今日又係咁喇，行路返去學校喇，返到學校又係去櫃果度拎書喇，拎完就上左課室喇！∼

因為今日落微雨，所以唔洗排隊就上左去課室喇，第一堂就係上地理喇，唉．．．．．

好慘，上第一堂就冇曬精神咁，真係慘，呢句好岩，日日返學等放學，放學等飲可樂！∼

跟住好似平時咁上堂喇，上完一堂喇，到左第二堂中果陣，ｍｉｓｓ就叫我地做書既練習喇！∼

跟住我舊書唔同新書，跟住我就唔做，阿興係度訓覺，我係度坐，跟住個ｍｉｓｓ走過黎拍我肩頭！∼

佢同我講話，你阿哥都讀到呢科，你上年ａ班果喎，你叻過你阿哥嫁喎，你阿哥都讀到呢科，你唔會讀唔到嫁！∼

俾ｄ心機去讀書喇，跟住我就對住佢笑囉，跟住就冇野，上體育堂囉，上完體育堂又唔係好支力！∼

跟住上多２堂經濟就食飯，第一堂同我地溫習，第二堂做測驗，上完２堂就放食飯喇！∼

我地又係平時咁喇，食完飯去坐下，跟住就返學校，我返學校做英文同數學喇！∼

上完數學堂同英文堂之後跟住就放學，放學又要讀果ｄ類似講座果ｄ野喇，聽到４點９！∼

聽完跟住就上象山搵阿玲同高妹果ｄ喇，搵到佢地跟住就一齊行返梨木樹喇！∼

返到屋企總要畫畫，因為聽日要交，我都唔想畫，唉．．．．．．

畫果幅畫，畫左差唔多２個鐘喎，跟住畫完就好支力就去左訓覺喇，一訓訓到食飯，都唔知醒！∼

屋企人差唔多食完，我先醒左去食飯，食完飯跟往又冇野做，係度坐，坐到９點幾去沖涼！∼

沖完涼見冇野做，咪去睇電視囉，睇完電視就上左黎打日記喇，今日真係悶到嘔呀，一日就咁過左去！∼

今日又係行路返學喇，返到學校又係第一時間去櫃度拎書喇，拎完書又要排隊，排隊果陣校長講曬野！∼

跟住阿興同我講話果邊有個名牌袋，佢話好滑同埋好軟，咁我咪去摸下囉，第一次摸就真係好滑好軟！∼

跟住第二次摸俾我班主任唔惡咁話我，叫我個名跟住問我做咩整人書包呀，跟住隔離班個個阿ｓｉｒ走埋黎！∼

話做咩，跟住我話冇野呀，跟住阿興就話佢帶個萬幾蚊個袋返學喎，跟住個個阿ｓｉｒ就話！∼

如果佢唔見左個袋就為你是問，講真果句點會偷佢個袋呀，ｏｎ撚尻，跟住上到課室上堂喇！∼

又係好似咁日咁好眼訓，唉．．．．．，冇精神讀書，跟住食完飯就返左學校，上英文堂喇又！∼

跟住上左一堂都冇野，我隔離個個人拎ｄ野出黎食喎，問我要唔要，我同阿興就一齊食喇！∼

阿興食又冇野，個ｍｉｓｓ轉左身寫野，我就食喇，我一放入口佢就叫我起身，阿興係咁係度笑＞＜

跟住企左幾個字又叫我坐底，跟住落堂佢叫我過去，佢問我係唔係有咩問題，我話冇，有咩問題！∼

跟住佢同我講你知唔知你衰咩呀，我跟住話衰食野呀嘛，跟位佢就話我見你ｄ書咁齊整，我知你有心機讀嫁！∼

俾心機喇，跟住我好無奈咁講左一句，哦，跟住就上中文堂，上完中文堂喇，就放學喇！∼

跟住上去象山果陣見到阿玲，高妹同佢個ｆｄ，跟住我地同阿興佢地一齊上象山！∼

上到去阿玲佢地又話要陪佢個ｆｄ去搵人，跟住我地就係度等囉，等左幾個字總未返！∼

阿興就打俾佢叫佢返黎，我地走嫁喇，跟住我阿哥，阿玲同阿興就落左去荃灣！∼

我同雞仔果ｄ就返梨木樹，跟住返到去，過左幾個字雞仔就叫我落去，我就話過多幾個字我落去搵你！∼

我落去打左個電話俾雞仔，佢話係樓下，我搵佢跟住就一齊上左去平台傾計，傾左成個鐘！∼

我同雞仔係度傾左好多野囉，可能傾左咁耐雞仔會有一個答案喇，傾咩計呢係得我同雞仔就知傾咩喇！∼

跟住阿輝就問我地係邊，佢黎搵我地，過左幾個字我地３個一齊返屋企食飯，食完飯之後我地就落去打波！∼

跟住打左一陣阿玲同ｂ仔就落左黎，到左１０點幾阿玲佢地落左去新球場，我地就１１點幾走喇！∼

我同阿展就一齊落去新球場搵佢地，坐左唔係好耐就返左屋企囉，咁又過一日喇，ｄ時間過得真係快！∼