你的愛情生病了(2) 相思病

「林小柔，葉家誠。」護士在診所內對講機說。
「局！局！局！」大門發出敲門聲響。
「進來請坐。係？林小柔同葉家誠？」愛情內外專科李醫生問。
「係呀係呀！醫生……」家誠急不及待。
「倆位坐低先丫。」李醫生機械地背誦對白。
「你坐低先啦。」小柔拉著家誠一起坐在病人椅上。
「倆位有邊度唔舒服？」戴著口罩的李醫生托托眼鏡問。
「Em...…醫生...」
「我地覺得，我地既愛情開始變得虛弱。」
「我覺得我地變得冇想像中咁愛對方……」
「係……我地係好愛對方…好想愛對方……但我地既愛開始褪減緊。」
「打開個口睇睇。」醫生把小木棒放進小柔口中檢查。
「我地好吃力咁維持呢段關係……病左之後都食過幸福傷風素，但都好似冇幸福過咁。」家誠道。
「吾。」李醫生換了另一支小木棒拿著小電筒替家誠檢查。
「醫生，我地開始明明好好嫁！但快樂好似煙花咁好快就燒完……」小柔道。
「我好想去維繫………但又驚個結果，好驚徙勞，好驚只得自己努力，到頭去只有自己一個有心維繫呢段關係。咁只好一齊繼續啞忍，繼續唔理……」家誠低頭。
「病左，就緊係要第一時間睇醫生啦，食埋尐成藥冇用嫁，仲要將個問題收收埋埋以為解決到件事？呃住大家，再收埋個問題唔面對，就會好似癌細胞咁慢慢擴散，到最後發現問題嚴重到要面對既時候，就會變絕症，不治嫁喇。」醫生輕微指責。
「有冇覺得頭痛心悶呀？」醫生問道。
「有呀，最近小小事個心成日抽住抽住痛。」家誠指。
「我都有……」
「有冇占寒占凍？」醫生繼續把病歷抄寫在病歷卡上。
「有呀！天氣一凍就更加空虛……」
「好似就黎失去好重要，失去所有野個感覺呀。」
「吾……有冇吵架？」醫生問
「冇呀……我地都用冷戰……」
「吾……行街約會睇戲甚至見面呢？病發後有冇少到？」醫生問。
「有呀…少左好多。」家誠看著小柔。
「呢個係病因，亦都係病徵。相處時間係養份。」醫生拿了本醫科愛情小說翻了幾頁。
「唔花時間花心思去維繫緊係會惡化啦。」醫生一邊翻一邊說。
「會唔會冇得醫嫁？！醫生，你一定要幫幫我地！」子柔哭了。
「你地都係『流行性幸福揮霍症』，患左病既人就開對對方唔識珍惜，再遲多一排睇就冇得醫嫁喇。不過好彩你地黎得早，只要準時食藥，打番支針就冇事，有冇對咩藥物敏感？」醫生轉身準備針箱。
「我對第三者敏感。下，醫生，要打針！？」家誠道。

「你驚打針？」醫生指。
「唔係呀，小柔怕疼……我看到她疼我也會疼…」家誠牢牢地牽著小柔。
「我唔驚，只要好番，我唔驚打針。」小柔把家誠手捉得更緊。
「好，我地依家幫你地2個人都打支相思病疫苗，3個鐘後你地會開始有相思病。唔洗擔心副作用，因為副作用就係擔心，擔心對方。呢個相思病會令你地更加珍惜對方。」話畢就將針筒抽出疫苗替倆人注射。
「至於藥物方面，我處方你們『隔離藥』。你地早晚服，服完整個治療共一個月。服用藥物後，你們只會一星期見面一次，其他日子只可以思念對方，請好好珍惜好好期待每次見面的機會。重新感受初戀那味道。仲有冇其他問題？」





揮霍症是流行性愛情通病。大概大家太習慣了擁有。大概也只是缺了一個思念他的她，以及一個疼愛她的他。

17/10/2015

~完~