2007 年 1 月 11 日  星期四

星期四

1月11日___星期四 今日上堂___好鬼眼訓，但係我撐得住架。適當既時候訓， 唔適當既時候就唔訓架啦^^ 我知道上chem堂自己會眼訓，我決定企係到上堂^^ miss leung「張佩儀，罰企呀?」 「唔係呀，我好眼訓!!」 then  呀pam、c.to同呀雞就陪我企左成堂。 最後一堂math又好眼訓，不過呀砵係得架!! 放左學，補chem，4點9就放左，我同錦同斯同mil就落左去打沒。 不過可憐的meimei係殺波ge時候唔小心，又扭傷隻腳><.. 很擔心你啊，快一點好返知道嗎!!! 身體健康again!!!   有Linda坐係我隔離係好幸福的事。 因為唔會太靜，又唔會唔專心，又唔會悶，又好搞笑^^" i love you ,linda!   3333哈哈哈

2007 年 1 月 11 日  星期四

2007-01-11

阿虫都幾叻嫁!!   Events: 1.  今日放左成績, GPA 都ok 咁啦~~下學期再努力d !! 2.  後日阿虫去旅行啦 3.  今日返工都ok 咁啦, 唔太累 #呵呵呵 4.  小瑩全班第1 ＝０＝ 5.  詹瑞文单人匹马栋笃笑 ==> 好好笑 6.  新扎师妹3 ==> 留返同虫睇

2007 年 1 月 9 日  星期二

上學的生活

呢2日好似過得好不知不覺，^^"""而家覺得d時間過得太快， 永遠追唔到人地既進度。加ing油架啦!!! 陳傳德佢話好多老師係咁讚好多叻學生係我地班，係咁鬥數,,, 哎唷，我知點數都唔會有"張石本"同學個名，哈哈\\唯有自己讚自己多d^^ 我,,,好叻架!!! 唸返起尋日搵梁芷茵問chem，我真係愈黎愈唔鍾意佢， 如果佢覺得我地唔識應該要早d問，虛心學習， 唔該佢比多少少耐性咁教,, 佢講極都講唔到我唔明既地方   都唔係最重要既問題， 但起碼你要比我感覺到你想教好我,,,,,, 我地都唔係你要求中、想像中咁聰明!!!! 放假前呢///MISS Tang都有時缺堂，到而家返黎幾日，都只係見過佢半堂 聽講好似幾嚴重,,,,,,擔心="= 希望佢快d好返。各位都要身體健康!!!!!!

2007 年 1 月 7 日  星期日

哈路

呢排超級凍,,,,, 我都好少可著得咁「擁腫」，， 今日都幾頻撲，但係好開心。因為今朝被林生約我食早餐^^ 我學識treasure呢個字啦^^以後我地每week都可以有機會鞭策鞭策,,Good!! 又有時間對住林生,,,,,又有時間邊食邊傾計,,,,,perfect!! 食完好滿足既xxxx米粉之後呢，林生就返工，本小姐就唸住去圖書館 唸住自己去惡補chem,,,,天意弄人 條隊好長，上面果層又冇位，then行去坑口青年空間>>>未開， 去老麥>>多人到我都唔敢入去，點知原來food cort有好多位 .......................... ............................. 兜兜轉轉只係係food cort同老麥有我同本chem書既足跡 但係,,,今天過得很好,,,,!! 煮飯比人食係一種幸福/////食果餐飯既人都好幸福 食得開心，2方會更幸福///// ps:::我都好累  >3<

2007 年 1 月 6 日  星期六

大陸之旅:

大陸之旅: 係1月2 號係我同阿虫既年半紀念日!! 原本呢就可以去玩嫁!! 不過大頭虫就以為自己今日要返學!! 所以咪走左去返學law!!! 結果又得個吉 好啦,我地出到旺角，發現已經３點九(4點開車), 就拿拿聲買車票, 再去7仔 買d 野食,睇睇時間重有4分鐘就去埋個toilet!! 點知一出toilet 發現我地班車開始向前行既 =0= 發現有d 不對路!! 跑呀!! .... 好似追到=0= 但重俾司機蝏鬧: 你地2個去左邊呀! 跟住同小依送別就走咯~~ 開車既途中同虫傾下計, 同亨利傾下有咩玩 6個鐘頭的車........＝＝ 去到大陸了,我地約好9點半到陽江車站落車,去到陽江 車上9個人只有2個下車,我同henry 諗應該不是e 度落車, 因為車票寫去到陽江,加上我地左望右望都睇唔到似阿年的人物 =0= 結果我地冇落車繼續去........ 我地突然見到陽春市歡迎你....就知...出事了.... 好彩！！！真係千萬個好彩！！ 就係ｈｅｎｒｙ部手提識由People 轉左做中國移動．．．． 阿年先打到俾亨利．．．．佢媽媽就渣車黎陽春接我地．．． 係陽春車站等個時實在太可怕　＝０＝　個車站的廁所係冇燈嫁．．． ｄ人又同我地２個衣著格格不入．．．好鬼驚 最後阿年黎到接禾地啦∼∼∼出平安冇事．．個時已經１０點８．．． 比原本遲左一個鐘．．． 跟住年媽就車我地去食野．． 去左野寫住大酒店的東西．．．初初以為好豪華．．． 一入到去　＝０＝　短解酒店　＝　酒樓？∼∼ 都好，我都想食點心 (夜晚仍有點心食, 真係奇~) 跟住就返年家了!!! 佢既屋企有6樓 呀 =0= 他媽的! (大家估下1樓拎黎做咩) 答案係泊車....車係泊係屋內的 =0= 2樓係食飯的客廳, 加一個放左兵兵波台的地方 3樓係 2 房一廳 (年弟弟,年婆婆) 4樓係 4 房 (年媽住其中一間,年姑姐其中一間) 5樓係 4 房 (阿年係其中一間,我地就訓阿年間房) 6樓係 1 房加露台 夜晚,我地就玩撲克牌 加 睇波過了(成早上8點才訓) 1月3號 我地一起身(12點幾),就係阿年屋企食左午飯(原本是9點半去飲早茶) 跟住年媽就車我地去浸咸水溫泉.... 感覺..一般...好似係泳池浸熱水..~不過都幾好反 之後就去左程村食生蠔(唔係林俊豪~~呵呵) (程村蠔原來好出名!) 個間野既蠔有成20種煮法!! 蠔餅最好味! 有d 就咁煮熟成隻蠔就叫 吹蠔, 點下"時油"都不差,不過食得多就麻麻啦~ 跟住食飽飽就回年家坐下,睇下電視,阿年休息完 就帶我地出去掃街,掃夜街, d 野食超平,食左: 牛肉$0.5串, 羊肉$1串, 豆腐$2, 九菜$1串!(係可以整野一串的), 大腸仔$1條(佢地叫熱狗), 茄子$?? =0= 食左好多都係$38!! 但係有個問題就係d 野食太辣.........不得了,食到我想死.... 之後都成11點半,我地就去麥記買左外賣回年家!!(年爸車我地) 買左：麥樂雞餐（５件雞，小可樂，小薯條）＄１３．５　＋　綠豆批！－－＞好味 P.S.老麥的旁有間 KFC肯得基?!!? 唔係!! MFC 麥肯基 =0= 回到年家,就開餐睇電視~~又過一夜了