寫blog係一項好耐無接觸既動作

或者可以算係半放棄既活動

可能唔係好了解我既人未必知

其實我確實唔中意用電腦！

我可以兩至三個星期唔用facebook

甚至唔開電腦......

於我而言，電腦或互聯網唔可以俾我生活所需

每日起身，第一件事係開著收音機

未必係用心聽DJ們既說話

畢竟電台DJ係我最敬重同欣賞既行業之一

就當係幫全身最無可避免既感官熱一熱身

之後就食下早餐...午餐

上下午既空閒時間可能會玩下樂器

睇下書(唔會睇好耐xd)、搵下珍藏既CD出黎聽、更甚去做運動

其實一日真係好快過 (以放假而言)

題外話：

有一項享受生活，為自己打造生活上一點驚喜既方法可以分享俾各位

我係從一位電台DJ口中聽過，而且自己都嘗試過既

首先搵一個紙箱/紙袋 (只要可以令自己睇唔到入面既野就ok)

然後放大量CD/VCD/DVD入去

閉目抽一隻出黎，play左佢

果隻未必係你最想聽/睇既碟

正正係因為咁，你對果隻碟既一份陌生，少少既反感

就好有可能為你接著既一個至兩個鐘有一份少少既驚喜

或者對一隻舊碟有全新既體會

我絕對唔係一個熱愛上網既人

不過我十分享受我既生活

可能追唔上潮流，但依然活得充實

推薦大家都試下搵方法享受每一日

亦歡迎分享一下你既方式，你既生活