今日終於跳左八德舞啦...唔知點解覺得都幾開心~
咁我而家就講下我今日係點過架啦...
首先我同pizza就係m記一齊返學啦，之後我未食早餐，所以就去左食腸粉，
無奈既曾美珍就係我隔離陪我...食完之後就返學，返到學校，等左冇耐就上車，
點知出發果陣d男仔快過我地喎...勁衰...咁我就同曾美珍講我地一定會詔佢地頭啦，
點知真係講中左，由某段路開始帶頭，一直帶到尾喎...超勁......
之後去到個場地果到，綵排左三次...係唔係三次呢，又好似係二次喎...
唉...算啦，當佢三次啦...之後就上返去看台果到坐啦...之後有(褲)棋，
果(褲)棋勁好笑，果個小夫個嘴勁好笑，笑死我同pizza啦...
咁之後我，pizza，Ting同Janet正想玩果(褲)棋果陣，老師先講要換衫喎，
好可惜，冇得玩.......之後上去某間room到換衫，換完之後就化妝，唉...勁樣衰...
不過算啦，我好快就接受左我個衰樣喇...化完妝就到d男仔化喇，
我地就落左去一間room，過左冇耐，d男仔落埋黎，之後見到占占，佢勁似個人妖呀
 ，
跟住跳左一次又上返去化妝果個room到喇...過左我諗一個鐘左右，我地就要跳啦，
出場前一刻重係好驚，但係一出到去就冇咩感覺喇...跳完之後，我同pizza都話好想跳多幾次添...
之後上車走人，係架車到除晒d頭髮，因為個頭勁痛呀，個頭d頭髮飛起晒，勁慘......
返到學校一陣就放喇，之後同pizza，呀嫻，呀lok搭k17返屋企...... |
