今日又係行路返學喇，返到學校又係拎書，跟住就排隊上課室喇！∼

上到課室第一，二堂就係上經濟喇，跟住就派返尋日既測驗喇，３０分滿分，我就拎到２１分喎！∼

跟住好似平時咁上堂喇，跟住就上我最撚唔鐘意上既堂，就係視覺藝術堂喇！∼

跟住無聊咁坐左係度三堂，真仆街，唉．．．．．．，明知我最撚憎上呢科，總要上三堂，正仆街！∼

上完三堂我最撚憎上既堂，就上地理堂喇，地理今日做工作紙唔洗上堂，都幾正！∼

上完地理就出去食飯喇，食完飯又去拎書，拎完書上返去課室坐下同傾下計喇！∼

跟住又要上英文堂喇，上完二堂英文又要上中文喇，上中文好多人係度訓覺！∼

我唔訓喇，廢事訓喇，不過我好眼訓，但係我唔訓，上完中文跟住就放學喇！∼

去放底ｄ書就上去象山搵阿玲，高妹同雞仔喇，跟住坐度差唔多５點，就行返黎梨木樹！∼

返到黎就打機喇，打魔戰三喇，我同我阿哥一齊打阿豪同阿展，我同我阿哥打到阿豪同阿展好慘！∼

哈哈哈哈，緊係唔夠我地２個打喇，打完之後，我地２個同雞仔一齊出左後樓梯喇！∼

雞仔話同我打返一舖，點知輸得總慘，我今日贏左２舖，哈哈哈哈，跟住雞仔又同我阿哥打！∼

不過佢地打其他地圖，打左差唔多成２粒鐘喎，跟住我地食飯喇，我地叫雞仔一齊佢又唔食！∼

跟住阿興打黎問我地今晚落唔落去打波，我問雞仔，雞仔話冇所謂，跟住我同阿興講，阿興話一陣食完打俾我！∼

雞仔就上返屋企食飯，佢話食完打俾我，佢食完之後打俾我叫左我地落五座打波！∼

打完波返黎，去沖涼，沖完涼就上左黎打日記，打到呢度先，聽日再打過！∼