今日7點鐘思冰打俾我~嘈醒左我~本來我7點3先起身~攪到我都唔知訓唔訓好~不過結果我都訓左~之後就同Christine一齊返學~係TKL等埋思冰~搭校巴返去~

今日P.E.堂好好玩啊~教攀石~不過陳橙唔鍾意攀石~所以特登換校服~我都唔明點解唔鍾意攀石~好好玩嫁~試下喇~今日本來有得派科學卷~點知Miss好病唔病~今日先走黎病~真係激死我喇~

放左學~阿彤佢地話要開會~所以就去左開會~之後同左Ella、陳橙、阿晴走~本來應承左阿翠去佢屋企補習~不過今日二伯娘生日~所以我就出左去慶祝佢生日~之後九點半就仆返屋企睇<<Aways Ready>>~好彩趕到~

唉...我知今日係我唔岩~唔識分配好自己既時間~本來應承阿翠在先~但又甩低~我有不停問自己~出唔出去食飯好嫁~我問陳橙佢地意見~佢地又叫我出去食飯~但我又覺得自己好賤格~應承阿翠在先~又唔去~但二伯娘生日一年只得一次~做到乖乖女又做唔到乖細佬~唔知點咁啊~個心好似有d內疚咁~又唔知係咪~唉...左右做人難~但結果我都出左去同二伯娘慶祝生日~我唔係覺得應承左阿翠唔緊要啊~而係我覺得呢排好似小左陪屋企人~所以我先出去~至於阿翠~希望佢體諒喇~

阿翠：Sorry啊~今日唔係有心放你飛機~我知今次係我唔識分配時間~攪成咁~Sorry~保證唔會有下次~唔好嬲喇~我知你今日真係好火~好小見你咁興~聽你語氣知你好無奈~仲O哂嘴tim~星期日我應承同你去~就會事在必行~至於service我會想辦法嫁喇~今日既事~對唔住啊~