今日當然晨早起身啦！第一日返工，唔可以遲到！

我今朝7:20就出到去mos搭車，今日搭680P，可能太早，無堵車，一個鐘都唔使about 8:15去到銅鑼灣，我無奈咁去公司樓下間餐廳食早餐，好飽呀！

差唔多時候先上公司，一去到又被安排入房坐& wait！！！哈哈！原來今日共有4個new!!!好在話咁快就識到人 另外，見到枱上有好豐滿的notes，total有32頁，鬼佬話可能聽日都要講，心諗:死！悶死！好在時間過得好快，而佢大約每1hr就比break 我地，但進度極慢，用左whole morning只講左11頁，而下午因佢有客見，so我地就學d野實質點做，不停check野、filing、send letter(hard copy)……第一日就ot左30mins啦！我相信遲d唔會，因今日咩都唔識，每事問，先會咁慢！！

幸好今日唔洗上英文，如果唔係就會遲到啦！

返到mos仲同佢行左陣街先返

一起身就出去mos搵埋呀wing一齊去行街，在mos行左個圈都選唔到食咩，就決定出mk先食。

第一站聯合，去到時已是1pm但仍有好多鋪未開，so we go for lunch first！去左和民食野，在和民來說，每人大約$50算唔貴，d野都幾正。之後我地返回聯合shopping，我買左件衫for mon的。第二站旺中，行左好耐，唔知點解可以咁多人，我仲撞到我個表妹，不過眨下眼就唔見左，想叫佢都叫唔到lu。我又買左小小野，又離開。第三站sasa，wing買左支香水(Paris Hillton)好香架，又持久。大家都可以try try呢支Paris Hillton！第四站fancal house，個sales幫我地做左個臉部水份test，個result……最後我地都buy左支卸妝油，咁就走lu！

比呀媽吹，big住要走……返到st同媽咪食dinner。then 帶呀媽去new mcdonalds睇睇，點知比以前個公關呀head見到，咁咪吹兩嘴lor！finally，返屋企。

今日起身之後就陪堂細佬搵工啦，搵完一大輪之後盲同佢食lunch，then出mk。

出到mk就收到鬼佬間野打黎話請，勁開心，不過比優之良品小$500。以我去見工時的感覺，鬼佬間野好feel d，又唔使買過d衫，又近星期一、四返學，又無咁多OT。而優之良品就較高人工，車$就小d，開OT機會大d，唔知點選好……大家都知啦，我mon、wed & thur都要返學(at night)大家幫我諗諗啦，thx！

去到mk，我照舊去in啦，去到先知係盈科保險，一見到立即想走……呢份係見clerk。去到見到呀may的同學仔，佢係女仔，姓wong，細細粒，有眼鏡的，佢都係見呢個post……我入到去見的是個女人，佢話我無經驗，要求呢個salary好難比，又話出面(市價)只係$4000-5000，呢刻我勁想X佢，仲話要考認可試(remember 只係文員) 又叫我轉apply其他posts，我今次好快就走。

之後又dinner，then sch again。

今日又去見工(銅鑼灣)啦，in到有d悶……

去銅鑼灣的途中，優之良品又打黎啦，佢話請我，叫我mon返工，仲會比我的expected salary我，當時我當然咩都話好啦，right?!雖然佢話請我，但我都出左門口去梗銅鑼灣啦，咁當然我去見埋佢啦！

去到的時候，佢叫左我入一間房度等，我係背住門口坐的。坐左陣，有人拷門入黎，竟然係鬼佬，我當時勁驚，佢一開波就問我英文水平去到邊，當時太驚啦，唔記得"fair"，而講左average，佢問我野的時候都慢d問又見我緊張呢，見完佢，又見一個叫cherry的女仔，then又要見mr. wo，有d過三關的feel。finally，鬼佬(老細)又入黎搵我，佢話"cherry like you, Mr. Wo like you, and i like you, we are interseted with you"不過要睇埋其他人先可做決定，當時我當然開心啦。不過而家諗諗下都未必，大家都知啦，鬼佬既野……咩都話你好架啦……

之後我又去飲茶with mum，之後返屋企。

起身就預備sec in既野(優之良品)

in完之後我一d信心都無，個admin head好似好mind我無文職經驗咁，又話我英文唔夠，又話我未讀U，好似對我好不滿咁……

我對呢份工打定輸數，不過唔緊要啦，果個admin head既樣好惡婆feel囉，搭車去又要轉幾次車，對呢份工，都係算吧！

in完去左times同佢行街街，不久，我又返學lu！

呢兩堂個鬼婆返唔到黎教我地，就搵左個鬼佬黎代課。個鬼佬都幾靚又型仔，不過，佢竟然怕羞……而且唔夠個鬼婆教得好。

上完堂，去左呀wing度食野兼傾計，之後一齊搭車返屋企。