有一個人看到了特別的光，但失去了信任；有一個人嘗試用科技享受夢想的生活，卻帶來無比的空虛 ；有一個人竟能夢到兇手，卻只能以鬥志方式嘗試捉拿兇手。如果你是主角，你會步他的路嗎？




    喂Hello，首先真心好多謝你肯抽時間睇呢4個科幻小說，大大話話都打左成萬六字，我諗都會用左你成個鐘先睇得哂。有人問主角係唔係我@_@你睇完再估啦~
    呢個係我第一部寫比黎比大家睇既小說啦，用左2星期先打到出黎，我打字真係好慢，有時劇情諗到但打得太慢搞到拖慢哂個進度，呢2星期做左whatapps忍者一直潛水，有Fd直頭打比我鬧我仲乜潛哂水以為我出左事，哈，笑。
    細個都成日寫科幻小說，但唔會比人地睇，因為自己都知道個陣寫出黎既野低能到死(不過依家個d仲低能)，但科幻小說係好多人既回憶，細個個陣真心想打開個櫃桶坐時光機(當然得i love u boys先做到)。唔知大家有冇一個階段好討厭自己既無知同幼稚呢？我都有嫁，個陣想自己快d大個，後尾先發現其實細細個個陣既回憶先至係最寶貴，就算幾多錢都買唔到既。

至於點解會寫既原因係想大家有個對童年有個共嗚，希望大家唔好遺失自己既童真，凡事有個想像既空間。

    原本得3篇，但因為無啦啦諗到第4篇既「虛實」，就寫埋先post啦。呢4篇既短篇小說有D好有深度，結局可能要諗深一層先get到，但無論睇唔睇得明，都可以同我討論下/留言，我好希望睇完既人可以比feedback我~~批評同欣賞甚至唔明結局都可以問我。衛斯理先生講過短篇科幻小說比長篇更難，因為要o係短短既字數入面將故事帶黎你既世界唔係一件簡單既事，自問文筆唔好，但係係個挑戰，唔通唔作咩？
    廢話唔多講喇，由「灰色的彩虹」開始睇啦！