雖然我加入左管弦樂團唔係好耐

但我真係好鐘意呢個樂團

我仲記得一開始既時候,我係好唔想去練習

次次都係好hea咁過左一個練習

但當我自己做得唔好既時候

我又唔想累左大家

由果時開始我就好認真咁對待每一次既練習

唔想遲到,唔想早走,唔想錯過任何一次既排練

直到e+完左開放日之後

我都有d唔捨得開放日

因為星期一,三,五,六既練習

變成只有星期五既練習

又少左機會對著大家>.<

多謝吉田安娜,莫sir既教導同丫慧既照顧

我會一直留係管弦樂團,直到畢業

我絕對絕對唔會比樂團散架

唔會忘記呢一個開放日既回憶>.<

今日8點約左成個管弦樂團去m記食早餐 9點番到學校採排 進場果下打錯左= = 我心獻曲果時crash打到 但唔係幾準 終於到左12點喇 食完晏就上去音樂室換3(團服) 3個男仔(包括我) 入左210a(即小房)換 有人幫我地守著 仲山埋燈 換下換下冇啦啦開燈 嚇死人換好之後就番去再來一次採排 3點正式開始第一場感恩祟拜(f2,f4) 進場仲係打錯 有2下miss左 可能一開頭有少少緊張 錯得好顯眼囉! 好彩傳頌救恩冇打錯 不過就打得急左 搞到成個樂團快晒 我心獻曲都係 就後就聽果個林傳道叫左好耐野 盧仔就訓左係個小鼓上面 驚死人唔知咁 要我踢一踢佢先醒 我都好想訓架 佢就話可以訓係個小鼓上面 我唔通訓係個鈸上面咩 終於講完 就後黃頌恩去左洗手間 所以我要幫佢打大鼓 我都唔係幾識打 跟到就跟 跟唔到就算啦= = 退場個bit我快左少少 莫sir之後就同我練番 之後就搬野落左操場做學藝薈萃採排(麻煩到死)  但採排一切順利 之後又搬野上番去(冇力囉= =)全部人走晒得番我同霆 佢就摺飛機 我就練爵士鼓 佢間唔中又過來講一講應該點 練左半個鐘就番屋企 聽日仲約左管弦樂團去m記食早餐 7點到 即係我6點2要起身 起唔到就唔去lu= = 訓教先  zzz............

呢2日本身係唔洗返學架 正常係唔洗 但我管弦樂團 2日都要返 本身應該係12:30到學校既 不過D師兄師姐話佢地要練canon in d 就係因為咁 佢地8:00就要返 但我canon in d冇野練 所以我11:30先返 我怕感恩祟拜果日我打carsh會出錯 因為我成日都出錯>.< 錯左就死喇 鈸咁大聲 一定聽到喇>.< 唔想著團服囉

8:00番到學校 同管弦樂團d人吹左陣水 之後就點名 救恩大使訓練(悶到死) 12:00食飯 食左個腸仔,火腿,牛丸,公仔面(好多料0.0) 12:15就上左音樂室換團服(燕尾服 西褲 恤3 好7>.<) 之後就起行去禮堂 今日 2:00感恩祟拜開始排練 首先係thank giving 之後就係我心獻曲 再十週年主題曲(傳頌救恩)(三曲都係做伴奏) 冇野做lu 但係要照坐定定 5:00開始學藝薈萃排練 我地管弦樂團係第一組出場 搞定音鼓丫 木琴丫 大鼓丫 鈸丫(我打>.<) 敲擊d野樣樣都咁大件 要搭lift落去 7樓同4樓都有人整野 到左2樓又冇晒位 幾經辛苦 終於得啦 上台演奏一首傳頌救恩就冇啦 返到後台 (戲玉) 首席就話 就係咁演奏一曲 感恩祟拜果3首都係伴奏 我地學藝薈萃就只係演奏一首 咁不如插歌啦 我地每個星期一,三,五都練2,3個鐘 得番來既就係咁既成果 之後就同莫sir講不如演奏2首 就後拎番d野上音樂室 就諗演奏邊首 最後揀左canon in d   first voilion就冇問題 但係長笛節奏就唔夠快 所以要thrid voilion幫手拉 敲擊有霆(人名,唔係打錯字= =)就冇問題啦 練左陣之後就番屋企啦(果時7點幾) 我係冇份演奏canon in d既 因為敲擊得木琴  鋼片琴同bell要打 定音高樂器我就最唔擅長 同埋果節奏咁快 我一定唔得 但鋼片琴同bell得8個音 好易打= = 我個人覺得首席今日好型>.<(女黎架) 我睇得出首席好緊張今次既表演 可能係佢最後一次掛 話晒佢都from5啦(最後一年啦) 今年仲係10週年 佢好盡力,好認真咁練習 希望今次表演可以令佢留下美好既回憶啦 如果今年再冇新成員加入既話 我諗管弦樂團應該會做唔住架啦 因為好多from5都走晒 小提琴都走左2個 敲擊又走一個(佢走左真係唔知邊個打定音鼓) 再過一年,e+既from4又走埋 敲擊會由本來既6個變成得番3個 長笛又走 真係唔知管弦樂團會點