六點就起身，預備好d野就出門口。差唔多搭左個半鐘車先去到優之良品中心，去到填完form，等左無耐就in。佢問左好多問題……佢好強調要良好的中英文，打字速度要快而準，攪到我無咩信心。但係唔知點解下午佢又打電話比我叫我mon去sec in，唔知係唔係個個人都可以sec in呢?

in完優之良品就去左鰂魚涌(太古)等carrie in完一齊去食lunch，食完搵埋呀may一齊去in mcdonalds。估唔到mcdonalds都問埋d咁雕鑽的問題，攪到我一時間都唔知點答。

之後我地行左陣才回家。

今朝比個電話嘈醒，原來係我次次都聽唔到佢電話的優之良品，佢叫我聽日去in，希望有著落啦^^

返到屋企又send letter，send完一輪又睇電視。

咁又一日

起身，咩都未食就出門口，去會合may，then去銅鑼灣。去到銅鑼灣等左呀嫻個幾鐘先去食lunch，lunch前，同may兩個食左小小野，點知食食下見到隻小蜘蛛係度行下行下咁……

食完之後行左陣，會合呀嫻食lunch。又去招聘會，到左柴灣先join carrie。愈行愈大雨，到ive時已濕透了……招聘會中，我地差不多係工都填form，但唔知會唔會有回音，填完，交完form都已經5點啦！

去kfc食野，食完就走，去上英文。我group win左個game，有禮物收。

一起身就攪招聘會d野，好早就出門口。約左呀may在mos等，一起去招聘會。

去到唔知點解可以咁多人，打晒蛇餅，好耐先入到去。入到去之後，先發覺無咩工suit，我最終填左幾份唔係咁想做既工……

去運輸署in，機會就一半半啦，如果得就有野做下啦！

行左陣time square，then又返學lu！

黃雨                                                                 

起身又係去飲茶，今日有呀媽車。出到去新港城預備入停車場的時後，架車跪低左。呢個停車場係要上斜的，而且溜後，那就更危險了！大家都驚惶失措！

好快就叫左停車場的保安員幫手，保安員疏導左後面的車，呀媽駛返出去，但架車行唔到前，保安員幫手推車，推到一個唔阻人的位置等待。then我陪婆婆同個妹上茶樓，我又落返去搵呀媽陪佢，我知佢一定未驚完，so我知我首要冷靜下來，如果唔係就咩都做唔到。保安員call拖車，我地只好等拖車黎，等左大半個鐘都未到，我叫媽咪上去食野先，因為佢今日去旅行，唔可以miss左班車(一個鐘先有一班的BUS去機場)。媽咪走左唔係好耐架拖車就終於黎到，我交低車key & $$$ 就都上去食野。

食完野送媽咪上車，等婆婆買完餸就歸家。

sorry呀，孖婷！應承左陪你去見工，最後又陪唔到……

希望呀媽離開香港忘記香港事，玩得開心d啦！