今日要返八德舞呀，本來都幾開心既，

但係之後知道12號就要同d男仔一齊跳(因為本來係14號先一齊跳嫁)，

就有d咩囉，我都唔知點形容喇......

不過好快我就諗通左喇，橫點遲早都要同d男仔一齊跳嫁啦，

早d一齊都冇壞既......

另外...今日陪曾美珍睇埋d男仔跳先走，

真係勁好笑呀，d男仔跳到好似送(笨)咁......

但係有樣野就好奇怪，呢樣野就係我地睇左d男仔跳咁耐，

都冇一個人笑既(真無奈 ......)

今日好好笑呀，

呢件事係關於我d好朋友既花名既~

曾美珍就叫做(假醜假)，

呀嫻就叫呀煩，

呀lok就叫呀悲...

而我呢，可算係最好彩既一個啦，

因為我個名冇得改呀ma...

今日發生左一件事令曾美珍勁羨慕我呀，

呢件事就係我音樂堂既ｍｉｓｓ喇~

佢就係miss馮啦!!!

講到呢個老師，

都唔知叫唔叫佢做miss好喇...

因為我聽到好多人都叫佢做馮sir既...

另外有樣野都好值得開心，

呢樣野都關一個老師事嫁，

佢就係我既英文老師喇，

我覺得佢真係好似第二個miss馮呀...

係喎...有樣開心既野差d唔記得講添，

呢件事係發生係中文堂既，

本身個老師講緊一d野(關於最近既新聞)，

之後冇啦啦有個人大聲講:呢排新聞係肥姐走光喎...

果個人講完之後，

我地成班都爆笑啦，

咁笑完之後老師就繼續講佢要講既野啦...

咁個老師之後就講之前斬賢仔果4個人要提堂啦，

講講下，果個人又大聲咁講:

果4個人覺得個法官唔公平，

除左自己隻鞋怒(訂)個法官...

之後我地班又爆笑過啦~

唔知點解，之前勁唔鐘意2B班，

但係而家就超鐘意2B呀...