☆°羊∴°﹒+小Ｏ•°o．°嵐∴ ．之 ╯○。日o∴°記•★∴°
鵝滿是快烙的好耳洞，鵝悶天天一戲個窗！！
鵝們在殼雜，鵝悶載升漲，鵝悶是春天滴化．．．．！！
鵝滿是咪耐滴主印勇，鵝悶屎舍燴滴洞亮！！！
姣象你耗罵？路時您好馬？鵝悶田田問喉您．．．．．．！！！
laamlaam0934 : 個人主頁 - 相簿 - 訂閱  [ QOOZA - 論壇 - 登入 ]
laamlaam0934
暱稱： ╞╟╢╬嵐嵐○o∴°•▋▌▍▎
性別： 女
國家： 香港
«‹ July 2026 ›»
SMTWTFS
1234
567891011
12131415161718
19202122232425
262728293031
最新文章
•2007-05-30
•2007-04-06
•~SWEET WEDDING~~~
•打日記了
•聖誕節lu >w<
文章分類
•全部 (333)
訪客留言
最近三個月尚無任何留言
日誌訂閱
尚未訂閱任何日誌
好友名單
網站連結
•Ｓｈｉｒｌｅｙ日記*
•ｋｉｎｋｉ日記*
•佳佳日記*
•阿巫日記*
•阿欣日記*
•彭彭日記*
•晶藝日記*
最近訪客
最近沒有訪客
＊↗↗令令日曆∥∥＊
日誌統計
文章總數： 333
留言總數： 187
今日人氣： 12
累積人氣： 5287
站內搜尋
RSS 訂閱
RSS Feed

2005 年 9 月 15 日  星期四 晴天

 

 

◇０５年０９月１５日”””

都唔記得發生過d咩事啦~~

照常咁返學囉......上堂囉.....

lunch同阿欣一路行公園一路食面包,之後返團契!!!

我以為今日係睇聖經同埋祈禱添,點知大多數時間攞黎搞埋哂d私人恩怨啵,

唉~~!朱生囉,同阿柿講shirley & aiki唔理佢唔同佢打招呼啵,我真係覺得好無奈囉,

一黎件事唔關我事,二黎佢自己都咁對我啦,又有咩資格要求人地咁對佢呀,三黎浪費哂d睇聖經的時間!!!

唉~去到阿柿叫佢講事情始末,佢又唔爹唔吊咁,講d又唔講,都唔知佢想點,自己都咁對人啦,

你叫人地點明你感受呀,我見到shirley佢地呀,都直行直過,唔打招呼啦,真係麻煩呀!!!!

之後上堂啦又,放學要中文補課,之後geog quiz囉,整係知個幅圖係floodplain,其他的野完全唔識呀!!!

放學以極快的速度跑去搭小巴,等左好耐都唔開車,呢個時候pinky又上車啵,咁米一齊坐一齊傾計囉,

佢話比我知今晚要自己一個食飯呀,咁我又同佢講返如果爸媽已經去左電視城我都要自己一個,

於是佢就話如果我可以的話就一齊出黎食飯啵,結果我地就係咁約定左啦係米有少少無稽呢???

跑返屋企,結果爸媽真係已經走左啦!!佢地叫我唔駛去啵,話我實趕唔切,唉~好傷心囉!!早知係咁就唔趕返黎啦,

搞到我身水身汗呀......拿拿聲打比pinky同佢講返,我會先去running,之後先同佢去食飯......

自己一個行上石圍角囉,見到so sir,傾左幾句就上左城門谷了,係到練400同200呢,真係好鬼累呀,不過都係值得的!!!

8點鐘就離開了,同pinky去食米線,一路食一路傾計,這是第一次啊~~

從來都無諗過夜晚會同pinky一齊食米線囉,而家諗返都覺得好莫名其妙呀!!!

之後pinky上左黎我屋企,坐左陣,不過好快就走左lu,我送佢到佢樓下附近,之後就自己行左陣先返屋企,

返到屋企覺得好寂寞呀,好唔鐘意呢種感覺呀,係到做功課同埋整呢整路,爸媽12點到先返黎,

等死我了~~聽佢地講今日d野同埋睇d禮物,之後就訓教教了~~~

 

刊登時間︰2005-09-20 09:05 PM    [ 訪客留言(0) ] [ 編輯日誌 ] [ 分享至FACEBOOK ]

2005 年 9 月 14 日  星期三 晴天

 

 

◇０５年０９月１４日”””

今朝途組車站時，見到肥波係到等車，佢仲要係排到超後囉，咁我‘米叫佢陪我行路囉，

點鬼知佢又話想搭車，咁佢就話用包剪Ｘ黎決定啦，結果係我ＷＩＮ左囉，ＳＯ最後係決定行路架！！

由於佢出言侮辱我，所以我係入學校之前拎左佢本ＰＵＲＥ　ＭＡＴＨＳ，結果就緊係佢要ＤＵＭ返我啦．．．呵呵∼∼

鬼叫你得罪我，自己拎黎衰ＧＥ，一早就影響我Ｄ心情呀拿！！

ＬＵＮＣＨ同阿欣，阿敏，阿絲去左廣發到食飯，順便搞埋哂Ｄ貼紙相．．．．

ＧＥＯＧ堂ＭＳ　ＫＯ話聽日補完中文要留低ＱＵＩＺ　ＧＥＯＧ囉，咁我聽日６點半之後唔得閒啵，

米同佢講囉，佢叫我放學搵佢，咁我米搵佢囉，又搵唔到啵，我從６樓行落地下，再由地下行上６樓呀，

都唔知行左Ｎ幾多次啦，嘩∼熱到我呀，想死呀！仲要係個ＢＡＤ　ＲＥＳＵＬＴ　ＷＯ

就係佢死都要我ＱＵＩＺ埋先走啦，ＱＵＩＺ到６點，邊趕得切呀，超人咩，我無咁叻囉！！

好炆呀，去左ＡＲＴ　ＲＯＯＭ同Ｊ　ＮＧ”神”呀，順便等埋阿欣，等左１粒鐘到，阿欣又話唔陪我落荃灣，

咁我米同佢留係ＡＲＴ　ＲＯＯＭ傾計囉，傾到６點幾就各自回家了．．自己一個人呀．．．．慘！

返到去我就同屋企人講聽日唔去得,結果就係比佢地罵囉,唉~~我都唔想架,又唔關我事,要罵就罵學校啦,做咩罵我啵,我都好想去呀!!

之後就溫GEOG啦,溫黎溫去都入唔到腦呀,GEOG真係難呀!!!

 

刊登時間︰2005-09-16 12:37 AM    [ 訪客留言(1) ] [ 編輯日誌 ] [ 分享至FACEBOOK ]

2005 年 9 月 13 日  星期二 晴天

 

 

◇０５年０９月１３日”””

今日又係行路返學，點解搭車個到都有咁多人架？？ 

小息個陣係班房訓教，我已經係訓著左架啦，點知係小息過左一半之後呢，部電話無啦啦震啵， 

原來係阿柿約我今日食ｌｕｎｃｈ，有重要事情要傾，仲要唔可以同ｄ　ｆｄ去，咁我就拿拿聲上４樓搵阿欣啦， 

個陣真係超眼訓架，我都肯去搵阿欣呀，突然之間覺得自己好有責任感添！！ 

ｌｕｎｃｈ去左ｍ記搵柿柿，同朱仔，ａｉｋｉ，ｓｈｉｒｌｅｙ佢地一齊食．有ｄ唔自然囉．．．． 

之後去左籃球場祈禱，分享，個氣氛都ｏｋ啦，我覺得學校ｄ高層真係麻煩呀，妖∼∼ 

成日針對‘吳ｓｉｒ，好心ｄ大人唔好咁幼稚啦，仲要為人師表添啵，麻煩！！ 

返學又係好準時囉，已經係第２日咁準時啦，好開心呢∼∼ 

同老施去左行街街,今日係佢爸爸生日啵,Happy Birthday to 世伯!!!!!

咁我地係SWK買完野飲之後就去左行trendy land+sanrio & 千色店呀,我發現原來自己想要的野都真係好貴架,

麥兜的野又多的是,winnie the pooh又無野想要,最想要的都係數碼相機同mp3呢~~

去左city行,撞到阿明,then呢~傾左幾句就走人lu,送老施去搭車,咁岩撞到master同阿毛....

master送我去到地鐵站咁我地就各自返屋企啦~~

夜晚係到做功課+studying........

刊登時間︰2005-09-15 11:56 PM    [ 訪客留言(3) ] [ 編輯日誌 ] [ 分享至FACEBOOK ]

2005 年 9 月 12 日  星期一 晴天

 

 

◇０５年０９月１２日”””

今日又係正常返學，我的心情仲係等留係９月１０號囉，好開心呀，２堂ｅｃｏｎ同ｋｉｎｋｉ係咁傾囉．．．

２堂ｇｅｏｇ好辛苦呀，佢連一個ｂｒｅａｋ都無比我地呀，成個半鐘不停地講，真係勁呀，好佩服囉！！

ｌｕｎｃｈ係ｈａｌｌ出面等阿欣，等到我變化石啦，之後決定去廣發食，點知超多人啵，

於是去百晉啦，見到阿ｙａｎ，ｃａ，ｋａｉｋａｉ佢地，就同佢地一齊食啦，

３個係咁講ｄ老師同埋ｄ科目的野，我同阿欣都好無奈囉，唉∼∼之後係比錢的時候嘈左一輪就各自走了∼∼

去左暢懷軒搵梁姑，入面真係超多人呀，好想佢快ｄ擴建囉，同master，阿敏，阿欣玩十五二十，之後就上班房啦，

今日ｍｉｓｓ　ｙｉｍ無返，實在太好了，但係要作文囉，與此同時，ｍｓ ｈｏ都無返呀,又多一堂空堂了∼

３點半去左搵梁姑，傾左成堂，心情好返ｄ啦，我地多數講家庭同生日囉，其他野我暫時都唔想講住囉，

我始終都唔知點開口同梁姑講，唉∼∼放係心裏係最好的，唔會比自己出賣！！

今日係好難得的４點３放學，我同ｍａｓｔｅｒ，ｃａ，阿絲一齊落荃灣，之後自己行左陣街就返屋企啦

食飯前＆食飯後都去左訓教，超累囉真係，夜晚就好ｈａｒｄ－ｗｏｒｋｉｎｇ咁打日記囉，

點知我打左２粒幾鐘都係同一篇日記呀，我打左３次，部機ｈａｎｄ左２次呀ｘｙｚ呀，打到我想喊呀，

仲要係打得超多啵，無啦啦就無鬼左，真係想打爛部電腦呀，豈有此理！！！

夜晚都係３點幾先訓（因為作文），我真係覺得自己好勁呀，晚晚咁夜訓但第二朝又唔會遲到啵，感謝主呢∼∼∼

 

刊登時間︰2005-09-13 11:20 PM    [ 訪客留言(0) ] [ 編輯日誌 ] [ 分享至FACEBOOK ]

2005 年 9 月 11 日  星期日 晴天

 

 

◇生日後的翌日

成個下晏留左係屋企，因為哥哥話３點鐘黎同我慶祝生日，點知我一路等佢，佢就６點先黎，激死我，成日都係咁

自己阿妹生日你都咁樣，你下次生日我咩都唔理呀，連禮物都唔送比你，哼！！！

６點幾我地就開ｐａｒｔｙ啦，其實都係得４個人囉，唱生日歌，許願（我希望會願望成真啦＞３＜），

吹蠟燭，影相，切旦糕．．．食左件好大的旦糕，好飽飽呀，唔駛食飯ｌｕ．．．

打比小貞貞，佢話今日夜晚同我慶祝架，點知，佢又話唔得閒啵，要下次先得∼∼

唉，無奈囉，我無節目啦．．．仲諗住同你去打機，影相，行街架嘛！！！

咁我原來都諗住留係屋企架，但ｖｉｎｃｅｎｔ打比我囉係呢個時候，佢話ｃｙ佢地黎左佢屋企啵，

問我黎唔黎，黎的話同我補祝，咁我又無節目米答應囉，去到呢，成班人唔知發生咩事囉，

係咁玩水啵，好彩我唔係好溼姐．．．．之後玩ｔｒｕｅ　ｏｒ　ｄａｒｅ啦，都唔知係米玩野架，

次次都係轉到我囉，人地簡ｔｒｕｅ就問埋哂ｄ變態＋私人的問題，人地簡ｄａｒｅ就叫人地做埋哂ｄ噁心動作，

其他人又唔見你地係咁玩囉，我無野好講，我今日唔係壽星女啦各位先生女士．．．

佢地太好人了，係咁叫ｄ男仔ｋｉｓｓ我囉，又要我同佢ｄ　ｆｄ擁抱＋做ｄ　ugly things啵，

不過呢，ｖｉｎｃｅｎｔ先生呀，你難唔到我囉，我心情實在太好了，我玩得起呀，

我仲要多謝你比咁多機會我添呀，ｗａｋａｋａｋａｋ！！

11點到就返屋企啦,因為聽日要返學呢,我唔想咁遲先走呢,vincent個fd送我返屋企,沿途有講有笑呀,

佢幾nice架，又講得笑啵,你學下人啦ｖｉｎ哥，人地幾有紳士風度呀，你呢？？

要我一個女仔自己返屋企，唉∼∼呢ｄ米就係ｆｄ囉！！

返到屋企就同佢個ｆｄ傾電話傾到佢返到屋企為止啦，好搞笑囉真係，之後３點訓教ｌｕ＊＊＊

刊登時間︰2005-09-13 10:40 PM    [ 訪客留言(1) ] [ 編輯日誌 ] [ 分享至FACEBOOK ]


« | 38 | 39 | 40 | 41 | 42 | 43 | 44 | 45 | 46 | 47 | ... | 67 | »