今日同肥羊呀秀行街.....

當我地行到累果陣，肥羊提意去沙田某個露天公園

果度真係好令，好有氣氛一直都好鐘意去果度坐

當我地一坐低果陣，見到對面張搖搖櫈坐左對男女

肥羊就問：果個男仔咁似呀皓既？

我一望過去原來真係呀皓

佢同上次果個女仔一齊

呀秀就大大聲咁叫：呀皓∼∼∼

佢望住我，我都望住佢

我個心係度諗：佢地係唔係真係一齊左？

當我係兄弟一齊左都唔話俾我知

我真係又嬲又心痛

我同佢地講：我地走啦，唔好阻住人地

拜拜都無講就自己走左先

我驚再走遲一步就會俾佢見到我兩行眼淚

之後我地３個走左

呢一刻我真係好想靜下

我同佢地講我返屋企先

去到火車站，電話響，係佢打黎

我諗左好耐聽定唔聽

之後呀秀話：想知結果係點就聽啦

最後我都係無聽，因為我怕．．．我怕我控制唔到自己

無幾耐電話又響

我深呼吸一口氣終於接受現實

佢：喂，林琳∼你地做咩咁快走呀？

我：廢事阻住你兩個呀嗎，你真係唔夠義氣，連一齊左都唔話我知

佢：林琳，其實我同佢係．．．

我：你唔洗同我解釋咁多，哈哈

佢：林琳．．．我地真．．．

我：好啦好啦，唔阻你地啦，拜拜啦！

之後收左佢線，我真係好驚你講出佢係你女朋友

我真係唔想聽到呢幾個字

我真係好想安安靜靜咁過一日

點解連個天都唔肯放過我

今晚我又收到一個信息

係佢ｓｅｎｄ黎

佢同我道歉話佢無瞞住我

佢無同個女仔拍拖

當時真係天都光晒

個傻佬以為我嬲佢話佢無義氣

聽完佢既道歉，真係唔知開心好定傷心好！