| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
| 2005 年 12 月 24 日 星期六 |
 |
|
◇平安日@教會******  |
早上8點幾起左身,不停地狂包禮物,9點幾琬彤打黎啵,但係我仲係未包完囉,所以我10點半返唔到教會!!!
11點shirley黎左我屋企寫christmas card,我就係到執野整野化妝,11點半就出門口去沙咀道球場了~~
wing kin組都已經黎哂人啦,得我一個遲到,so sorry呀~~
之後係咁整攤位,整到1點先同yuki,琬彤,燕妮一齊去買lunch食,我同琬彤係到等米線外賣,
點知等左成20分鐘囉,真係等到我腳都瘸呀!!!!
1點8先返到去,拿拿臨食野,2點到就千人敬拜了~~實在太高興啦!!!
之後我就收到yuki,雅南的禮物,好開心呀,我好鐘意呀,thx你地~~~
我同波波&雅南去傳福音,傳左大約1粒鐘之後就負責做攤位禮物小姐了~~
係咁幫手比禮物囉,同埋整令令d禮物,嘩~~好開心呀,d禮物我都好想要啵......
期間同yuki去拎d令令禮物,5點幾就完結哂所有攤位了,我又係咁去拎d禮物過去自己ge攤位到,
結果比人搶購一空囉,太開心了!!完左就係到不停影相,好多人爭住同波波影相呀,
我係其中一個囉,波波真係好令仔呀,好正呀!!!之後又同安婷,晶藝,anna等等影相,
7點幾就返屋企了....諗住食飯,點知無飯食,咁比阿爸鬧左陣就返教會了,
同琬彤&嘉琪玩囉,係咁笑係咁玩係咁跑呀,,好難忘呀,同教會d人一齊係超開心架!!!
8點半開始傾報佳音d野,之後就出發去卓悅唱聖詩傳福音,then荃灣地鐵站報了,好多路人都回應我地呀,
之後出左去尖沙咀到報佳音,十分多人,我地沿路不停唱歌,大叫"聖誕快樂,耶穌愛你"等字句,
真係好多人影我地相同埋同我地一齊唱歌呀,我地成班人好似突然間成為全場人的焦點,
後尾仲有路人請我地成班人飲野,嘩~~個一刻真係好想大叫"感謝主呀!!!"",
我係到諗一定係上天的安排黎架,如果唔係邊到會有人咁大方架!!!!!!!!!!!!
接近12點,我地係地鐵站出面唱歌,跳舞,不停祝福路人,太感動了~~好正呀!!
12點個陣我地仲唱生日歌比耶穌聽,大叫"耶穌生日快樂!!!"
之後就離開TST了,返荃灣解散啊,係MTR到同SHIRLEY佢地傾得好開心~~
送SHIRLEY &朱皮去搭車呀,之後係條街到hea左陣,同阿欣傾電話,收左線就去搵cindy佢地,
cindy話去唱k &打機啵,我真係唔多想去囉,陪佢地行多左一陣,我就返屋企了!!
返到去阿柿就打黎啦,好彩我已經係屋企呢~~之後一路睇雜誌一路同shirley 傾電話,
3點幾我就訓著左了~我今日係由8點半到2點半不停地做野架........勁啊!!!
p.s:thx 波波陪我地去尖沙咀,辛苦哂你啦!!!
thx yuki &雅南的聖誕禮物!!!!
thx 肥波,老馮,阿欣,朱朱,阿巫,阿LAi,阿柿的MESSAGE,我都好想同你地講"聖誕快樂呀!!!""
THX今日同我講過聖誕快樂的每一個人~~~~我覺得自己好幸福!!!
|
 刊登時間︰2005-12-25 03:09 PM [ 訪客留言(1) ] [ 編輯日誌 ] [ 分享至FACEBOOK ] |
|
| 2005 年 12 月 22 日 星期四 |
 |
|
| ◇與KINKI在一起的一天!!! |
今日超凍呀~~我覺得我就快變成雪條了!!
早上我拎住2大袋野+個袋,重到我死死下,所以決定去搭車了!!!
返到學校送左禮物比阿lai了,佢話佢好鐘意,我都覺得好開心呀~~同埋我都鐘意阿lai送比我個份禮物!!
小息同kinki上左去搵阿巫,送左份生日連聖誕的禮物比佢啦,我仲驚阿巫會唔鐘意,
但係佢睇完之後好開心呀,我見到佢好鐘意的樣,我都覺得十分高興啊!~~
兩堂PE過得好正呀~~係咁玩game,之後仲同kinki,阿明等人玩數字球,
跑都跑到累死左,好難得我終於感受到咩叫熱了!!!!
lunch同shirley &阿欣食呀,但我唔開心,我都唔知你發生咩事,好似同你的關係又遠左咁!!
祈禱會得我同shirley,好無奈,aiki又無返學了,唉~~係第一次得兩個人囉~~
放學quiz完,同shirley,kinki走,上左kinki屋企放低d野,再周圍參觀她的家,實在有太多野看了!!!
嘩~~~真係有種5星級的家的feeling呀~~個魚池真係好令令呀!!!我都好鐘意呢~~
之後我地行落荃灣,先去3聯買野,之後去荃風睇扭旦,我真係搵唔到master鐘意的個隻cat,
唯有扭啦,但又扭唔中,唔高興呀!!then去千色店買禮物,我又買左比兩個人了!!好滿足........
同kinki去凍肉店買香腸,去埋welcome買波蘿,但係買哂囉,好唔開心同埋已經好累啦,
係ICAC等KINKI父親車我地返去,我上左KINKI屋企一陣再由她爸車我回家,實在太感動了!!!
返到屋企已經8點2到,成家人都未食飯呀,今日要做節啵~~
食完飯我又出過去啦,去左好多地方睇波蘿,點知都係無囉,唉.....撞到阿欣,但佢都點同我講野同埋理我,
我都唔知可以點了.我自己走左,又去左新之城扭旦,都係扭唔中隻貓,好唔開心呀,嗚嗚.......
扭左幾隻都唔中呀,WASTE MY MONEY 的.......10點幾就返屋企拿拿聲開電腦了!!
之後同vincent傾左陣,發現有d野囉,我唔識點面對啵,我可以點呀???
今晚要包哂所有禮物呀,又唔知幾點可以訓了!!!!!
THX 阿LAI的聖誕禮物,我好鐘意呀>3<"
|
| 刊登時間︰2005-12-22 11:01 PM [ 訪客留言(1) ] [ 編輯日誌 ] [ 分享至FACEBOOK ] |
|
| 2005 年 12 月 19 日 星期一 |
|
|
| ◇０５年１２月１９日””” |
我今日都唔知算唔算開心了．．．．．．．．．
早上頭兩堂，我同ｌａｉ＆ｋｉｎｋｉ傳紙仔，ｌａｉ同我講，我買左比ｋｉｎｋｉ個份禮物佢已經有，
仲要係佢無用過，因為佢唔鐘意．．．．．我聽完之後個心真係沉哂，都唔知可以點做啦，
我唔通再買過第二份咩，我已經無錢了！！
我係真的唔開心左成堂呀，好ｄｏｗｎ呀∼！跟住小息搞ｓｈｉｒｌｅｙ張生日卡仔，
點知搞搞下ｓｈｉｒｌｅｙ黎搵我啵，嘩∼∼即刻收埋呀，之後同ｓｈｉｒｌｅｙ出去行左陣，
就打鐘了∼到ｅｃｏｎ堂，我懷著興奮的心情將禮物送比ｓｈｉｒｌｅｙ，佢好似呆左咁，
但我好開心我終於送左份生日禮物比佢了．．．．．希望你會鐘意啦．．．
ｔｈｅｎ呢，我係ｅｃｏｎ堂喊呀，因為ｋｉｎｋｉ份禮物，早知係咁我就唔買啦．．．．．
ｇｅｏｇ堂＆ｍａｔｈｓ堂，我同ｌａｉ傳紙仔，我仲煩緊份禮物呀，點算呀，點算好呀，唉！！！
傳左２堂就ｌｕｎｃｈ了，我依然係唔開心架，同阿欣去粥鋪食，好ｗａｒｍ呀，之後去大生買野．．．．
連阿欣都比唔到ｉｄｅａｓ我了．．．
２堂文學笑死我，係到做話劇，秋月真係勁呀，話喊就喊架啦，佢真係好ｐｒｏｆｅｓｓｉｏｎａｌ呀！！
ｓｏ ｓｉｒ仲錄埋成個話劇添呀，真係逼真呀．．．．．．
放學ｍａｔｈｓ補課，５點鐘同阿ｌａｉ即走人，我記得好似係第一次同阿ｌａｉ一齊落荃灣的！！
去到綠揚搵埋阿欣，阿ｌａｉ就走了．．．．同阿欣去買野，我又要準備買禮物的生涯了∼∼∼
７點幾送阿欣去搭車，之後自已返屋企，同ｖｉｎｃｅｎｔ傾左陣電話，佢話已經買左我個份禮物，
死啦！！但我仲未買你個份呀！！！ｔｈｅｎ又同波波傾左陣，之後就睇電視了．．．．．
連追２套電視劇，睇完就入房做自己野．．．．
我聽日要”咩”第二個袋．．．．． |
| 刊登時間︰2005-12-19 11:01 PM [ 訪客留言(0) ] [ 編輯日誌 ] [ 分享至FACEBOOK ] |
|
| 2005 年 12 月 17 日 星期六 |
|
|
| ◇超唔開心的一日!! |
今朝返學校拎成績表,我無諗過個結果會係咁!!
所有的名次都差左好多,d成績又退步哂,我自己都好唔開心好傷心,
點知我爸仲要不停咁鬧我啵~哼!!!憎死你呀.......
我心情真係超低落呀,打左比shirley,lai.....
同佢分開行,係學校&條街到不停地喊,係地鐵站撞到master,我都唔知可以講d咩啦!!!
返到屋企同kinki sms,鎖自己入房,因為真係好驚佢會打我呀!!
sleep左陣.直至2點幾先衝左出門口,返教會,今日的主日3點10就完左,
有好多時間比我地整攤位d野,但我同波波都仲係整唔切,唉~~都唔知點算!!
波波同我係咁揀魚,之後佢又唔得閒了........他真忙.....
同琬彤慶祝生日,之後7點到先同shirley,琬彤等人離開教會了!!
之後wing kin打比我,因為我無等到wing kin就走了,傾左陣就收線啦....vincent就打黎啦......
shirley陪我去荃風買野......thx>3<
之後我就返屋企啦,一如所想般比人狂鬧囉,都唔想理佢地了,煩到死!!
開電腦同做功課.......之後sms with vincent.....好悶呀,唔開心!!!! |
| 刊登時間︰2005-12-17 10:44 PM [ 訪客留言(0) ] [ 編輯日誌 ] [ 分享至FACEBOOK ] |
| ◇我好想同我阿爸講的說話!!!!!!!!! |
拎完成績表,你不停咁鬧我,我憎死你所講的每一句說話!!!!!
你話我數學d平時分咁高係因為抄功課,又話我d成績退步哂係因為傾電話,
我真係好嬲呀!!!我自問數學功課係問人而唔係抄囉,唔通我唔識都唔可以問人咩??
我問心無愧呀,我對得住任何人呀!!!我點解要比你係咁鬧我呀?
你有咩資格鬧我呀?你有教過我每一科咩?你d數學又好好咩?
你有關心過我咩??你只係顧我d成績,擔心我讀唔到大學,你有無諗過我感受呀??!!
我病左你都要我返學呀,我為咩要返呀?我為咩要讀書呀!!!都係為左你地,都係為左父母,
唔係我自己想的,唔係我鐘意架,我係為你地對我的期望,我唔想你地失望先去盡力考好,
但到考唔到好的成績,你地就不停咁鬧,一d關心安慰的說話都無!!!
仲要當住miss yim,同學,當街當巷咁鬧我,我真係心淡啦!!!
我話比你知,我喊唔係因為我成績差,就算我差我都對得住天地良心,我對得住自己,
因為我真係有溫過書,唔係出貓;但我自問我無抄功課,我平時分高你都要屈我,唔相信我,
你係我親生爸爸,但你都唔相信我,我唔知仲可以講d咩.做d咩啦.
我喊係因為你唔信自己個女,你連一d面都唔比你自己個女,
我唔會忘記今日你同我講過的野,我地的關係變成咁,係你一手做成架!!!
我憎死你憎死你,唔會理你唔會采你唔會同你講野............ |
| 刊登時間︰2005-12-17 10:33 PM [ 訪客留言(0) ] [ 編輯日誌 ] [ 分享至FACEBOOK ] |
« | 28 | 29 | 30 | 31 | 32 | 33 | 34 | 35 | 36 | 37 | ... | 67 | »
|
