終於都開blog喇!!~好開心呢....

5月打完blog到依家都冇打過~~

諗住開xanga...點知申請左又唔識用=.=

以前個blog唔會再用嫁喇...d老師知道哂..好唔鍾意!!

非常簡單地打番之前既野啦...太耐喇!!唔會好清楚...

篇blog都應該會幾長既...俾d耐性睇左佢跟住要留cm喔!!

先講下我既生日丫......過得好開心嫁!!(如果唔係考緊試仲開心><)

個日考中文....放好早啊~~一如往常同之之番屋企啦...

就快番到個陣收到個SMS...原來係啊灝哥哥SD嚟既...

好開心啊...小學冇幾個同學記得我生日既...

跟住番到屋企又傾電話..玩SMS~~之後仲搵埋BILLY一齊傾TIM..好HAPPY...

夜晚出沙田食飯...一路食飯,行路都玩SMS...仲玩到俾啊媽鬧..話要收我電話!

番到屋企開始溫書...好彩第二日唔洗番學...唔係一定唔夠時間溫喇!!

再講下考試啦....一個字形容:差!

攞番d卷個陣...真係懷疑係唔係自己既...難以接受啊!!

低到不得了...中史得59分~~UT個陣攞83分...仲以為今次會好D...點知係四次最差個次....

番到屋企當然係俾人省到"立立令"啦~~(睇唔睇得明??)

好彩之之係度...唔係命仔不保~~

又講下第二樣野...講下個STUDY TOUR BRIEFING個日~~

番到去個陣D人練緊繩....冇幾耐就上去上堂喇!!

教澳洲既文化同俗語....極之無聊同悶~~又係SD SMS...

跟住同左之之去吉野家食飯..啊爸都係度~~

食完之媽又嚟左..一齊番學校BRIEFING~

仲以為會講下D新野丫...以為會公佈HOST既名單~點知最吸引都只不過係張行程表咋...

其他野都好悶...例如:教你點執行李啦....好易訓著覺zzZ.....

跳下跳下就講到去台灣旅行個陣喇BO...

去左台灣就冇得練繩喇...俾人鬧我也...

第一日勁早起身,,搭車去機場啦...搞左勁耐先上得飛機~

搭一個幾鐘機...食左一餐..好難食既飛機餐><

到左台灣之後...因為落機個度係高雄..覺得好鄉下feel~~

跟住其實行程呢..就唔係好記得喇~~

淨係記得夜晚去左夜市度係咁食...d蝦同蟹真係yummy yummy啊!!

第二日去日月潭...係酒店搭3個鐘頭車去~

個度有孔雀睇wo...我地一去到,,個十幾隻孔雀一齊開屏..何其壯觀~

跟住又唔係好記得喇...淨係記得夜晚..又係去夜市係咁食~~

番到酒店打左個長途電話俾之之...問佢考試成績..唔好提喇...

新的一天...終於到去台北喇!!仲去左一間好出名既餅店買手信~

我一入到去..就見到"栗子燒"!!我雙眼發亮..我好鍾意食栗子嫁!!~

但係啊媽又唔俾買得多...買左兩盒咋~

跟住呢...個日下午去左浸溫泉..好舒服也~~

夜晚又係去夜市開餐...係3晚食得最多既一晚!~

攞命也..咁多日夾埋食左咁多野..都唔知肥幾多磅..原本已經夠肥啦...唉~~

不過d野真係好好味啊...依家好想再食~

第二日係自由時間啊...

首先搭捷運去淡水..冇野玩..悶悶悶!!

跟住去左食"頂"泰豐...(唔識個名點寫...><"")

d小籠包真係好好味啊!!~食完...去左101~

101個部升降機好快...好好玩~

上到去真係好靚啊....但係留耐左~

搞到我去誠品掃書既希望未能如願以償...

45mins買左5本書...唔多啦~~

個度成五層.仲要開通宵..好正~

跟住唔記得喇...搭飛機番嚟..番到屋企已經點幾lu~

第二日番學..跳繩比賽~我整親隻腳...練左個d都跳唔到~~

我打左咁耐..好攰喇!!

我澳洲個trip下一篇打番~~依家post相上相簿...上去睇相也!!