年28...應該係屋企洗白白...不過我咁既性格就硬係...懶街啦~~哈哈...晨早就親輝輝未起身就...走左出街啦...費事比人足住汁屋啦....其實我今日要出金鐘幫媽咪羅死亡證呀...比人呃左$140蚊...算啦...鬼叫佢係我媽咪咩...係咪...跟住就硬係搵人陪我懶街啦...死都唔返屋企...BIG左亞君請假唔返工陪我...真係唔好意思啦....係金鐘行完落左灣仔!!去左PIZZA BAR...食野...飲酒...跟住去去去....維園行我既桃花運...死人頭話我肉酸...唔比我行入去...CHEAPER精.....今年冇人要我你就死~~~行到成3點幾先返屋企呀...超累....上車前買MM比輝輝吃...一返到屋企MM都冇食...就訓左啦...肥仔...我都話你肥嫁啦....食埋我果份~

今日終於守完啦...我可以出去完啦...雖然好窮...不過我已經成個月冇出去玩啦~~嘩...爽呀~~出旺角...再去睇長江7號...佢好可愛呀...我好愛佢呀...唔知邊度有佢隻公仔賣呢?真係超可愛...愛死佢愛死佢...正...套戲有好多笑位...真係值得一睇~~可係好耐冇出街掛...我都成個月冇上到輝輝家食飯啦...初初諗住輝輝daddy唔知點諗...不過原來輝輝媽咪成日問我d野嫁...thx~~你地關心我呀!!年30晚啦..我會上黎食飯嫁....等我啦...哈哈~~長江7號~~你要等我呀!!我會買哂你d野返屋企嫁....

好凍呀今日...又落雨...今日媽咪出殯啦~~真係好唔捨得佢呀...媽媽你個樣老左好多...你知道嗎?個樣好似婆婆呀...真係唔知點解~~夜晚的親戚朋友都黎哂.....真係得意...都唔明白...我都冇見咁多位啦...亦都好小聯絡...點解一有事既時候d親戚都會走哂出黎呢?大家好耐冇見啦!!由我應該係9歲佢地同媽媽嗌左交之後...我都好耐未見過d親戚咁齊係哂度...雖然佢地都好耐冇見媽媽...不過見到佢地咁傷受既表情..我都感受到你地愛媽媽....以前既恩恩怨怨媽媽都放下啦...佢係天堂會愛錫你地嫁...放心啦...直至10點要鎖大門...媽媽我地走啦...天日就要送你最後一程啦~~雖然只不過係靈堂4個中...不過d親戚不斷黎...我地就不斷招呼佢地...真係名副其實既雞x唔斷...話提總事講不完......

今日係26號啦...媽媽你今天要火化啦...我以後再見唔到你既樣啦....我望住媽媽一分一秒...希望自己唔好忘記媽媽既樣子...害怕有一天我會唔記得媽媽...媽媽我真既好想同你講一句...你可唔可以唔好走呀...永遠都留係我身邊呀~~霖霖仲未學識做人署事...我仲未學識照顧別人照顧自己...點解你咁恨心一句野都唔同我講...就咁走左去...你知我有幾旁皇冇助嗎?

媽媽--你知道嗎....大家都再讚我呀...你能聽到嗎?個個讚我叻呀...個個都話我似你一樣咁堅強...有事都係自己一個解決...冇錯...我個樣就係似媽媽...冇論性格...樣貌...手...腳...好多好多...我都似你~~因為...我係你個乖乖女~~