今日老公一早就約左我, 所以我一放工就打比佢...
但打比佢, 佢d態度真係唔太好... 所以搞到我都無心機...
我搭車去到美孚既時候打比我叫我返屋企換衫想我著裙...
過到老公屋企都成2點9, 3 點啦... 之後老公話會同我出街...
整得野黎3點9, 4點落街食野, 5點幾就搭車出旺角...
我真係好開心呀... 老公仲同我講話可以同我出街好開心...
出到去6點半到, 跟住就去左睇鞋先... 點知就出事... 唉... 
佢話叫我買個對鞋, 我就話唔係咁好, 就大家行走左啦...
一路行就一路講緊, 但點知等過馬路既時候前面個人不斷望我...
所以我就同老公講話叫佢唔好咁大聲講啦... 就係咁...
佢就回應話"我好大聲呀, 得啦..." 所以我覺得佢發我脾氣...
咁我就緊係會唔開心, 就緊係唔多唔少都會黑埋口面架啦...
之後佢就話我黑埋口面, 佢今次真係發我脾氣啦...
佢唔理我, 唔彩我... 直行直過, 一句說話都無再同我講啦...
我亦繼續行... 行到咁上下我就問佢做咩... 想哄返佢佢又唔受...
過左陣佢就同我講行唔行, 要買野就買, 唔行就返屋企...
講講下... 我一路行一路喊, 但佢都係無咩點理我... 
個時我真你有諗過不如返屋企啦... 咁樣行法大家都唔開心啦...
但我知如果真係咁就會好彊, 所以我都忍住...
一路行一路喊, 係旺角行左成個圈, 行到去新之城, 就上左去...
開頭我都一直做被動... 行多兩行我知咁唔係辦法...
就算我幾唔開心, 我都要行入d舖頭睇野買野... 咁先係辦法...
因為我知咁樣我同老公先會有返計傾... 但佢都係好冷淡...
睇到d野問佢靚唔靚, 佢就話我鍾意、是旦、幾好呀...
搞到我都好無心機... 唉... 個時真係好想發脾氣...
最後買左兩條連身裙, 一件外套, 兩條皮帶...
同一對鞋, 對鞋仲要係頭先話唔買個對...
其實我唔係覺得唔靚, 而係我鍾意睇多幾款先買...
我個心真係覺得好矛盾... 鬧交起源於佢, 但最後又要買佢...
買完之後就去廁所換左條紅白連身裙...
之後大家都好點... 起碼有一點兒既交流, 係好開始...
換完之後佢就話搭車車落尖沙咀, 係車上大家都有講返頭先既事...
好彩既係, 大家既關係都漸漸好返... 大家都有傾計...
落到去8點幾... 係海旁睇左一陣之後就去左冒險樂園玩丟彩虹...
仲係冒險樂園換左兩盒模型添呀... 一隻我, 一隻老公...
再去左玩具反斗城, 係裡面我地玩就好開心, 羅佢入面d野係道玩...
之後就去左食 plzza hut... 食完又去冒險樂園玩籃球...
因為頭先佢係車個陣話想我係佢屋企訓...
所以我係佢去廁所個陣打比媽咪搵藉口話唔返屋企訓...
媽咪都比我唔返屋企訓... 講比老公聽... 佢都好出奇...
之後我地10點半就搭車返落旺角, 去左金魚街睇金魚...
最後買左兩條清道夫, 11點幾就搭車返老公屋企...
返到屋企12點4, 換完衫之後老公就係道整佢d魚...
之後我地仲一齊係道砌模型添呀... 真係好開心...
整得黎, 搞到黎1點幾, 2點先訓教教...
今日有開心, 又有唔開心啦... 都係我既錯... 係我唔好...
我發誓我以後都唔會再同老公鬧交架啦...
因為我唔想再有咁既事情, 咁既埸面再發生啦...
我知有時d野唔係我可以控制, 但我只好盡力最好自己...
希望我呢個願望可以成真... 我發誓我會盡力做到...
|
