今日我同琪,

堡同埋堡細佬,

一齊去旺角食自助餐,

跟住行左一陣,

就去左琪樓下游水,

佢地之前都整日叫我去游架!

不過我又唔係幾識游,

所以咪唔去囉!

仲有我游完水,

隻腳會敏感架!

但係我見佢地既活動,

我已經整日都冇去架喇!

咪同佢地游囉!

本來諗住去愉翠苑打羽毛球,

不過去到個到被人霸住左個場,

我記得佢地就係上次偷左堡塊羽毛球拍,

仲要大大聲講:

「走左又唔拎埋塊拍走」既人,

明明就係佢地唔岩,

仲要惡人先告狀,

今次又見到佢地,

仲係到暗串我地喎!

今日係我呀爸生日,

係到同佢講聲happy birthday先!!!

我話最著數呢就係我呀爸生日同父親節就好接近既,

咁咪順便一次過慶祝囉!

你地一定話我好衰啦!

咁廢事咁煩呀嘛!

我地仲買左個蛋糕黎慶祝添!

呢排日日都約班fd出黎玩,

今日又約左佢地出黎打羽毛球,

果幾個男仔勁賤格囉!

玩人玩一次咪夠囉!

冼唔冼咁呀!

第一次唔嬲,

唔代表第二次唔會嬲架!

佢地又搶走我地個袋啦!

不單止呀!

我想攞番既時候,

仲整痛我隻手添呀!

我同堡咪唔理佢地,

各打各囉!

跟住其中一個男仔想我地原諒佢,

就打黎同我講話:

「張xx偷左你D相返屋企」

宜家都唔知點攞番好呀!

今日又約左班fd出黎玩,

又玩果D冇聊遊戲,

臨走既時候落雨,

又冇帶傘喎!

搞到臨左陣雨,

返左屋企之後,

有D頭痛,

都唔知會病到點呀!

本來今日林國x約左我,

堡同埋張毅x去睇戲,

我地約左9點半係UA門口等,

點之我9點9先去到新城市,

你知啦!

我又冇乜方向感既,

明明之前黎過,

都可以唔記得係邊既,

搵左好耐先搵到,

點之已經開左場啦!

諗住等到散場再join佢地,

咪去圖書館囉!

睇左1個半鐘頭書,

又自己行悶街,

我又大頭蝦冇帶電話喎!

直到11點半既時候,

諗住搵個D要入錢既電話打,

點之又係搵唔到,

當時真係好冇助囉!

行下行下突然比我發現前面有入錢既電話啦!

跟住我打比堡問佢地係邊,

佢話:「我番左屋好耐啦!」

跟住佢落黎同我行街,

行到悶悶地咪去左愉翠苑玩囉!

玩到好累呀!

本來去王嘉x屋企玩架!

不過某人又去,

咪唯有返屋企囉!