考試期間冇打blog喔..好正常啫^^

考完試lu,,成個人鬆哂~~今日打番篇長d既blog啦,,,n年冇打過長blog~

考完英文之後個星期六日都係係咁背中史啦..

跟住星期一考中史...個日朝早3點起左身溫中史~攰死我啦...

番到學校係咁背..唔知點解五代d野好似記極都記唔到入腦咁嫁...

份卷都唔算好難啫...地圖有一題唔係好肯定囉~唔知係咪錯左呢..

份卷做完得番兩分鐘....冇時間check卷了...希望冇寫錯字啦..

考完中史有個break的..去左搵黃sir~

問佢可唔可以俾identites ws份答案我影印~

佢話佢e哂俾全班..以示公平,咁我咪問佢幾時會e囉~

點知竟然俾人鬧=.=

"你依家管住我做野牙,下!你又唔係聽日考!"

"咁我數學差,諗住今日溫d聽日溫d咁囉.."

"我就唔信你真係今日會溫數學囉.."

超級無奈的我..lemon tea係訪旁邊o哂咀..

抖左陣就考中文list.&writing~

個日寫字真係寫到手都斷喇..

做哂成份卷,check埋數埋字都仲有半個鐘..訓覺~~

番到屋企..訓陣先...極度唔夠訓><"

跟住溫中文溫maths..

新的一天..3點起身溫書!!攰死我..

中文份卷好難哇><"仲要70分閱讀理解...

真係大獲喇...依科係必炒科..點算!?

依科唔炒就真係好彩喇..

放學lemon tea同我係粉嶺火車站食lunch..

番到屋企..唔訓覺喇!!因為第2日考數ma..

狂做數做數做數...做到我人都癲~

真係唔好彩也...個日撞正星期二..要學琴><"

原本我學先...跟住就番屋企做數~

但係lemon tea拎d mock paper俾我..所以就我個妹學先啦...

影印d mock paper影左我$51..破產了><"啊媽又唔俾番$$我..

學琴...彈首nocturne彈到我手指都斷喇..仲要成首歌拉快..

彈彈下..miss叫我星期五彈多次..星期六先表演wo~~

唉...真係好想個日詐病唔去..討厭><"

學完去左食飯啦..早d番屋企~

點知我啊爸鎖左鐵閘..冇門口入=.=

仲要訓埋覺...吹漲..打俾佢唔聽,按門鐘唔聽~~

搞到我企係門口度成15mins先番得入屋..

沖完涼又係做數+做數+做數~

11點幾訓覺..3點鐘又起身~~攰死我..

做到個陣其實我d identities個d 搵A同B=?個d仲唔識計..唉~

番到學校即刻搵人教我囉...真蠢!!學極都唔識咁既??

話咁快老師就嚟左...超驚啊!!

做卷做得好快!!好happy啊...佢d MC唔係考technique..都係計數~冇唔識啊...

黃sir出卷超衰啊..short quesions5分一題..好攞命嫁ma~~

long questions我識計啊..真開心!!成份卷得一題short question唔識咋...

就係identities個d A同B喇..

MC錯左好大意既一題..我答左A:-25..唔記得左前面有個minus sign..應該係D:25~

希望今次份卷會拎高d分啦...

星期四考eng.list.+BK..冇乜野溫~番到屋企就訓覺...

訓醒先溫...夜晚好早訓~由於考BK冇乜野溫既關係..我第2朝4點先起身..

BK份卷好似好難咁既...唔多識哇!!~~有幾題撞啱左..呵呵^^希望唔會炒啦..

放左之後..啊媽要出來沙田wo...叫我係沙田等佢~唔洗番屋企..

我同啊媽講話出NTP睇書...咁啊媽就叫我係NTP等佢囉~

我同朱一齊出NTP..去左影貼紙相~媽媽唔知喔..

係商務見到我期待已久的harry potter7..超想買喔!!

啊媽又話考試考得好先有得買..咁就凍過水啦!!

佢好既意思係平均分83啊!!咁先有得買書同新電話..睇來都冇機會喇..

跟住同啊媽去左偉華中心食lunch...

我叫檸檬茶飲..杯野飲竟然冇落糖水~~好難飲啊><"

番到屋企苦讀LS..原來都好小野背啫..

唔洗考mass media就真係好小野~mass media多野背到乜咁..

個晚睇唔到佢sms..9點幾先回番佢..

佢就應番我囉...見唔眼訓就同佢sd到10點幾囉..

佢都要早起溫書wo..咁就起身個陣搵下你啦!!

sd左個sms同佢講早晨..問完佢溫書溫成點就各自各溫書lu~

朝早打俾朱叫佢起身..打極都冇人聽~

最終打去佢屋企..佢啊媽聽~佢部手提有成21個miss call..

佢較左部電話做靜音囉..o咀呢~

救命啊..份LS卷比我想像中難好多囉...

個weather map<<係咪冇依個字嫁??定係weather chart呢..唔記得lu~~

個幅圖啊...好多isobars..又印得唔好~~好難睇喔..睇到我頭暈~~

long questions個度問why個d大部份都唔多識答囉..

估唔到LS都會成為我可能會炒既其中一科...feel disappointed...

考LS個陣真好笑...謝SIR監考啦..

佢入到嚟全班係咁笑...但係啊SIR唔知咩事...

仲有時間..我地就叫佢俾多D時間我地溫書啦...

點知佢拎個鐘落來較快個鐘囉=.=

未見過老師好似佢咁...全班O哂..之後就係起哄...笑死!!

放學個陣朱同佢啊媽講電話..佢啊媽問佢考成點~

朱搬左我出來講:"份卷好難啊...連林曉瑩都唔識啊!!"

咁我咪和應下佢囉..又唔係講大話..我真係唔識ma..

點知佢啊媽竟然話:"林曉瑩係唔係幫你先咁講咋??你唔好夾埋佢一齊做戲wo.."無奈爆呢..

番到屋企..訓覺!!訓醒覺同佢sms啦..sd左幾個就傾電話~~

都唔記得左要去彈琴tim...啊媽唔提我都唔記得!!真失敗..

同佢講啊..IS好難~~佢又話3日...死都變生啦!!~

你講得咁叻..做俾我睇MA~~

星期六成日都係度練琴..5點鐘出門口去表演囉..

麻煩的..我係第1個~~好討厭啊...

驚到手震TIM...希望冇人睇到啦...

跟住俾分其他人...個個都要寫評語啊...都唔知點寫~真係俾MISS玩死..

表演完之後成班人玩左個玩到厭既遊戲...

之後就有個CHRISTMAS PARTY啦..

好多野食啊!!好多都係我鍾意既甜品喔^^

食左成兩件cheese cake啊..好飽飽了..好好味啊!!不過肥死喇...唉><"

星期六成日都冇溫過書~~都唔知點死...

沖完涼個陣收到佢sms...又話你有3日一定ok?

同我講話好難...除左叫你加油,俾d心機都唔知有乜好講..

星期日好遲先起身啊..跟住整個PE個ppt整左超耐囉..唔夠時間溫書!!

邊個女仔話要星期一present嫁!?

淨係識得星期三要出街..星期一present邊有時間準備啊!!唔洗溫書牙??

4點半搞掂左個ppt..剛好佢就sd個sms嚟..問我溫書溫成點..

就同佢講唔識+冇乜點溫過囉..

佢星期五講到自己鬼咁勁~

最後就係同我講話佢高估左自己...依家先溫得個一課...覺得佢好慘><"

我仲慘啦..溫都未溫過!!就係咁溫溫溫,,,

11點諗住訓..拎通告俾啊媽簽啦~點知俾人鬧..鬧到差唔多1點~

鬧左超耐囉...跟住係張床度狂喊..喊到癲左=.=喊到1:45到先訓著..

跟住2:50到佢就打嚟叫醒我...抖左陣...去洗臉...發覺對眼喊到腫哂><"

算...IS考7.1-8.4~個陣我先溫到7.5~~要加把勁喇...

臨出門口前15MINS左右...就做舊年份卷~OOKK啦...都唔太差既..

番到學校係咁溫書囉..好快就開考喇!!

IS份卷比我想像中的易得多..但係我冇信心攞高分喔~

放左學就去左JACQUELINE屋企..

好快就番學校..係canteen坐左陣就上去present~

超happy啊!!我地組既presentation拎滿分!!呵呵^^

present完就番屋企lu...食完野又係訓覺!!因為尋晚只係訓左一個鐘既關係...

尋日真係happy..淇淇sd左ocean park首廣告歌俾我也~~

超鍾意個首歌啊...仲做埋電話鈴聲tim...係咪好低b啊我??

今日考中文oral...同朱一齊番學!!

8點3到就番到學校lu..係度傾傾傾~

好快就上去考oral喇..

篇文唔多難..比起份模擬試題易好多~~

有一個字食左落肚...唉..又俾人扣左分喇~

有個字唔知讀得啱唔啱呢..

今日打左咁多...好攰喇!!~

要留cm啊...打得好辛苦