| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2008 年 8 月 18 日 星期一  |
北京奧運  |
分類: 未分類 |
奧運比賽開始左十幾日，差唔多接近尾聲，好開心見到中國隊攞到四十幾面金牌，破左上屆紀錄，而且好多面金牌都係零的突破，創造歷史。
由奧運開始到現在，每天都留係屋企道睇奧運，無返工，無出街，將手頭上面ga工作都暫時放下，欣賞奧運，見證每一面金牌的旦生。
每次見到中國人取得金牌，心裡都非常感動，非常開心，非常興奮，希望中國隊接住落黎有更好成績。
零八奧運在北京
團結世界共和平
聖火燃點中國夢
全民喜迎新里程
|
| 2008 年 7 月 30 日 星期三 |
| 畢業屆別級活動(BBQ) |
分類: 未分類 |
|
攪完球類比賽，又要跟進級活動，真係好忙，忙到功課都無時間做，不過無辦法，洗濕左個頭，就無得返轉頭，唯有用心攪好級活動再算la。
哩個活動都算係一個突破，係創校以來第一個由舊生所攪的級活動，我地終於踏出左第一步，而且效果都算唔錯，比倒一個機會給校友聯絡感情，而且參加人數都幾多，有成60人，包括校長，老師，校工和該屆舊生，真開心。
哩個級活動我的身份都幾監介，又係舊生會副會長，又係畢業屆別級活動的統籌，又係該屆級活動籌委會helper，又係參加者，因為不同身份，有不同責任，而有些位係會有衝突，我都好難作出平衡，不過整個活動都算達到目的。 |
| 2008 年 7 月 20 日 星期日 |
| 球類活動同樂日 |
分類: 未分類 |
辛苦左成個月,球類活動同樂日終於完滿結束,雖然哩個活動真係好難籌備, 好辛苦,因為幹事不足,變數太多,而且我地無哩方面經驗,不過真係好開心和好有滿足感,我終於有機會攪到一個屬於自己組織的球類比賽.
當日, 成個活動都係由我指揮,briefing and sharing都係由我負責,所有幹事和helpers都比我點,我真係好享受哩種感覺,
雖然活動同原定計劃有小許出入, 不過最後我地都能夠作出應變,順利結束.
哩個活動比我想像中簡單.容易管理,我可以放心比無攪過大型活動的幹事嘗試在某些細節位作決定.讓他們有多d機會學習,累積多d經驗.我覺得哩個活動都算ok
la,但有好多地方都做得唔係咁好,有改善空間.
如果下年有機會攪一個屬於舊生會gei camp,就太好了! |
2008 年 6 月 29 日 星期日  |
| 高考放榜 |
分類: 未分類 |
高考明天放榜，每次到左哩個日子，心裡都會諗返起難忘gei 高考生活，我仲記得第一次高考，因為我其他科都ok，以我將所有時間放左係英文科，希望可以合格，入讀大學，但事與願違，投放大量時間，竟然換來個u返黎，那時我的心情真係好差，好難受。
我經常問個天，點解要咁對我，點解我做gei每一件事都是不能如意，但我知道怨天尤人都係無濟於事，所以我決定補考英文，用左一年時間專攻英文，由放榜果日開始我就自修，除左返part-time之外，就由朝溫到晚，這些生活真是難以言喻，非筆墨可以形容，每天就如活在人間煉獄，使我身心疲憊，形神勞損，生不如死。
第二次高考放榜，心情特別緊張，我記得我一個星期後才敢睇果張成績表，好左最後我都past左，果種心情真係好開心，而事後我的經歷和精神，係大學道亦受到好多師兄姊和師弟妹gei尊敬。
我覺得我條命真係好苦，我遇到gei 困難真係好多，不論係學業，工作or情感，而且一個比一個艱辛，每次我都好想放棄，但中國人有一句說話令我捱到而家，這就是:
「天降大任於斯人也，必先苦其心志，勞其筋骨，餓其體膚，空乏其身，行指亂其所為，所以動心忍性，曾益其所不能。」
而英文亦有句:
"Don’t make difficulty of your opportunity, but make opportunity of
your difficulty."
我經常安慰自己，上天唔係想折磨我，而是想磨練我，等我將來可以做大事，這些困難真係令我成長唔小，而我gei堅持亦受到好多人尊敬。
我希望各位面對困難gei 時候唔好咁易放棄，要好好珍惜機會，從中學習，必定有所得益。最後，希望每位高考生都取得好成績，特別係伊中中d師弟妹。
好運無我份
苦困常來臨
悲愁伴一生
歡樂何處尋
|
| 2008 年 6 月 23 日 星期一 |
| 公司 Training Camp |
分類: 未分類 |
哩個星期六，日，公司攪左個 training camp 比員工，希望提升員工 gei 能力 & 合作精神，我地個 camp gei 主題係「突破潛能」，我因為想了解下公司 gei training camp 同大學 gei O’camp 有d 咩唔同 & 希望學多 d 野，將好gei 元素引入大學gei O’camp，令CityU gei 師弟妹能夠係O’camp 道學倒更加多野，所以我決定參加是次 training camp。
我覺得哩個 camp d 活動同 O’camp gei 差唔多，我認為我地大學gei O’camp 學到gei 野仲多，更能突破潛能，不過我地果組gei 指導員(OC) 真係好勁，能夠有效地領導我地分享，指出各人的長短處和提升合作精神。
成個 camp 對於其他員工來講，係突破到潛能，但對我來講，作用不大，因為我係大學道已經參加過和籌備過無數個 O’camp，已突破左無數次潛能，但我在這次 training camp 亦有所領悟，可以見識下其他人怎樣領導各人分享，我得間 gei 時候都會同指導員傾下計，互相分享下管理心得，他亦啟發左我唔小，令我思想上有所突破，令我獲益良多。 |
| 2008 年 6 月 7 日 星期六 |
| Pre Summer (ELC Course) |
分類: 未分類 |
今個summer真慘, 考完final exam,休息左兩日, 又要返學,仲要讀我最憎gei英文,真辛苦.哩兩個星期,日日都要返學,而且無得走堂,功課又多,簡直是人間煉獄,不過終於比我捱過左.而成績都算唔錯.但下星期又要上另一科,可以話一波末停,一波又起,今個summer過得真充實.
|
| 2008 年 5 月 20 日 星期二 |
| 四川大地震 |
分類: 未分類 |
四川八級大地震，死傷無數，災區房屋盡毀，災民無家可歸，痛失親人，而為了悼念死難者和慰問倖存者，全國默哀三分鐘，學校為了配合祖國悼念活動，考試亦暫停三分鐘。默哀期間，我的腦海不斷浮現四川災區和災民慘不忍睹的片段，心情極為沈痛。
地震發生至今已有一星期，但心情亦末能平靜下來，眼見同胞受難，而愛莫能助，心情矛盾。身為中國人，唯一可以做的就是為他們祝福和捐款。在這星期，我每天都留意新聞，希望有更多被埋的災民獲救，由於沒有心情溫書，結果考試的情況就如災區一樣。
回想地發生地震當日，身為國家高層的溫總，不怕冒險，立即親赴災區，視察災情，指揮救災，慰問災民，尌勵軍警，場面感人。至於前線十多萬軍警，日以繼夜，不停地搶救傷者，認為只要小坐一分鐘，就能多救一個人的心態，非常值得致敬。至於中國各地的同胞亦不斷捐贈金錢，糧食，藥物和日用品給災民，大家守望相助，一同對抗災害。其後，國家領導人胡主席亦在百忙之中抽出時間，擔任指揮救災的重責，中國雖然是一個多災多難的國家，但每一次災難都把每一棵中國人的心靠得更近，把中國人重情重義的思想精神推得更高。身為中國人，我亦感到非常驕傲。
溫總有幾句說話令我印象非常深刻，他說：「山可以動搖,但動搖不了軍警救人的決心，水可以割斷，但割斷不了同胞的情感。一方有難，八方支援，只要有一線希望，就用百部努力去搶救傷者。」。他和胡主席亦到各個災區慰問災民，鼓勵倖存者要好好生活，他們充份表現了中國政府以民為本的治國理念和一個負責任政府應有的表現。
以往，我覺得中國政府腐敗不堪，思想封建，充滿貪官污吏，真正為人民服務的官員甚小，但經過今次大地震之後，我覺得中國政府非常關心人民，處理危機亦非常有效率，應變力強，我深信中國政府一定能夠戰勝災害。中國努力，中國加油，中國萬歲。
四川地震，路斷山崩，城村被浸，災民受困，痛失至親。餘震頻臨，難以安寢。
國家高層，盡忠本份，擔負重任，與震抗衡。前線警軍，奮不顧身，分秒必爭，
冒險救人。醫護後勤，日夜不分，深入各鎮，補給物品。各界社群，慷慨捐贈。
身為國民，倍覺傷感，不問不聞，於心何忍。愁雲悲音，託付祭文，以超亡魂。
災民不幸，送上慰問，死者親朋，忘記傷痕，堅強勇敢，擺脫厄運，重過新生。
地震至今，全國一心，不論富貧，不分遠近，風雨同行，共度艱辛，提起精神，
戰勝黑暗，回復安穩。
|
| 2008 年 5 月 9 日 星期五 |
中場休息  |
分類: 未分類 |
經過一個星期一連串ga考試,已經考左三科,終於可以暫時休息返幾日,補充返d 精神 & 做下檢討.
今次考試同之前ga 有d唔同,系個人心態方面,哩次係我入大學以黎,第一次認真溫書,希望取得好成績.而心情亦有d緊張.考試期間經常失眠,攪到無咩精神去應考,失左唔小分.不過總算捱過左三科.而系考試形式方面,亦都好唔同.
For Comp Chem :
哩科可以用個(抄)字黎形容,因為係Open Notes, 所以可以係咁怒抄,除左抄note之外,因為我用左唔小時間做LQ,最後唔夠時間做MC, 所以我連MC ga 答案都係抄人,而且仲係勁人,我諗哩科exam成績應該幾好, 不過平時分就好差,所以同A都係無緣.
For Phy Chem.
哩科可以用個(筍)字黎形容,只要寫個名and Student ID 就有兩分,而份卷ga Full Mark係120分,但當100分計,除此之外,好多題目都系係Past Paper and Excises道出,而考試最差果題會由測試最好果題代替, 真好, 哩科本來係最深奧ga 一科,但而家就變左最易ga 一科, 不過都係同A無緣,因為有一題連小學生都識計ga 數,我都無計.真痛心!
Given E1 and E2, just
cal.
(2E1+ E2)/3 = ? 就有7分
For Maths
哩科可以用個(慘)字黎形容,本來係最有信心攞A ga科,但因為Phy Chem.
哩科令我心有不甘,而且連住第二日考,所以無咩時間and 精神去溫同應考,結果慘死, 又係同A無緣.
最易攞A and最有信心攞A ga科都考完lu, 接住就要考最難頂ga Org
Chem. And Medicine. 考試攞到好成績就緊係開心la,不過,攞唔到好成績都唔緊要,唔使retake ,不亦快哉! 所謂知足常樂. ^.^
|
2008 年 4 月 25 日 星期五  |
| Study Week |
分類: 未分類 |
捱左幾晚通霄，終於將所有功課做曬，可以同死亡week 13 講88，不過接住又要面對另一個難關---Study
Week，又係時候要溫下書，清返之前唔明 ge 野lu。
諗返起以前考 A-level
ge 時候，我非常緊張自己的成績，日日由朝溫到晚，可以話係廢寢忘餐，但一上到大學後，係學業方面就真係hea 左同頹左好多，考試其間仲同d fds去打牌，唱k，同飲酒，由朝玩到晚，夜夜不回家，只係考試前一兩日求鬼其溫下就算。可能因為yr 1 d 野唔深，而且又無咩壓力，所以成績都可以接受la。
不過今個sem 就慘la，好多科都深左好多，特別係科Medicine 又深又多野記，而且我又差唔多走q曬d堂，所以咩都唔識，真係好惡頂。我諗哩個Study Week 都要蔽關修煉，認真讀書。.
如果我有A -level咁勤力，再加上大學輕鬆ge 心情去應付考試，我諗成績應該可以再好d。希望今個Sem d GPA 可以過3爆4 la，如果係就happy la
^.^ |
| 2008 年 4 月 21 日 星期一 |
| 死亡 week13 |
分類: 未分類 |
死亡 week13 終於黎la, 好多書都已經教曬,不過有好多report and project 要做, 加上之前因為莊務,而經常走堂,攪到咩都唔識,
真係唔知點算好,要做曬d 功課都唔易, 好在有班 fds 幫手, 功課就唔使愁. 再一次體會合作精神的重要. |
| 2008 年 4 月 20 日 星期日 |
| 緣份 |
分類: 未分類 |
有緣相遇 無份相識
有份相識 無緣相知
有緣相知 無份相愛
既然無緣 何必相識
既然無份 何必相親
昨事往事 似水無痕
明夕何夕 方覓知音
等等等 尋尋尋
聚與分 緣與份
豈能逆天而行
何人何地何時識
隨緣隨份隨天定
相親相愛相思念
一心一意一段情
|
| 2008 年 4 月 19 日 星期六 |
| 城大第四屆魔術學會就職典禮 |
分類: 未分類 |
各大專院校的代表，各屆幹事，各位來賓：
大家好！多謝各位抽空蒞臨城大第四屆魔術學會就職典禮，今日我感到非常榮
幸，可以在此向各位致辭。
一年前，魔術學會因第一屆財政問題而被凍，我們能否上莊仍是末知之數，直
到八月初，我們終於解決所有問題，可以正式上任。但上莊後，又因欠缺經驗，資
金不足和人事問題，而令活動質素有所影響。
雖然我們任途波折重重，但憑著各位幹事的努力，我們終於能夠將薪火傳給下
一屆幹事。在此，我想向曾付出過無數時間，無數精神和無數金錢的莊員致謝。
古語有云：「經一事，長一智」，在這半年，我們歷盡風雨，我和每位幹事都
得到許多寶貴經驗，可謂獲益良多。上莊是學習的好機會，我認為活動的好壞並不
重要，重要的是我們從中能領悟到什麼，要令學會運作順利不是一件易事，而要令
學會有聲有色就更難。學會不是屬於會長一人，而是屬於每一位幹事，每一位助手
和每一位會員，要令魔術學會邁向新的里程碑，就要靠各位的努力和合作。
最後，我希望新一屆幹事能將魔術學會發揚光大，成為屬會的大學會之一。我
亦希望你們在這一年任期有所裨益，能找到自己的理想和目標，令大學生活更加多
姿多彩。謝謝！
眾人齊心共上莊
任內風霜難以忘
就職交接傳薪火
期望新莊耀魔邦 |
|
