做家頭細務既女仔
佢既轉變都幾大,只係我一直都冇去察覺.....
啊曦識佢o個時都仲係一個十七八出黎玩既靚仔,到而家都同我講話成家立室
啊武由一個日日識得係屋企訓覺,到而家知道要養起頭家幾難既人
eva由出黎玩到而家變o左做一個miss
陳婷由一個全級考第尾,到而家成為一個真真正正既大學生

原來係身邊個個都大緊,一路轉變緊.....包括我自己
尋晚同陳婷傾o左一陣電話,問番佢以前既我係點,
一個日玩夜玩,上堂訓覺,落堂先係進入一日生活既開始
以前踢波,媾女,打架,跟大佬既生活...而家?唸都唔好叫我唸
年紀大o左,唸o野都老多幾年......

以前成日話人地管我,都覺得人地好煩,我要玩就玩啦,
女朋友打黎永遠都唔會聽,屋企打黎更加唔使講
記得o個時女朋友一日打3個電話黎我都話佢煩,
佢完全唔知我係邊,做緊乜,同邊個一齊都唔知....
ssend 個sms俾我,你有冇事啊?做乜唔聽電話?得閒既打個電話俾我啦,自己小心o的!
睇完都覺得煩.......估唔到今時今日我會做番同一樣o野....究竟咩o野係岩同錯我都唔識分。

如果可以回到過去,我都想過番之前十七八歲,乜都唔使煩既日子,
日日成班仆街係度嘻嘻哈哈又一日.....
日子過了....今天想約o的人出黎食餐飯都難,
個個都返工,一係就有自己屋企同埋家庭.......
搬得既搬...陪仔既陪仔....陪女就陪女....哈哈......
而家連六樓後座都搬埋......
得番3個人....唔知而3個人又唔會散呢?

一時感觸....打多o左幾個字添!!

一早起身,真係勁唔想返工,不過唔返又得,唉.....

起身有早餐食------出奇,轉個頭望一望,點解...有人仲早過我換衫
有條白痴妹同我講話返工,忍唔住笑o左出黎,問佢做乜?
佢竟然同我講係佢老豆公司做個跟單......拍戲咩?太子女微服出巡....
算啦,睇佢返得幾多日,頂盡一個星期又唔係唔做.......

攪到我要早成3個字出門口同佢一齊返工,返石門...唔識就咪鬼返啦...
又要同佢一齊搭車...話時話自己都唔知幾耐冇去過石門
最慘就係,行過粉嶺火車站見到婆婆...頂....當黑.....
"陳鴻鈞你女朋友呀?幾時帶佢上黎食餐飯啊?
"趕時間返工得閒先啦"
希望唔好打番俾我啊媽...如果唔係又有排煩,完全唔識解話。

返石門,帶佢係火炭搭van仔,佢就到啦,我就差唔多遲到,
係樓下見到之前班同事,真係好耐冇見,4年lu....吹多兩句完全唔記得自己係係火炭返工。
搭的士遇塞車...唉.......
係唔係真係咁黑啊??

收工又要等埋佢返去.....而家o的生活就係咁?都幾好既,都叫做有o的o野做下。

低b架,成日返到公司係完全冇o野要做
由九點坐到五點....係要悶到自己企起身搵o野做......
成日都係facebook ....msn....得閒到睇埋討論區....有冇九兩菜啊?

尋日做o左一日傻仔,不過都好既...廢事死o左冇人知.....
平時搭車時間係九個字.....
而家慢慢開始增加為兩小時.......係架火車既時間仲多過係屋企......

-------------------------------------------------------------------------------------------------

其實兩個人做緊乜都唔知,
兩個人中間係唔係應該講個信字呢?
但係信同唔信又點去分,點去睇?
係要人地做o的o野出黎俾番小小信心你,
定係就咁自己俾晒成個心落去信佢呢?
一人行一步好嗎?

--------------------------------------------------------------------------------------------

希望朋友既感情困難化解,
見住你地兩個恩恩愛愛咪幾好,
做乜攪到而家咁呢?

自己都係...有口話人冇口話自己.........

-----------------------------------------------------------------------------------------------

又一個廿一號,今個月令我覺得過得特別辛苦
又有到冇,得到又再失去,百般滋味在心頭
今個月睇得太多,聽得太多,又或者經歷得太多
人睇我好,我睇人好啦

有時覺得自己慘,自己唔開心
原來辛苦過我既,唔開心過我既大有人在
其實應該珍惜面對既問題唔係太多
俾多o的信心自己去爭取
就算個個人都唔支持,個個人都唔應同
其實每個人自己心入面都有自己既答案,有自己既路

世事冇十全十美,有得到既都會有失去
究竟得到比失去多,抑或相反?答案根本冇人知
冇兩全其美既就更應該去爭取自己揀既路
我既坐右銘"絕對唔會俾自己有後悔既機會"
後悔唔係做錯o左想返轉頭,而係根本冇去做過

---------------------------------------------------------------------

好多o野自己已經唔想一錯再錯,
唔想再一次後悔幾年.....
路真係好難行....但係我更害怕失去.....

嘗一嘗廿四味...再喝一杯水....
唔知你地會唔會覺得杯水好甜呢?

誰願意愛我這樣野蠻?
你還願意愛我這樣野蠻?