琴晚係facebook撞番李婷
同佢傾左好多野
原來個日我見到既野唔係認錯人
佢地兩個真係係埋一齊
飛天同佢一齊左十年
最終唔知因為咩問題而分開
開頭真係覺得有小小可惜
但到今日同飛天傾電話個陣
又唔係咁諗囉
佢地真係傷得佢好深
本身3個都好好朋友
因為呢件事變左陌路人
仲叫我得閒搵佢同鄧健新食飯
覺得如果出左去同佢食飯
呢餐飯一定食得好無奈
因為面對住佢地兩個都唔知講咩好
至從搬走左之後都冇再同佢地聯絡
係有時係街見到佢地咪打個招呼囉
其實我好佩服飛天咁快可以放得低
10年感情喎..唔短架
只係過左半年佢已經可以完完全全放低
比著我呀..我諗一早已經痴左線
同佢既對話中..又講起鄧先生
而家既佢仲係一事無成
香港煙貴..順住條水又撈番煙
仲要係飛天揼本比佢撈既
差唔多兩年啦..呢個人都仲係咁
7個字講哂..死性不改..無得救
都好既..有飛天睇住佢
等佢唔洗再撞板呀
諗諗下..佢仲衰過哥哥囉
呢排望落去好似睇幾好咁
有講有笑..唔知過一排會變成點呢