雖然琴日係有d失落同唔開心，但都無損我今日既靚靚心情。
今日，我又係7:00起身，8:30去屯門大會堂對出空地集合。 ( 唉 ~ 連續星期六、日都係咁早起身，陰公~ )
咁起身要著女童軍條dress，但因為好耐無著，所以條dress就好似梅菜咁，但都無計。 ( 有d悲哀... )
之後又要整好女童軍條巾，d章又超難扣，浪費灑d時間。
but not mind ，我最後都係準時8:30去到屯門大會堂對出空地。
但之後有個負責既伯伯同我地講其實9:00先正式開始。 ( 咁老葉就唔好出通告話8:30要去到啦 !! 無靖端要我晨咁早起身... )
之後我就同華華，仲有佢既兩個friends一齊去柏麗到行到9:00。
跟住就去集合。
然後我就同華華個friend一齊企係嘉賓茶水區到企左1個鐘。 ( 寒風吹呀吹呀...企到腳仔都軟埋~ )
望住d嘉賓有茶水食，我無得食，我終於明白貧苦既分別。嗚嗚...
企完之後，我地就去做人牆，保護嘉賓。
-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
登 登 登 登 ! ! !
跟住落來就係我大豐收既開始啦 !
之後lunch time ，大會就每人送一個M記飽同一個蘋果pie或者兩隻chicken wings。呾我就食左一個豬柳egg飽同一個蘋果pie。
另外，我仲買左兩隻 M記既 bear bear (係紅色同紫色T-shirt個兩隻，我屋企本身都有隻綠色既)，雖然$20一隻係有d貴，但真係好可愛呀!!!
之後過左一陣我要番去當值要離開M記既時候，個個買bear bear 比我既M記姐姐同我講:
「岩岩買曬個兩隻色既bear bear啦 ! 好在你岩先買左，而家買曬都唔知遲d番唔番貨。」
聽到佢咁講我好開心，但係當值攞住兩件咁大既野 ( 因為d bear bear有個ok 大既盒裝住)，有d阻then，不過算啦，好輕之麻...呵呵...
and then ，我地就當值，原來我地女童軍守吹氣，真係好正呀!!!
呢個簡直就一圓我多年既夢想，可以唔駛錢狂玩彈床 (個外形係一隻章魚，超級可
愛!!! )，仲有外表天真無邪既純真小朋友同我玩彈彈床，我真係好好好開心呀!!!  
 
雖然我咁大個同一d唔過140cm既小朋友一齊跳，係有 d為之側目，惹來世俗奇異既目光，不過算啦，有華華同我一齊跳a嗎 ( 雖然好明顯我係跳得引人注目個佢 )，駛嘜驚!!!
之後，1:00我地當值完，之後就行街街。
呾我地行番去M記到歇一歇，然後就展開我既採購之旅。la la la ~~
我地首先行左去木模型店到see see，d 模型真係非常有趣 (可惜我一直都對砌呢d野無咩興趣同時間，所以唔列入採購目標 ! 不過有人砌好再送比我就唔同講法 )，周xx同周xx (都係2a既 )好似一人買左一個模型板 ( 價值$30一個 )番屋企砌，值唔值同好唔好玩我就不予置評啦!
and then ，我地就去左吉之島 ( 去呢到係我提意既，因為我想買d野 ) 呵呵....呵呵..
其實我想去年$10區到買d護膚品，來保養一下我先天不足既皮膚。 
但我上網睇到個d又無得買，個到d防曬又買曬，真係有d唔gur!!!
於是我就買左支 aoel skin cream 同一支美白乳液。
下圖示:
 呢d無曬貨，激氣!!!
 我買左白色樽個一支。
仲有個支aeol skin cream ，個支野係綠色既，但我搵唔到幅圖，so post 唔到比大家睇。
效果係點我唔知呀，不過試一試都好，當係攞錢安慰自己其實查完呢d野之後我會好睇d ...
之後，我就好開心咁攞住呢d野行來行去。 
呵呵..... ( 笑 )
3:00，我地又番去當值。( 因為我地係輪班際 )
雖然有得跳係好開心，但跳得耐係會腳軟ga ... 哎呀，抽筋tim.... 
華華同我講佢用腳趾公發力，所以腳趾公痛。聽完當場o咀... 我就真係無佢咁勁啦 !
終於，4:00既時候，我地當值完啦 ( 陰公，跳到「物」都穿埋 ! 嗚嗚... )
之後，就make sure 去攞我應得既車馬費 ( 有$25 )，真係開心，睇來呢d咁有益身心、服務社稷既活動我都要參加多d先... ke ke ( 奸笑 )
雖然可以走ga 啦，不過我就一定會臨走前撿番d平野，於是我就同華華同埋佢個friend方x文一齊行下個賣物會，睇下有d嘜野賣。
咁因為我地行既時候就其實個賣物會係差唔多完ga啦，所以全部野都清貨大平買，不過就真係勁多人同埋好熱，我地又累wo，ok辛苦ga !
 -----> 呢個公仔無咩特別意思，純粹得意就post出來。
咁之後方x文話想要個類似玩具既小型蒸餾水機 ( 其實係真係可以出水既 )，但要玩攤位先有，but好多人排隊玩，咁又費是啦，於是就話唔去排啦。
但見到個d人個個都有幾個小型蒸餾水機，咁我又唔甘心，於是我就問d人買唔買比我啦。
結果就係我樣衰左。
之後我就諗住實無啦，點知又有人大叫話買$10一個。
咁我就make sure 即刻大叫: 「 我買! 」
但有個阿婆就好似聽唔到咁，照伸手去攞，好在我醒目，係佢仲未dim到之前即刻攞實，之後先比錢，如果唔係，就渣都無得剩。
算吧啦，阿婆，你七老八十唔夠我呢d後生搶ga啦 ! 呵呵...
但後來又有人話賣，仲要賣$5一個，激死我啦 !!!!
不過算啦，幾蚊我豪得起。
我仲買左隻細細隻既bear bear，$10三隻，咁我地三個就一人一隻，
then，我就好開心咁坐505番屋企。 哈哈 .... 呵呵....
 
-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
因為我打字好慢，所以呢篇野我用左幾晚時間來打。
咁其實正確既完成時間係6-11-2008既。
死啦，我呢排又聽到我部電腦ae ae聲，呢種聲係佢臨入深切治療部( 即係要比錢比人整 )既徵兆。
媽咪呀!! 嗚嗚...  唉~
|
