同左佢去睇Harry Potter，佢話好睇，但唔連戲。我就覺得一般啦，可能我抱住一定好睇的心情去睇，希望愈大失望愈大掛！

由於昨夜做到5點，今朝起唔到身，無上堂，但我大概3點左右返學交功課。一場返到去，當然去埋CILL做ILLP啦！我終於在CILL收工前完成15個week的ILLP，現只剩下comment未寫，唔緊要啦，呢個假慢慢寫囉！

聽日要交IBE啦！但我寫完又改，改完又寫，做到5點先瞓……

在黎緊的個多星期，有好多野要交，我仲未寫星期一 CI present 的講稿， IBE 份 assignment 又只係寫好個 intro…… 而個 final year project 就連分邊個 present 邊 part 都未分，另外，我仲有份英文---ILLP，15個 week 的野，只做左5個 week， 好快就要交……真係好辛苦！

今日係我同佢拍拖三週年！

本身我地諗住一日中做晒行街、睇戲+食飯，因我倆好耐都無睇戲啦，真係好想睇。我用得"本身"呢個字眼，就當然有事唔同啦。我地去到戲院門口，見無咩想睇，想睇的戲通通都未上映……最終，我地"食"住咁過我地的三週年。

又去元氣食壽司，又去麗都打邊邊……總之係以食為主。

問我開唔開心？當然開心啦 ，不過……當我地想影下商場中央的擺設時，我唔小心趺倒 ，好痛！